OSEAS 8
8
Ti dusa gapu iti kinadakes ken panagrucbab ti Israel cadagiti didiosen.
1 Isaadmo ita ngiwatmo ti #Os. 5:8.tangguyob. Umayto a cas #Deut. 28:49.aguila a bumusor iti balay ni Jehova, agsipud ta #Os. 6:7.naglabsingda iti tulagco, ken simmalungasingda iti lintegco.
2Umawagdanto caniac #Mat. 7:21-23.Diosco, dacami Israel, bigbigendaca.
3Ti Israel imbellengna ti imbag: ti cabusor camatennanto.
4Isuda namangonda cadagiti ar-ari #1 Ar. 12:20. 2 Ar. 15:13, 17, 23.ngem saan a gapu caniac: inaramidda dagiti panguloen, ket diac naammoan: #Os. 2:8.cadagiti piracda ken balitocda nagaramidda cadagiti didiosenda, tapno pacapucawanda.
5Imbellengna ti urbonmo a vaca; O Samaria, ti pungtotco mapasged a maibusor cadacuada; casano ti cabayagnanto ti pananggon-udda iti kinadalus?
6Ta naggapu iti Israel met laeng daytoy, isu inaramid ti managaramid, ket saan a ti Dios; wen, maburburacto ti urbon a vaca ti Samaria.
7Gapu ta nagmulada iti angin, ken agapitdanto iti alipugpug: awanandanto cadagiti dawa, ti bulong dinto mangted ti bellaay; no cas mangtedto, isu alun-unento dagiti #Os. 7:9.gangannaet.
8Maalun-un ti Israel; ita addada cadagiti nasnacion a #Jer. 22:28.cas maysa nga alicamen a saan a macaay-ayo iti siasinoman.
9Ta #2 Ar. 15:19.isuda simmang-atda idiay Asiria, cas la #Jer. 2:24.asno nga atap nga awan ti caduana ti Efraim #Eze. 16:33, 34, 41.tinangdananna dagiti caayan-ayat.
10Wen, nupay manangdanda cadagiti nasnacion, ngem urnongecto ida; ket mangrugida a mapabassit gapu iti awit #Isa. 10:8. Eze. 26:7.ti ari dagiti piprincipe.
11Agsipud ta pinaadu ti Efraim dagiti al-altar a pagbasolan, adda kencuana al-altar idi tapno pagbasolan.
12Insuratco kencuana dagiti sangalacsa a banbanag #Deut. 4:6, 8.ti lintegco; ngem maibilangda a cas banag a gangannaet.
13No maipapan cadagiti pannacaidatag dagiti daton caniac, agidatdatonda iti lasag ket canenda met laeng; ngem saan nga awaten ida ni Jehova: ngem malagipnanto ti kinadakesda, ket sucnalannanto dagiti basbasolda; #Deut. 28:23. Os. 9:3; 11:5.isuda agsublidanto idiay Egipto.
14Ta ti Israel nalipatanna ti Namarsua kencuana, ket nangbangon cadagiti palacio; ket ti Juda pinaaduna dagiti ili a nasarikedkedan: ngem siac #Amos 2:5.ipawitconto ti apuy cadagiti il-ilina, ket isu lamutennanto dagiti palacioda.
Currently Selected:
OSEAS 8: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
