OSEAS 13
13
Ti pungtot ti Dios gapu iti kinadangkes ti Efraim.
1Idi nagsao ti Efraim, adda pigerger; intan-ocna ti bagina met laeng idiay Israel; ngem idi #Os. 11:2.nacabasol gapu ken Baal, isu natay.
2Ket ita agbasolda ti umadu nga umadu, ket nagaramidda cadacuada cadagiti sinucog a ladladawan iti piracda, didiosen met laeng cas mainugot iti bucodda a pannacaawat, isuda amin gapuanan dagiti nalaing a managaramid: cunada a maipapan cadacuada, Dagiti lallaki nga agidaton agependa coma dagiti ur-urbon ti vaca.
3Gapuna maipadadanto iti ulep iti agsapa ken cas iti linnaaw nga agpucaw a masapa, #Sal. 1:4.cas iti taep a paadayuen ti alipugpog iti pagtaltagan, ken vas iti taep a paadayuen ti alinpugpog iti pagtaltgan, ken cas iti asuc a rumuar iti pasngaw.
4Nupay casta siac ni Jehova a Diosmo manipud idiay daga ti Egipto; ket awanto ti bigbigem a dios no di laeng siac, ken #Deut. 32:37-39.awan ti sabali a mangisalacan no saan a siac.
5Siac naammoanca #Deut. 2:7.idiay let-ang, #Deut. 8:15.idiay daga ti dackel a ticag.
6Cas cadagiti pagarabanda, casta ti pannacabsugda; #Deut. 8:12, 14.napnecda, ket kimmuspag ti pusoda; gapuna linipatandac.
7Gapuna a siac cas laac la leon cadacuada; cas la leopardo agsanebacto iti dalan.
8Sarakecto ida cas maysa nga oso a napucawan cadagiti annacna, pigisecto ti cabbut iti pusoda; ket idiay alun-unecto ida cas la leon a cabaian; ti animal nga atap lasanglasangennanto ida.
9Isu ti pannacarbecmo, #Os. 14:1.O Israel, #bil. 4. a sica maibusorca caniac, maicaniwas iti tulongmo.
10Sadino ti yan ti arim ita, tapno mabalinnaca nga ispalen cadagiti amin nga il-ilim? ken dagiti oc-ocommo, a maipapan #1 Sam. 8:5, 19.cadacuada kinunam, Iccandac iti maysa nga ari ken piprincipe.
11Iniccanca iti maysa nga #1 Sam. 15:22, 23.ari babaen ti pungtotco ket isu iniccatco babaen ti rungsotco.
12Ti kinadakes ti Efraim nabalcut; ti basolna naidulin.
13Dagiti leddaang ti babai nga agpasical, dumtengdanto kencuana: isu maysa nga anac a nanengneng; ta pannawen a saan coma nga agtactac iti disso a #Isa. 37:3.pacaipasngayan dagiti annac.
14Subbotecto ida iti pannacabalin ni Tanem; subbutecto ida ken patay: #1 Cor. 15:55.O patay, sadino ti yan dagiti angolmo? O Tanem, sadino ti yan ti pangrebbecmo? #Rom. 11:29.panagbabawi mailengedto cadagiti matac.
15Uray pay nabunga cadagiti cacabsatna, umayto ti angin nga #Os. 12:2.aggapu iti daya, ti anges ni Jehova nga aggapu iti let-ang; ti ubbogna agmaganto, ket ti burayocna mamagaanto: isu samsamennanto ti gupit dagiti amin nga agcacapateg nga al-alicamen.
16Ti Samaria awitennanto ti basolna; agsipud ta immalsa a bimmusor iti Diosna: #Os. 10:14.matnagdanto iti campilan; dagiti maladagada maburacdanto, ket dagiti babai a masicog mapisangdanto.
Currently Selected:
OSEAS 13: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
