GENESIS 39

Ni Jose Mayordomo ni Potifar. Ni Jose ken ti Asawa ni Potifar. Nabalud ni Jose.

1Ket ni Jose naisalog idiay Egipto; ket isu ginatang ni #Gen. 37:36.Potifar, maysa nga oficial ni Faraon, a pangoloen dagiti agbanbantay, lalaki nga Egipciano, #Gen. 37:28.iti ima dagiti Ismaelitas, a nangipan kencuana sadiay.

2 # bil. 21. Gen. 21:22; 26:24, 28; 28:15. 1 Sam. 16:18; 18:14, 28. D. Ara. 7:9. Ket ni Jehova siaadda idi ken Jose, ket lalaki a nagasat idi; ket adda idi iti balay ni apona nga Egipciano.

3Ket nadlaw ni apona a ni Jehova adda idi kencuana, ken amin nga aramidenna pinagasat ni #2 Cron. 26:5. Sal. 1:3.Jehova iti imana.

4 # bil. 21. Gen. 19:19; 33:10. Ket ni Jose nacasarac ti parabur iti imatagna, ket nagannong kencuana: ket binalinna a pangoloen iti balayna, ket #bil. 8.inyawatna iti biangna amin dagiti adda kencuana.

5Ket naaramid a nanipud idin a pinangpaaywanna kencuana iti balayna, ken dagiti amin a cucuana, binendicionan ni #Gen. 30:27.Jehova ti balay ti Egipciano a maipuon ken Jose; ket ti bendicion ni Jehova naisacnap cadagiti amin nga adda kencuana, iti balay ken iti away.

6Ket intalecna amin nga adda kencuana iti ima ni Jose; ket awan ti binibianganna nga adda kencuana, no di la ti taraon a kinnanna. Ket ni Jose idi #Gen. 29:17. 1 Sam. 16:12.nangayed a lalaki, ken nacaay-ayo a makita.

7Ket naaramid iti calpasan dagitoy, a ti asawa ti apona imperrengna dagiti matana ken Jose; ket kinunana, Caiddaennac.

8Ngem madi, ket kinunana iti asawa ni apona, Adtoy, ni apoc dina ammo ti adda caniac iti balay, ket intalecna ti amin a cucuana iti imac:

9Isu saan a dacdackel itoy a balay ngem siac; ket awan sabali a dina intalec caniac no di la sica, a gapu ta sica ti asawana: casano ngarud ti panangaramidco itoy naindaclan a kinadakes, ken #2 Sam. 12:13. Sal. 51:4.macabasolac iti Dios?

10Ket naaramid nga, iti pannakisasaona ken Jose iti inaldaw-aldaw, saanna nga #Prov. 1:10.impangpangag ti pannakicaiddana kencuana, wenno di nagintec kencuana.

11Ket naaramid, cadagidiay nga aldaw, a simrec iti balay tapno aramidenna ti annongna; ket awan cadagiti lallaki ti balay ti adda idi iti unegna.

12 # Prov. 7:13, 18. Ket iniggaman ti babai ti pagananay ni Jose, ket kinunana, Caiddaennac cadi; ket nabatina ti pagananayna iti imana, ket nagtalaw, ket rimmuar.

13Ket naaramid nga, idi nakitana nga nabatina ti pagananayna iti imana, ket nagtaray a rimmuar.

14Immawag ti babai cadagiti lallaki, ket nakisao cadacuada, a kinunana, Kitaenyo, inyegna cadatayo ti maysa nga Hebreo, tapno mangrabrabac cadatayo: immay caniac makicaidda, ket nagpuccawac iti natbag:

15Ket naaramid nga, idi nangngegna nga impigsac ti timecco ket nagickisac, nabatina iti ayanco ti pagananayna, ket nagtalaw, ket rimmuar.

16Ket indulinna ti pagananayna agingga iti di simmangpet ti apona iti balayna.

17Ket nagsao kencuana cadagitoy cacastoy a sasao a kinunana, Daydi adipen nga Hebreo, nga inyegmo cadata, immay caniac tapno mangrabrabac caniac:

18Ket naaramid, idi nga impegsac ti temecco, ket nagpuccawac, nabatina ti pagananayna iti ayanco, ket nagtaray a rimmuar.

19Ket naaramid nga, idi dinengngeg ti apona ti sinasao ti asawana, a kinunana, Castoy ti pinangaramid ti adipenmo caniac; ti pungtotna bimmara.

20Ket innala ti apona ni Jose, ket #Sal. 105:18.incabilna iti #Gen. 40:3, 15; 41:44.pagbaludan, isu ti disso a pacaibaludan dagiti balbalud ti ari: ket nagtaeng sadiay iti pagbaludan.

21Ngem ni Jehova siaadda idi ken Jose, ket kinaasianna, #Ex. 3:21; 11:3; 12:36. D. Ara. 7:9, 10.ket inaramidna a nacaay-ayo cadagiti mata ti agaywan ti pagbaludan.

22Ket ti agaywan ti pagbaludan #Gen. 40:3, 4.intalecna iti ima ni Jose amin dagiti balbalud nga adda ti pagbaludan; ket amin nga aramidenda sadiay, isu ti agaramid idi.

23Awan ti uray ania a #bil. 2, 3.tamingan ti agaywan ti pagbaludan, gapu ta ni Jehova adda idi kencuana; ket ti inaramidna pinagasat ni Jehova.

Currently Selected:

GENESIS 39: TB1973

Highlight

Copy