HEBREO 8
8
Ti daan a tulag mapalabas; ni Cristo isu ti naaramat iti tulag a nasaysayaat ken agnanayon.
1Ti cangronaan, ngarud cadagiti banbanag a sasao-enmi, isu daytoy: Adda maysa a #Heb. 3:1.cangatoan a paditayo, #Sal. 110:1. Heb. 1:3.a nagtugaw iti macanawan ti trono ti Ari idiay langit,
2Maysa a ministro #Heb. 9:2, 8, 12, 24, 25.ti altar ken iti napudno a tabernaculo, nga binangon ti Apo, saan a ti tao.
3Ta #Heb. 5:1.tunggal cangatoan a padi natudingan tapno idatonna nga agpada dagiti sagut ken daton; gapuna #Efe. 5:2.masapul nga daytoy adda met idatonna.
4Ngem no adda coma iti rabaw ti daga, saan coma a padi uray caano idinto nga adda dagiti mangidatdaton cadagiti sagsagut cas mayannurot iti linteg;
5Isuda nga agservi a cas la pacakitaan ken #Col. 2:17. Heb. 10:1.aniniwan dagiti banbanag a nailangitan; a cas met ni Moises binalacadan ti Dios idi irugina a bangonen ti tabernaculo; ta cunana kencuana: #Ex. 25:40.Kitaem, ta aramidem coma dagiti isu-amin a banbanag cas iti paguadan a naipakita kenca idiay bantay.
6Ngem ita isu nagunodanna ti maysa a panagaywan a #Heb. 1:4.nasaysayaat, a cas met ti #Heb. 9:15; 12:24.panangibabaetna iti maysa a tulag a #Heb. 7:22.nasaysayaat, a nabangon cadagiti nasaysayaat a carcari.
7Ta no #Heb. 7:11, 18.daydi immun-una a tulag awan coma idi ti pagcurcuranganna, saan coma a nasapul ti pagsaadan ti maicadua.
8Ta idinto a binabalawna ida, kinunana:
#
Jer. 31:31-34. Adtoy, nga umay dagiti aldaw, cuna ti Apo,
A panangaramidconto iti balay ni Israel ken iti balay ni Juda ti maysa a tulag a baro;
9Saan a cas iti tulag nga inaramidco cadagidi ammada
Idi aldaw a panangibinco cadacuada, tapno iruarco ida idiay daga ti Egipto:
Ket gapu ta saanda a nagtalinaed iti tulagco,
Binaybay-ac ida, cuna ti Apo.
10Ta daytoy ti tulag nga aramidecto iti balay ni Israel
Inton malpas dagidiay nga aldaw, cuna ti Apo;
#
Heb. 10:16. Icabilconto dagiti linlintegco iti isipda,
Ket isuratconto met ida iti pusoda;
Ket siacto ti Diosda,
Ket isudanto ti ilic:
11Ket didanto mangisuron tunggal maysa iti cailianna,
Ket tunggal maysa iti cabsatna, a cunana: Ammoen ti Apo:
Ta isuda amin maammoandacto,
Manipud iti cabassitan agingga iti cadackelan cadacuada:
12Ta siac mangngaasiacto cadagiti kinadakesda.
Ken diacto lagipenen dagiti basbasolda.
13Idi cunana: Maysa a tulag a baro, #2 Cor. 5:17.padaanenna daydi immun-una. Ket ti dumaan ken lumaroy asidegen ti panaggibusna.
Currently Selected:
HEBREO 8: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
