GENESIS 47

Maidatag ni Jacob ken Faraon. Ti Bisin ken Banbanagna. Dagiti camaudianan nga Aldaw ni Jacob.

1Idin ni #Gen. 46:31.Jose napan ket inyammona ken Faraon, ket kinunana, Ni amac ken dagiti cacabsatco, ken dagiti an-animalda a babassit ken dadackel, ken amin nga adda cadacuada, naggapuda iti daga a Canaan; ket, #Gen. 45:10.adtoy ta addadan iti daga a Gosen.

2Ket cadagiti cacabsatna, nangala cadagiti lima a lallaki #D. Ara. 7:13.ket indatagna ida iti saclang ni Faraon.

3 # Gen. 46:33-34. Ket ni Faraon kinunana cadagiti cacabsatna, Ania ti akemyo? Ket kinunada ken Faraon, Dagiti ad-adipenmo isuda dagiti agayaywan cadagiti an-animal, uray dacami ken dagiti dadackelmi met.

4Ket kinunada ken Faraon, #Gen. 15:13. Deut. 26:5.Immaycami agnaed iti daga; ta awanen ti pagpacanan cadagiti an-animal dagiti ad-adipenmo; ta ti bisin nagpalalo idiay daga a Canaan: ita ngarud, dawatenmi kenca, ipalubosmo a dagiti ad-adipenmo #Gen. 46:34.agnaedda coma iti daga a Gosen.

5Ket ni Faraon nakisao ken Jose, ket kinunana, Ni amam ken dagiti cacabsatmo immayda kenca:

6 # Gen. 20:15. Ti daga nga Egipto adda iti saclangmo; iti #Gen. 45:18.casaysayaatan ti daga pagnaedem ni amam ken dagiti cacabsatmo; iti daga a Gosen #bil. 4.agnaedda coma: ket no adda ammom a nasalucag cadacuada, mangicabilca nga rud cadacuada ti agaywan cadagiti an-animalco.

7Ket ni Jose inserrecna ni Jacob nga amana, ket indatagna iti saclang ni Faraon: ket ni #bil. 10.Jacob binendicionanna ni Faraon.

8Ket ni Faraon kinunana ken Jacob, Manoda dagiti al-aldaw dagiti tawtawen ti panagbiagmo?

9Ket ni Jacob kinunana ken Faraon, #1 Cron. 29:15. Sal. 39:12. Heb. 11:9, 13.Dagiti al-aldaw dagiti tawtawen a panagpagpagnac sangagasut ket tallopuloda a tawen: #Job 14:1. Sal. 39:4-5.bassit ken saan a nasayaat dagiti al-aldaw dagiti tawtawen ti panagbiagco, #Gen. 25:7; 35:28.ket saanda a nacadanon cadagiti al-aldaw dagiti tawtawen ti panagbiag dagiti dadackelco cadagiti al-aldaw a panagbarbariw-asda.

10 # bil. 7. Ket ni Jacob binendicionanna ni Faraon, ket rimmuar iti sango ni Faraon.

11Ket ni Jose pinagyanna ni amana ken dagiti cacabsatna, ket pinagtagicuana ida iti daga ti Egipto, iti casaysayaatan ti daga, #Ex. 1:11; 12:37.iti daga ti Rameses, #bil. 6.a cas ni Faraon imbilinna.

12Ket ni Jose #Gen. 45:11.tartaraonanna da amana, ken dagiti cacabsatna, ken amin dagiti sangacabbalay ni amana, iti canen, mayannatup iti tunggal sangcabalayan.

13Ket awan idi ti macan iti isu-amin ti daga; ta napalalo ti bisin idi, casta a ti daga nga Egipto ken ti daga a Canaan kimmapsutda maipuon iti bisin.

14 # Gen. 41:56. Ket ni Jose inucconna amin a pirac a nasaracan iti daga nga Egipto ken iti daga a Canaan, nga ingatangda iti macan: ket ni Jose impanna ti pirac iti balay ni Faraon.

15Ket idi naibusen ti pirac iti daga nga Egipto, ken iti daga a Canaan, amin dagiti Egipcios dimmanonda ken Jose, ket kinunada, Iccannacami iti canen: #bil. 19.ta apayapay mataycami coma iti saclangmo? ta ti pirac naibus.

16Ket ni Jose kinunana, Itdenyo dagiti an-animalyo; ket iccancayto gapu cadagiti an-animalyo, no naibus ti pirac.

