GENESIS 44

Agluas dagiti Cacabsat ni Jose, ket adda cadacuada ti Copa ni Jose. Mapasublida. Ti Panangibabaet ni Juda maipoon ken Benjamin.

1Ket binilinna ti #bil. 4.pangoloen ti balayna, a cunana, #Gen. 42:25.Punnoem dagiti supsupot dagiti lallaki iti taraon, iti agingga ti maawitda, ket icabilmo ti pirac ti tunggal maysa iti wangawangan ti supotna.

2Ket ti copac, ti copa a pirac, icabilmo iti wangawangan ti supot ti inaudi, agraman ti pirac nga igatangna ti pagtaraon. Ket inaramidna a cas iti insao ni Jose.

3Idi limmawag ti bigat, napalubosanda dagiti lallaki, agraman dagiti as-asnoda.

4Ket idi rimmuardan iti ili ket dida pay la nacaadayu, kinuna ni Jose iti pangoloen ti balayna, Ala, surotem dagidiay a lallaki; ket intono macamacammo ida, cunam cadacuada, Ania ti gapuna nga sinubadanyo iti dakes ti naimbag?

5Saan aya a castoy, ti pagininuman ti apoc, ket isu a #bil. 15.pagpadpadlesanna? inaramidyo ti dakes iti daytoy a gapuananyo.

6Ket nacamacamna ida, ket sinaona dagitoy a balicas cadacuada.

7Ket kinunada kencuana, Apay met ket casta ti sasaoen ti apoc? Adayu unay nga aramidenda ti cacasta dagiti ad-adipenmo.

8Adtoy, #Gen. 43:21.ti pirac, a nasaracanmi iti ruangan dagiti supsupotmi, inyegmi kenca nanipud Canaan: casano ngarud ti panagtacawmi iti balay ni apom iti pirac, wenno balitoc?

9Uray siasino a #Gen. 31:32.pacasaracannanto cadagiti ad-adipenmo, matay coma, ket tagabuennacamto pay ni apomi.

10Ket kinunana, Ita ngarud maaramid a cas sinaoyo: iti daydiay pacatumpungacto, isu ti adipenecto; ket dacayo awan ti basolyo.

11Isuda ngarud nagdardarasda, ket dinissaagda ti tunggal maysa ti supotna iti daga, ket linuctanda ti tunggal maysa ti supotna.

12Ket nagsapul, nga inrugina iti inauna, ket lineppasna iti inaudi: ket ti copa nasaracan iti supot ni Benjamin.

13Idin #Gen. 37:29, 34.rinay-abda dagiti cawcawesda, ket kinargaan ti tunggal maysa ti asnona, ket nagsublida iti ciudad.

14Ket ni Juda ken dagiti cacabsatna napanda iti balay ni Jose; ket isu adda pay la sadiay idi: #Gen. 37:7; 43:26, 28.ket nagpaclebda iti sangoananna.

15Ket ni Jose kinunana cadacuada, Ania nga aramid daytoy a nagapuananyo? dicayo ammo a maysa a tao a cas caniac mabalinna unay ti agpadles?

16Ket ni Juda kinunana, Ania ngata ti saoenminto ken ni apoc? ania ngata ti ibagaminto? wenno ania ngata ti pangpanecnecminto? Ti Dios inpalgacna ti #Gen. 37:18. Num. 32:23.kinadakes dagiti ad-adipenmo: adtoy, #bil. 9.dacami dagiti ad-adipen ni apoc: dacami amin, ken daydiay nga iti imana nacasaracan ti copa.

17Ket kinunana, Siac uray caanoman diacto aramiden ti casta: ti tao a nacasaracan ti copa iti imana, daydiay isunto ti adipenco; ngem dacayo, incayo a sitatalna ken amayo.

18Idin ni Juda immasideg kencuana, ket kinunana, O, #Gen. 43:20.apoc, dawatec kenca ipaaymo, nga toy adipenmo agsao coma iti maysa a balicas cadagiti lapayag ni apoc, ket #Gen. 18:30, 32. Ex. 32:22.saan a rumaba coma ti ungetmo itoy adipenmo; ta sica #Gen. 41:40.casca ken Faraon met laeng.

19Ni apoc inintuudna cadagiti adipenna, a kinunana, Adda amayo wenno cabsat a lalaki?

20Ket kinunami ken apoc, Adda amami a lacayen, #bil. 30. Gen. 37:3; 43:8.ken maysa nga anac a lalaki ti kinalacayna, ubing a bassit; ket ti cabsatna a lalaki natayen, ket isu la ti natda iti inana; ket ni amana ayatenna.

21Ket sica kinunam cadagiti ad-adipenmo, #Gen. 42:15, 20.Yegyo caniac, tapno kitaec.

22Ket kinunami ken apoc, Ti ubing dina mapanawan ni amana: ta no panawanna ni amana, #bil. 31.matayto ni amana.

23Ket kinunam cadagiti ad-adipenmo, No ti cabsatyo a lalaki nga inaudi saan a makipagsalog cadacayo, #Gen. 43:3, 5.dicayonto makitan ti rupac.

24Ket naaramid nga, idi dimtengcami ken ni amami nga adipenmo, sinaritami kencuana ti sinao ni apoc.

25 # Gen. 43:2. Ket ni amami kinunana, Incayo manen, gumatangcayo iti bassit a taraontayo.

26Ket kinunami, Dicami macapan: no ti cabsatmi a lalaki nga inaudi cumuyog coma cadacami incamto ngarud; ta saan a maipalubos a makitami ti rupa daydiay a lalaki, no di maicuyog cadacami ti cabsatmi a lalaki nga inaudi.

27Ket ti adipenmo nga amac kinunana cadacami, Ammoyo a #Gen. 46:19.duada nga annac a lalaki nga inyanac caniac ni asawac:

28Ket ti maysa pinanawannac, #Gen. 37:33.ket kinunac, Pudno a nalasanglasangen; ket agpapan ita diac pay nakita:

29 # Gen. 42:36, 38. Ket no alaenyo daytoy met caniac, ket #Gen. 42:4, 38.maaramid kencuana ti dakes, pagbabaenyonto dagiti ubanco a silaladingit ken Tanem.

30Ita ngarud, no dumanonacto ken adipenmo nga amac, ket ti ubing awan coma cadacami; #1 Sam. 18:1.ta ti biagna naisinggalut iti biag ti ubing;

31Maaramidto a no makitana a ti ubing awan, matayto: ket dagiti ad-adipenmo ibabadanto dagiti uban ti adipenmo nga amami a silaladingit ken Tanem.

32Ta toy adipenmo nagbalin nga agsungbat ita ubing, a kinunac, #Gen. 43:9.No diac isubli, kenca siacto ngarud ti akinbasol ken amac iti agnanayon.

33Iti casta ngarud, dawatec kenca, agbati coma toy adipenmo a sucat ti ubing, a tagabuen ni apoc; ket palubosam ti ubing a maicuyog cadagiti cacabsatna a lallaki.

34Ta casano ti isasangpetconto ken amac, no awan caniac ti ubing? tapno saanco a makita ti dakes a sagabaento ni amac.

Currently Selected:

GENESIS 44: TB1973

Highlight

Copy