ISAIAS 10
10
Ti Dios aramatenna ti Asiria iti pungtotna, ngem ti Asiria madusanto. Maysa a paset ti Israel agsublinto, ket ti Dios dadaelennanto ti Asiria.
1Asi pay dagiti mangituyang iti nakillo a #Sal. 58:2; 94:20.bilin, ken dagiti mannurat nga agsuratda iti kinaulpit;
2Nga isiasida dagiti addaan pannacasapul iti kinajusticia, ken tapno tacawenda ti calintegan dagiti #Isa. 14:32.napanglaw iti ilic, tapno dagiti babbalo a babbai isuda ti samsam, ken tapno maaramidda dagiti ululila a tinucmaanda!
3Ket ania ti aramidenyonto iti #Os. 9:7. Luc. 19:44.aldaw ti isasarungcar, ken ti pannacarba nga umayto nga aggapu iti adayu? Asino ti pagcamanganyo a tumulong cadacayo? ket sadino ti pangibatianyonto ti dayagyo?
4Agrucnoydanto laeng cadagiti balud, ken mapasagdanto iti babaen dagiti natay. Ta gapu amin daytoy ti pungtotna saan a #Isa. 9:12.pimmanaw, no di ket ti imana adda a silalayat pay laeng.
5O Asirio, #Isa. 9:4.pang-or ti pungtotco, ti sarucod nga iti imana adda ti rungsotco!
6Ibaonconto a #Isa. 9:17.bumusor iti maysa a nacion a managtabbaaw, ken isu bilinecto a bumusor iti umili a cagurac, tapno #Jer. 34:22.alaenna ti samsam, ken ti tinucmaan, ken payatpayatenna ida a cas la iti pitac cadagiti calsada.
7Nupay casta dina panggepen a casta, ket #Jer. 50:20. Mik. 4:12.di met panunoten ti pusona a casta; no di ket adda iti pusona ti panangdadael ken mangtalipupus cadagiti nasnacion nga adu.
8Ta cunana, Saan aya nga ar-ari amin dagiti #2 Ar. 18:24.principec?
9Ti #Amos 6:2.Calno saan aya a #2 Cron. 35:20.cas iti Carkemis, ti #1 Ar. 8:65.Hamath saan aya a cas iti #2 Ar. 18:34.Arpad, ken ti Samaria saan aya a cas iti Damasco?
10 #
2 Ar. 18:33. Yantangay ti imac nasaracanna ti pagarian dagiti didiosen, a dagiti kinitikitan a ladladawanda nangnangronada ngem cadagidiay ti Jerusalem ken ti Samaria;
11Diacto aya aramiden ti cas inaramidco iti Samaria ken cadagiti didiosenna, iti Jerusalem ken cadagiti #2 Ar. 18:14, 16.didiosenna?
12Gapuna a maaramidto, nga #Jer. 25:29.intono matungpal ti Apo ti amin nga aramidna iti bantay Sion ken iti Jerusalem, #2 Ar. 19:35-37.dusaecto ti bunga ti nasukir a puso ti ari ti Asiria ken ti dayag ti natangsit a panagkitana.
13 #
2 Ar. 19:23. Agsipud ta kinunana, Babaen iti pigsa ti imac ken iti kinasiribco isu ti inaramidco; ta adda pannacaawatco: ket iniccatco dagiti beddeng dagiti inilin-ili, ken rinabsutco dagiti gamgamengda, ken cas iti maysa a maingel a tao mayulogco dagiti agtutugaw cadagiti trono:
14Ket ti imac nasapulanna a cas la umoc dagiti kinabacnang dagiti il-ili; ken cas iti panagurnong ti maysa cadagiti itlog a nabaybay-an, casta ti panangurnongco iti amin a daga: ket awan a pulos ti nanggunay iti payacna, wenno nagnganga, wenno nagkiac.
15Agpasindayawto aya ti wasay a bumusor iti daydiay mangiwasay kencuana? agtangsitto aya ti ragadi a maibusor iti daydiay mangyudaod kencuana? cas la ti maysa a pang-or bumusor coma cadagidiay mangitayag kencuana, wenno cas la ti maysa a surucod nga ingatona daydiay saan a cayo.
16Gapuna a ti Apo, a ni Jehova dagiti buybuyot, ibaonnanto cadagiti nalucmegna ti kinacuttong; ken iti baba ti dayagna dumarangto ti maysa a panagpuur a cas iti panangpuur ti apuy.