17Ket impanda dagiti an-animalda ken Jose; ken ni Jose iniccanna ida iti taraon a sucat dagiti cabcabayo, ken dagiti an-animal a babassit, ken dagiti vacvaca, ken dagiti as-asno: ket pinacanna ida iti taraon a sucat dagiti an-animalda iti daydi a tawen.

18Ket idi nalpas daydi a tawen, immayda kencuana iti tawen a maicadua, ket kinunada kencuana, Dicamto ilibac ken apoc nga naibus amin ti piracmi; ket dagiti arban dagiti an-animal cucua ida ni apoc; awan ti nabati a makita ni apoc, no saan laeng a dagiti bagbagimi, ken dagdagami:

19Apayapay mataycami coma iti imatang dagita matam, dacami ken dagiti dagdagami met? #Neh. 5:2-3.gatangennacami agraman dagiti dagdagami a sucat ti taraon, ket dacami ken dagiti dagdagami ad-adipennacaminto ni Faraon: ket iccannacami iti imula, tapno agbiagcami, a dicami met matay, ket di agbalin a langalang ti daga.

20Casta ti pinaggatang ni Jose iti amin a daga ti Egipto, nga agservi ken Faraon; ta dagiti taga Egipto tunggal maysa inlacona ti pagtalonanna, ta pimmigsa ti bisin cadacuada: ket ti daga tinagicua ni Faraon.

21Ket ti maipapan cadagiti umili, pinaalisna ida cadagiti il-ili nanipud maysa a pungto ti beddeng ti Egipto agtungpal iti sabali a pungtona.

22 # Esd. 7:24. Dagiti la dagdaga dagiti papadi ti dina ginatang: gapu ta cadagiti papadi adda idi ti maysa bingay nga aggapu ken Faraon, ket nanganda iti bingayda nga inted cadacuada ni Faraon; iti casta dida nalaco ti dagdaga.

23Idin ni Jose kinunana cadagiti umili, Adtoy, siac ginatangcayon ken dagiti dagdagayo a maipaay ken Faraon: adtoy, adda imulayo, ket mulaanyonto ti daga.

24Ket maaramidto iti panagani, nga itedyonto ken Faraon ti maysa nga #Gen. 41:34.apagcalima, ket dagiti uppat nga apag cucuayonto, nga imulayo ti pagtalonan, ken canenyo agraman dagiti cabbalayyo, ken canen dagiti ubbingyo a babassit.

25Ket kinunada, Inispalmon dagiti biagmi: #Gen. 33:15.macasaraccami coma iti parabur iti biang ni apoc, ket ad-adipennacaminto ni Faraon.

26Ket ni Jose inaramidna nga alagaden maipapan iti daga sadi Egipto ket agpapan ita, nga ti apagcalima isu ti cucua ni Faraon; #bil. 22.ti laeng daga dagiti papadi ti saan a tinagicua ni Faraon.

27Ket ti Israel nagnaed iti daga nga Egipto, iti #Gen. 45:10.daga a Gosen; ket ginun-udda ti panagtaggicuada cadagiti cucua sadiay, #Gen. 46:3.ket nagbungada, ket nagaduda unay.

28Ket ni Jacob nagyan iti daga nga Egipto cadagiti sangapulo ket pito a tawen: ti casta dagiti al-aldaw ni Jacob, dagiti tawtawen ti panagbiagna, sangagasut ket uppat a pulo ket pito a tawen.

29 # Deut. 31:14. 1 Ar. 2:1. Ket ti aldaw nga ipapatayen ni Israel immadani: ket inayabanna ni anacna a Jose, ket kinunana kencuana, No ita nacasaracac ti parabur cadagiti matam, #Gen. 24:2.dawatec kenca nga icabilmo ta imam iti babaen toy luppoc, #Gen. 24:49.ket ipaaymo caniac ti caasi ken kinapudno: #Gen. 50:25.dawatec kenca, dinac itabon ditoy Egipto;

30 # Gen. 49:29; 50:5, 13. Ngem no maturogacto a maitipon cadagiti dadackelco, ipanawnacto ditoy Egipto, ket iponponnacto iti nacaiponponanda. Ket isu kinunana, Aramidecto a cas ti sinaom.

31Ket kinunana, Sapataam caniac: ket isu sinapataanna kencuana. #Gen. 48:2. 1 Ar. 1:47. Heb. 11:21.Ket ni Israel nagsadag iti oloanan ti iddana.

Currently Selected:

GENESIS 47: TB1973

Highlight

Copy