GENESIS 37

Idumduma ni Jacob ni Jose. Dagiti Tagtagainep ni Jose. Maibaon ni Jose sadi Sichem. Ilaco dagiti cacabsatna ket maipan sadi Egipto. Ti Panagdung-aw ni Jacob.

1Ket ni Jacob nagnaed iti daga a nagyanan ni amana, iti daga a Canaan.

2Dagitoy dagiti caputotan ni Jacob. Ni Jose, idi nagtawen iti sangapulo ket pito, agipapaarab cadagiti an-animal agraman dagiti cacabsatna; isu maysa a baro idi a cadua dagiti annac a lallaki ni Bilha, ken annac a lallaki ni Zilpa, nga asawa ni amana: #1 Sam. 2:22-24.ket ni Jose idandanonna idi ken amada ti dakes a panagcucuada.

3Ket ni Israel ay-ayatenna idi ni Jose nga ipangpangrona ngem cadagiti isu-amin nga annacna, #Gen. 44:20.gapu ta nayanac iti kinalacayna: ket inyaramidanna iti maysa a bado a #Oc. 5:30. 2 Sam. 13:18.naggarit iti nadumaduma a kita.

4Ket dagiti cacabsatna nadlawda a dacdackel ti panagayat kencuana ni amada ngem cadagiti amin a cacabsatna; ket carururudda idi, ket dida mabalin a casao iti naan-anat.

5Ket ni Jose nagdarepdep iti maysa a tagainep, ket insaritana cadagiti cacabsatna; ket isuda ad-adda manen ti rurudda kencuana.

6Ket kinunana cadacuada, dawatec Denggenyo, daytoy tagainep a dinarepdepco:

7Ta, adtoy agbetbettectayo idi iti pagtalonan, ket, adtoy, ti binettecco bimmangon, ket casta met nagtindec; ket, adtoy, dagiti binettecyo immayda iti lawlaw, ket #Gen. 42:6, 9; 43:26; 44:14.nagtamedda iti binettecco.

8Ket kinunada dagiti cacabsatna, kencuana, Pudno aya nga agaricanto cadacami? wenno pudno nga agturaycanto cadacami? Ket ad-adda manen ti rurudda kencuana gapu cadagiti tagtagainepna ken cadagiti sasaona.

9Ket nagtagtagainep man iti sabalin, ket sinaona cadagiti cacabsatna a kinunana, Adtoy, ti sabali manen a tinagainepco; ket, adtoy, ti init ken ti bulan ken sangapulo ket maysa a bitbitwen nagtamedda caniac.

10Ket sinaritana ken amana ken cadagiti cacabsatna; ket ni amana tinubngarna, ket kinunana kencuana, Ania daytoy a tagainep a dinarepdepmo? Pudno nga umaycamto agrucnoy kenca iti daga, siac ken ni inam ken dagiti cacabsatmo?

11 # D. Ara. 7:9. Ket dagiti cacabsatna inapalanda; #Luc. 2:19, 51.ngem ni amana sinalimetmetanna iti nakemna daytoy a nasao.

12Ket dagiti cacabsatna napanda nagpaarab cadagiti an-animal ni amada sadiay Siquem.

13Ket ni Israel kinunana ken Jose, Saan aya a dagiti cacabsatmo addada nga agpapaarab iti pangen sadi Siquem? umayca, ket ibaoncanto cadacuada. Ket isu simmungbat kencuana, Adtoyac.

14Ket kinunana kencuana, Inca ita, kitaem no naimbag ti casasaad dagiti cacabsatmo, ken no naimbag ti pangen, ket yegmo caniac ti damag. Ket pinalubosanna idiay lobong ti #Gen. 13:18; 35:27.Hebron, ket nacadanon sadiay Siquem.

15Ket ti maysa a tao nasaracanna, ket adtoy, magmagna a mayaw-awan iti away: ket ti lalaki inintuuadna a kinunana, Ania ti sapsapulem?

16Ket isu simmungbat, Sapsapulec dagiti cacabsatco a lallaki: ibagam, dawatec kenca, sadino ti yan a pagpaarabanda iti pangen.

17Ket ti lalaki kinunana, Nagpanawdan ditoy; ta nangngegco a sinaoda, Intayo sadiay Dothan. Idin ni Jose napan simmurot cadagiti cacabsatna, ket natumpunganna ida idiay #2 Ar. 6:13.Dothan.