17Ket ti silaw ti Israel maipaayto a cas maysa nga apuy, ket ti Santona maipaay a maysa a darang; ket uramennanto ket runutennato dagiti calcalunayna ken cascasumbana #Isa. 9:14.iti maysa nga aldaw.
18Ket ibusennanto ti dayag ti bakirna, ken ti nabunga nga awayna, cararua ken bagi nga agpadpada: ket caslanto iti maysa a mangiggem iti wagayway no matalimudaw.
19Ket ti matda cadagiti caycayo ti bakir bassitto, iti casta a ti maysa nga ubing maisuratna ida.
20Ket maaramidto #bil. 27. Isa. 2:11.iti dayta nga aldaw, a ti matda iti Israel, ken dagiti #Isa. 4:2.macalisi iti balay ni Jacob, #2 Ar. 16:7.saandanto nga agsadagen iti daydiay nangcabil cadacuada, no di ket agsadagdanto ken ni Jehova, iti kinapudno ti Santo ti Israel.
21 #
2 Cron. 30:6. Maysa a tidda agsublinto, ti tidda met laeng ken Jacob, iti mannacabalin a Dios.
22Ta uray no ti ilim nga Israel, casda la cadagiti darat ti baybay, ti #Rom. 9:27, 28. laeng matda cadacuada ti agsublinto: maysa a pannacadadael maikeddeng, nga agliplippias iti kinalinteg.
23Ta ti maysa a naananay a panungpalan, ken daydiay naikeddeng, aramidento ti Apo, a ni Jehova dagiti buybuyot, iti tengnga ti amin a daga.
24Gapuna a casta ti cuna ti Apo, ni Jehova dagiti buybuyot, O ilic nga agnaed iti Sion, dica agbuteng iti Asirio, uray cabilennaca iti pang-or, ken ilayatna a maibusor kenca ti sarucodna, a cas iti cababalin ti Egipto.
25Ta iti maysa #Isa. 54:7.nga apagbiit a canito, ken ti lucsaw a maibusor kenca manungpalto, ket ti pungtotco maiturongto iti pannacadadaelna.
26Ket ni Jehova dagiti buybuyot tignayennanto ti maysa a saplit a maibusor kencuana, a cas iti pannacapapatay ti #Oc. 7:25. Isa. 9:4.Madian idiay bato ti Oreb: ken ti #Ex. 14:26, 27. Isa. 11:15.pang-orna agsaadto iti rabaw ti baybay, ken isu ti itayagnanto a cas iti cababalin ti Egipto.
27Ket maaramidto #Isa. 2:11.iti dayta nga aldaw, a ti awitna pumanawto iti abagam, ken ti sangolna maiccatto iti teltelmo, ket ti sangol matuccolto a gapu iti #Sal. 105:15. Dan. 9:24.kinalucmeg.
28Isu immay iti Ajad, linasatna ti #1 Sam. 14:2.Migron; idiay #1 Sam. 13:2.Micmas ti pangurnonganna cadagiti gargaretna;
29Nagballasiwda iti banawang; nagaramidda iti #1 Sam. 13:23.pagdagusanda idiay Geba; ti Rama nagpigerger; ti Gabaa ni Saul timmaray.
30Ipuccawmo a natbag ta timecmo, O anac a babai #1 Sam. 25:44.ti Galim! timudem! O Lasa! O sica nacacaasi nga Anathoth!
31Ti Madmena maysa a nagtalaw; dagiti umili sadi Gebim agtarayda nga agturong iti disso a natalged.
32Daytoy met la nga aldaw agsardengto idiay #1 Sam. 21:1.Nob: ilayatna ti imana iti bantay ti anac a babai ti Sion, ti turod ti Jerusalem.
33Adtoy, ti Apo a ni Jehova dagiti buybuyot, pucanennanto dagiti sangsanga ga aramatenna ti nacabutbuteng: ken dagiti natayag maputeddanto, ket dagiti nangato maipababadanto.
34 #
Isa. 9:18. Ket isu pucanennanto dagiti casamecan ti bakir nga aramatenna ti landoc, ket ti Libano marsuodto a gapu iti maysa a mannacabalin.
Currently Selected:
ISAIAS 10: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
