OSEAS 5
5
Ti panaglicud ti ili nababalaw.
1O dacayo a papadi, denggenyo daytoy, ket ipangagyo, O balay ti Israel, tumimudca, O balay ti ari; ta ti pannacaocom agpaay cadacayo; ta dacayo idi ti silo idiay #Gen. 31:49.Mizpa, ken maysa a bateng a naipacat idiay #Jos. 19:12.Tabor.
2Ket dagiti immalsa limmaloda iti #Os. 9:9.panagpapatay; ngem, siac ti mangtubngar cadacuada amin.
3Siac ammoc ti Efraim, ket ti Israel saan a mailemmeng caniac; ta ita, #Os. 6:10.O Efraim, nagbalangcantisca, ti Israel marugitan.
4Dagiti aramidda saandanto nga ipalubos ti panagsublida iti Diosda; gapu ta ti Espiritu #Os. 4:12.ti pannakicamalala adda cadacuada, ket saanda a bigbigen ni Jehova.
5Ket ti kinatangsit ti Israel #Os. 7:10.ibatadna iti rupana: gapuna a ti Israel ken Efraim maitibcoldanto iti kinadakesda; ket ti Juda met maitibcolto a maicanunong cadacuada.
6Isuda mapandanto agraman cadagiti carcarnero #Isa. 1:11. Mik. 6:6, 7.ken vacvacada a mangbiruc ken ni Jehova, ngem isu saandanto a masaracan; isu immadayu cadacuada.
7 #
Os. 6:7. Nagaramidda a sigugulib iti maicaniwas ken ni Jehova, ta nagputotda cadagiti annac a gangannaet: ita ti lutuad alun-unennanto ida agraman cadagiti taltalonda.
8 #
Jer. 4:5. Pagtimkenyo ti #2 Cron. 15:14. Os. 8:1.turorot idiay Gabaa, ken ti tangguyob idiay Rama: pagunienyo ti panagbuac idiay #Os. 4:15.Beth-aven; iti licudam, O Benjamin.
9Ti Efraim agbalinto a langalang iti caaldawan ti panangtubngar: cadagiti caputotan ti Israel impacaammoc ti addanto a di-bumurong.
10Dagiti panguloen ti Juda mayarigda cadagiti #Deut. 19:14.nangyalis ti dulon; ibucbocconto cadacuada a cas danum ti pungtotco.
11Ti Efraim #Deut. 28:33.mailupit, maburac iti pannacaocom; ta isu napnec a simmurot cadagiti bilbilin ti tao.
12Gapuna siac iti Efraim ti cas maysa a sanga, ken iti balay ti Juda cas pannacalungtot.
13Idi nakita ti Efraim ti sakitna, ket ti Juda ti sugatna, iti casta ti Efraim napan idiay Asiria, ket ibaonnanto ken ari Jareb; ngem isu saannacayo a mabalin a paimbagen, ken saannanto met a maagasan ti sugatyo.
14Iti Efraim, #Os. 13:7.caslaacto iti maysa a leon ken cas la urbon ti leon iti balay ti Juda: siac, siac met laeng, pigisecto ken pumanawacto; rabsutecto, ket awanto ti uray siasinoman a macaluc-at.
15Mapanacto ken agsubliacto iti dissoc, agingga iti mabigbigda ti basolda, ken sapulenda ti rupac: iti pannacaparigatda sapulendacto a sigaganetget.
Currently Selected:
OSEAS 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