18Ket nakitada iti adayu, ket idi di pay immasideg cadacuada, nagpanunotda ti maibusor kencuana a panangpatayda.

19Ket kinunada ti maysa ken maysa, Adtoy, sumungad ti managtagtagainep.

20Ita umaycayo ngarud, ket papatayentayo, ket itappuactayo iti maysa cadagiti bitbito, ket cunatayto, Inalun-un ti dakes nga animal: ket kitaentayto no ania ti maaramiddanto dagiti tagtagainepna.

21Ket ni Ruben nangngegna daytoy, ket inispalna iti imada, ket kinunana, Ditayo cadi papatayen.

22Ket ni Ruben kinunana cadacuada. #bil. 29, 30. Gen. 42:22.Dicayo mangibucbuc ti dara; itappuacyo iti daytoy a bobon nga adda ti let-ang, ngem dicayo im-imaan; tapno mailisina cadagiti im-imada tapno mapagsublina ken amana.

23Ket naaramid nga, idi nacagteng ni Jose cadagiti cacabsatna, isuda linabusanda ni Jose iti badona, ti bado nga adu a kita ti culina a sicacapet idi kencuana;

24Ket innalada ket intappuacda iti bobon: ket ti bobon natianan, awan danum iti unegna.

25Ket nagtugawda a nangan iti tinapay: ket intangadda dagiti matmatada ket kinitada, ket, adtoy, sumungad ti maysa a sangcacuyog dagiti #bil. 28, 36.Ismaelitas nga aggapu idiay Galaad, ket dagiti camcamelloda inawitda dagiti #Gen. 43:11.especias ken #Jer. 8:22; 46:11.balsamo ken mirra, ket ipanda idi sadi Egipto.

26Ket ni Juda kinunana cadagiti cacabsatna, Ania ti maalatayo no papatayentayo ni cabsattayo #bil. 20.ken ilemmengtayo ti darana?

27Umaycayo ket ilacotayo cadagiti Ismaelitas, ket ditay coma im-imaan; ta #Gen. 29:14.isu cabsattayo a lalaki, ti lasagtayo. Ket dagiti cacabsatna inanamunganda.

28Ket dagiti #Oc. 6:3.taga Midian nga agtagtagilaco naglabasda, ket inaonda nga insang-at ni Jose iti bito, #Gen. 45:4, 5. Sal. 105:17. D. Ara. 7:9.ket inlacoda cadagiti Ismaelitas iti #Mat. 26:15; 27:9.duapulo a bagi ti pirac. Ket insangpetda ni Jose sadi Egipto.

29Ket ni Ruben nagsubli iti bito; ket, adtoy awanen ni Jose iti unegna; #bil. 34. Gen. 44:13. Job 1:20.ket rinay-abna dagiti pagananayna.

30Ket nagsubli cadagiti cacabsatna, ket kinunana, #Gen. 42:13, 36; 44:31.Ti ubing awanen; ket siac, sadino ti papanacto?

31Ket innalada ti #bil. 23.bado ni Jose, ket nangrucrucda ti maysa a calding a lalaki, ket impaslepda ti bado iti dara;

32Ket impaw-itda ti bado a naggarit iti adu a kita, ket impanda ken amada, ket kinunada, Daytoy nasaracanmi: bigbigem ita no isu ti bado ni anacmo wenno saan.

33Ket isu nailasinna, ket kinunana, Isu ti bado ni anacco; ti #bil. 20. Gen. 44:28.maysa a dakes nga animal inalun-unna; awan ti duadua a narangcayen ni Jose.

34Ket ni Jacob rinayabna dagiti pagananayna, ket incapetna cadagiti luppona ti nakersang a lupot, ket dinung-awanna ti anacna cadagiti adu nga al-aldaw.

35 # 2 Sam. 12:17. Ket timmacderda amin dagiti annacna a lallaki ken babbai a nangliwliwa kencuana; ngem isu dina kinayat ti nagliwliwa; ket kinunana, #Gen. 42:38; 44:29, 31.Ta bumabaacto a sililiday, ken Tanem a mapan ken anacco. Ket ti amana sinangitanna.

36Ket dagiti taga Madian inlacoda idiay Egipto ken Potifar, maysa nga oficial ni Faraon, a capitan dagiti agbanbantay.

Currently Selected:

GENESIS 37: TB1973

Highlight

Copy