GENESIS 5
5
Putputot ni Set.
1Daytoy ti pacabasaan cadagiti caputotan ni Adan. Idi aldaw a pinarsua ti Dios ti tao, #Gen. 1:26; 9:6. Efe. 4:24. Col. 3:10.inaramidna a caasping ti Dios;
2 #
Gen. 1:27. Pinarsuana ida a lalaki ken babai, ket binendicionanna ida, ket pinanagananna ida ti Adan (Tao), idi aldaw a pannacaparsuada.
3Ket nagbiag ni Adan iti sangagasut ket tallopulo a tawen, ket pinutotna ti maysa nga anac a lalaki a caaspingna, cas ti ladawanna; ket pinanagananna iti #Gen. 4:25.Set:
4Ket dagiti #1 Cor. 1:1. Luc. 3:36-38.aldaw ni Adan, calpasan ti panangputotna ken Set, walogasut a tawen: ket pinutotna dagiti annac a lallaki ken babbai.
5Ket ti dagup dagiti aldaw ni Adan siam a gasut ket tallopulo a tawen: ket #Gen. 3:19.calpasanna natay.
6Ket nagbiag ni Set iti sangagasut ket lima a tawen, #Gen. 4:26.ket pinutotna ni Enos:
7Ket ni Set nagbiag, calpasan ti panangputotna ken Enos, iti walogasut ket pito a tawen, ket pinutotna dagiti annac a lallaki ken babbai:
8Ket ti dagup dagiti aldaw ni Set siam a gasut, sangapulo ket dua a tawen: ket calpasanna natay.
9Ket nagbiag ni Enos iti siam a pulo a tawen, ket pinutotna ni Cainan.
10Ket ni Enos, calpasan ti panangputotna ken Cainan, nagbiag iti walogasut, sangapulo ket lima a tawen ket pinutotna dagiti annac a lallaki ken babbai:
11Ket dagup dagiti aldaw ni Enos siam a gasut ket lima a tawen: ket calpasanna natay.
12Ket nagbiag ni Cainan iti pitopulo a tawen, ket pinutotna ni Mahalael:
13Ket calpasan ti panangputotna ken Mahalael; nagbiag iti walogasut ket uppat a pulo a tawen ni Cainan, ket pinutotna dagiti annac a lallaki ken babbai:
14Ket ti dagup dagiti aldaw ni Cainan siam a gasut ket sangapulo a tawen: ket calpasanna natay.
15Ket nagbiag ni Mahalael iti innem a pulo ket lima a tawen, ket pinutotna ni Jared:
16Ket nagbiag ni Mahalael, calpasan ti panangputotna ken Jared, iti walogasut ket tallopulo a tawen, ket pinutotna dagiti annac a lallaki ken babbai:
17Ket ti dagup dagiti aldaw ni Mahalael walogasut, siam a pulo ket lima a tawen: ket calpasanna natay.
18Ket nagbiag ni Jared iti sangagasut, innem a pulo ket dua a tawen, ket pinutotna ni #Jud. 14-15.Enoc:
19Ket nagbiag ni Jared, calpasan ti panangputotna ken Enoc, iti walogasut a tawen, ket pinutotna dagiti annac a lallaki ken babbai:
20Ket ti dagup dagiti aldaw ni Jared siam a gasut, innem a pulo ket dua a tawen: ket calpasanna natay.
21Ket nagbiag ni Enoc iti innem a pulo ket lima a tawen, ket pinutotna ni Matusalem:
22 #
Gen. 6:9. Mik. 6:8. Mal. 2:6. Ket ni Enoc nakipagna iti Dios, calpasan ti panangputotna ken Matusalem, iti tallogasut a tawen, ket pinutotna dagiti annac a lallaki ken babbai:
23Ket ti dagup dagiti aldaw ni Enoc tallogasut, innem a pulo ket lima a tawen:
24Ket nakipagna ni Enoc iti Dios: #2 Ar. 2:11. Heb. 11:5.ket nagawan: ta innala ti Dios.
25Ket nagbiag ni Matusalem iti sangagasut, walopulo ket pito a tawen, ket pinutotna ni Lamec;
26Ket nagbiag ni Matusalem, calpasan ti panangputotna ken Lamec, iti pitogasut, walopulo ket dua a tawen, ket pinutotna dagiti annac a lallaki ken babbai:
27Ket ti dagup dagiti aldaw ni Matusalem siam a gasut, innem a pulo ket siam a tawen: ket calpasanna natay.
28Ket nagbiag ni Lamec iti sangagasut, walopulo ket dua a tawen, ket pinutotna ti maysa nga anac a lalaki:
29Ket pinanagananna iti Noe, a cunana, Daytoy liwliwaennatayto cadagiti aramidtayo, ken cadagiti ut-utoy dagiti im-imatayo maipuon iti daga, nga #Gen. 3:17.inlunod ni Jehova.
30Ket nagbiag ni Lamec, calpasan ti panangputotna ken Noe, iti limagasut, siam a pulo ket lima a tawen, ket pinutotna dagiti annac a lallaki ken babbai:
31Ket ti dagup dagiti aldaw ni Lamec pitogasut, pitopulo ket pito a tawen: ket calpasanna natay.
32Ket nagtawen ni Noe iti limagasut a tawen: ket ni Noe pinutotna ni Sem, ni Cam, ken ni Jafet.
Currently Selected:
GENESIS 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
