HEBREO 4

Ti inana a magun-odan dagiti mamati.

1 # Heb. 12:15. Agbutengcayo ngarud yantangay adda pay cari nga iseserrec iti paginanaan, di la ket ta adda uray siasino cadacayo nga agbanag a saan a macadanon.

2Ta pudno a naicascasaba met cadatayo ti naimbag a damag, a cas met cadacuada; #Heb. 3:18.ngem awan ti nagungunada iti sao a nangngegda, agsipud ta dagiti nacangngeg kencuana, dida namati.

3Ta datayo nga namati sumrectayo: iti dayta nga inana, cas sinaona:

# Sal. 95:11. Cas iti panangisapatac idi pannacapungtotco:

Saandanto a sumrec iti inanac: uray dagiti ar-aramid naturposda nanipud idi pannacabangon ti lubong.

4Ta iti maysa a paset castoy ti masasao a maipapan iti maicapito nga aldaw: #Gen. 2:2.Ket naginana ti Dios iti maicapito nga aldaw, cadagiti isu-amin nga ar-aramidna;

5Ket ditoy masasao manen:

Saandanto a sumrec iti inanac.

6Iti casta, agsipud ta rumsua a dagiti dadduma sumrecdanto kencuana, #Heb. 3:19.ket dagidi nacaicascasabaan dagiti naimbag a damag idi damo saanda a simrec gapu iti kinasukirda,

7Ibagana manen, ti maysa nga aldaw, a cunana babaen #Sal. 95.ni David: Ita nga aldaw, iti calpasan ti adu a tiempo, (cas adda a naisaon):

Ita nga aldaw, #Sal. 95.no mangngegyo ti timecna,

Dicayto patangkenen dagiti puspusoyo.

8Ta no ni #D. Ara. 7:45.Josue intedna coma cadacuada ti panaginana, saanna coma a sasao-en iti calpasan daytoy, ti sabali nga aldaw.

9Adda pay ngarud maysa a #Sabatismo.panaginana a maipaay iti ili ti Dios.

10Ta #Apoc. 6:11.ti simrec iti panaginana, isu met laeng ti simmardeng cadagiti ar-aramidna, a cas met ti Dios simmardeng cadagiti ar-aramidna.

11Umagawatay ngarud tapno sumrectayo iti daydiay a panaginana, tapno awan ti #Heb. 3:12, 18, 19.mapasag, a maitulad iti daydiay met la a kita ti kinasukir.

12Ta #Juan 12:48.ti sao ti Dios #Isa. 49:2. 1 Ped. 1:23.nabiag ken napigsa, ket natadtadem ngem uray ania a campilan a dua ti tademna, ket dumanon nga agingga iti paglasinan #1 Tes. 5:23.ti cararua ken ti espiritu, wen, ken dagiti nagsusuupan ken pata ket #1 Cor. 14:25.nasiglat nga agilasin cadagiti panunot ken panagem ti puso.

13Ket awan ti aniaman a parsua a saan a sipapanayag iti imatangna; no di ket, dagiti isu-amin a banag addada a lamolamo ken agdadata cadagiti mata daydiay a pagidatagantayo.

Dacdackel ni Cristo ngem dagiti cangatoan a sacerdote ti daan a tulag.

14Idinto ngarud ta addaantayo ti #Heb. 3:1.maysa a dackel a cangatoan a padi, a #Heb. 7:26.limmabas cadagiti langlangit, ni Jesus, nga Anac ti Dios, #Heb. 10:23.salimetmetantayo coma a sititibker ti #1 Tim. 6:13-14.pammatitayo.

15Ta #Isa. 53:3.awan cadatayo ti maysa a cangatoan a padi #Heb. 5:2.a di macabalin a mangricna cadagiti kinalap-ittayo, no di ti maysa a #Heb. 2:18.nasulisog iti isu-amin, a cas cadatayo #Juan 8:43. 2 Cor. 5:21.ngem saan a nagbasol.

16 # Heb. 10:19, 22. Umadanitay ngarud a sitatalged iti trono ti parabur awatentayo ti asi ken macasaractayo ti parabur; a tumulong cadatayo iti aldaw ti pannacasapul.

Currently Selected:

HEBREO 4: TB1973

Highlight

Copy