GENESIS 26

Ni Isaac sadiay Gerar. Libacanna ni Abimelech. Bumacnang ni Isaac ket naapalan. Ti Tulagna ken Abimelech. Dagiti Assawa ni Esau.

1Ket adda bisin idi iti daga, sangasabali pay #Gen. 12:10.daydi immuna a bisin, a naadda cadagiti aldaw ni Abraham. Ket ni Isaac napan ken #Gen. 20:2.Abimelec, ari dagiti Filisteos, idiay Gerar.

2Ket ni Jehova nagparang kencuana, ket kinunana, Dica sumalog idiay Egipto; #Gen. 12:1.agtaengca iti daga nga ibagacto kenca:

3 # Gen. 20:1. Heb. 11:1. Agnaedca iti daytoy a daga, #Gen. 28:15.ket siac addaacto kenca, ket bendicionancanto; ta kenca ken iti putotmo #Gen. 13:15; 15:18.itedconto amin dagitoy a dagdaga, #Gen. 22:16. Sal. 105:9.ket patalgedacto ti sapata nga insaptac ken Abraham nga amam;

4Ket #Gen. 15:5; 22:17. Ex. 32:13.pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga #Gen. 12:3; 22:18.mabendicionandanto iti putotmo;

5 # Gen. 22:16, 18. Gapu ta ni Abraham impangagna ti timecco, ket tinungpalna ti patigmaanco, dagiti bilbilinco, dagiti pagalagadac ken linlintegco.

6Ket ni Isaac nagnaed idiay Gerar:

7Ket dagiti lallaki idiay a disso inintuudda kencuana ti maipapan iti asawana; #Gen. 12:13; 20:2, 13.ket kinunana, Isu cabsatco: #Prov. 29:25.ta nagbuteng a nagcuna, Isu ti asawac; ta kinunana di la ket ta dagiti lallaki iti disso patayendacto a maipuon ken Rebeca; #Gen. 24:16.gapu ta napintas ti buyana idi.

8Ket naaramid idi nagnaed idiay iti nabayag, ni Abimelech, ari dagiti Filisteos, simmirpat iti maysa a tawa, ket kimmita, ket, adtoy, nakitana ni Isaac a makiayayam idi ken Rebeca nga asawana.

9Ket ni Abimelec inayabanna ni Isaac, ket kinunana, Adtoy, pudno unay isu ti asawam: ket apayapay kinunam, Isu ti cabsatco? Ket ni Isaac kinunana kencuana, Gapu ta kinunac, Dila ket ta matayac maipuon kencuana.

10Ket ni Abimelec kinunana, Ania daytoy nga inaramidmo cadacami? Maysa cadagiti lallaki nalaca a nakicaidda coma iti asawam, ket inyegmo coma cadacami ti #Gen. 20:9.babac.

11Ket ni Abimelec inbilinna iti amin nga umili, a cunana, #Sal. 105:15.Ti sumagid itoy a lalaki wenno iti asawana mapapatayto a di bumurong.

12Ket ni Isaac nagtalon idiay a daga, ket nacagunguna iti daydi a tawen ti #Mat. 13:8.naminsangagasut: #bil. 1, 3. Gen. 24:1, 35.ket binendicionan ni Jehova.

13Ket ti lalaki rimmang-ay, ket dimmackel la a dimmackel agingga iti nagbalin a mannacabalin.

14Ket naaddaan iti cucuana a pangpangen, ken ar-arban, ken adu a tattaona; ket dagiti Filisteos inagumanda.

15Ket isu-amin a bobbobon a kinalian idi dagiti #Gen. 21:30.ad-adipen ni Abraham nga amana cadagiti aldawna, dagiti Filisteos ginaburanda ida, ket pinunnoda iti daga.

16Ket ni Abimelec kinunana ken Isaac, pumanawca cadacami; #Ex. 1:9.gapu ta napigpigsacan ngem dacami.

17Ket ni Isaac pimmanaw idiay, ket insaadna dagiti sapsapawna iti lobong ti Gerar, ket nagnaed idiay.

18Ket ni Isaac kinalianna manen dagiti bobbobon ti danum, a binobonda idi cadagiti aldaw ni Abraham nga amana; ta dagiti Filisteos ginaburanda ida idi natayen ni Abraham: ket #Gen. 21:31.impanaganna cadacuada dagiti nagnagan a ni amana impanaganna idi cadacuada.

19Ket dagiti ad-adipen ni Isaac nagcalida iti lobong, ket nasaracanda idiay ti maysa a bobon nga agburburayoc ti danum.

20Ket dagiti paspastor a taga Gerar #Gen. 21:22, 23.nakisusicda cadagiti paspastor ni Isaac, a cunada, Ti danum cucuami: ket ninaganna ti bobon iti Esek (Susic), agsipud ta nakisubangda idi kencuana.

21Ket nangcalida iti sabali a bobon, ket casta met a nakisusicda manen maipuon itoy: ket pinanagananna iti Sitna (Gura).

22Ket pimmanaw idiay, ket nangcali iti sabali a bobon, ket saanda a kinasusic maipuon itoy: ket pinanagananna iti Rehobot (Disso), ket kinunana, Gapu ta ita ni Jehova iniccannatayo ti disso a nawaya, ket rumang-aytayto iti daga.

23Ket nanipud sadiay simmang-at sadi Beer-seba.

24Ket ni Jehova nagparang kencuana iti daydi met la a rabii, ket kinunana, #Gen. 17:7; 24:12. Ex. 3:6. D. Ara. 7:32.Siac ti Dios ni Abraham nga amam: #Gen. 15:1. Sal. 27:1-3.dica agbuteng, #Gen. 28:15; 31:3.ta siac addaac kenca, ket bendicionancanto, ket paaduecto ti putotmo maipuon ken Abraham nga adipenco.

25Ket isu #Gen. 12:7; 13:18.nangbangon idiay iti maysa nga altar, ket inawaganna ti nagan ni Jehova, ket pinatacderna idiay ti sapawna: ket sadiay dagiti ad-adipen ni Isaac nagcalida ti maysa a bobon.

26Idin ni Abimelec napan kencuana nanipud Gerar, ken da Ahuzat a gayyemna, ken ni #Gen. 21:22.Picol a capitan dagiti buybuyotna.

27Ket ni Isaac kinunana cadacuada, Apayapay immaycayo caniac, idinto a kinaguradac, ket #bil. 16.pinapanawdac cadacayo?

28Ket kinunada, Nakitami a nalawag a ni Jehova adda kenca: ket kinunami, #Gen. 21:22-23.Adda coma ita ti maysa a sapata cadatayo, dacami ken sica, ket aramidentayo coma ti maysa a tulag.

29A dicanto aramiden cadacami ti dakes a cas cadacami didaca sinagsagid, ken cas ti naimbag nga inaramidmi laeng ket inbaondaca a sicacappia; sica ita ti #Gen. 24:31.bendito ni Jehova.

30Ket inyaramidanna ida iti maysa a daya, ket nanganda ket imminumda.

31Ket bimmangonda a nasapa iti bigat, #Gen. 21:31.ket ti maysa ken maysa nagsapatada: ket ni Isaac pinagawidna ida, ket pimmanawda a sicacappia.

32Ket naaramid nga, iti daydi met la nga aldaw, immay dagiti ad-adipen ni Isaac, ket iyammoda ti maipanggep iti bobon a kinalianda ket kinunada kencuana, nasaracanmi ti danum.

33Ket ninaganna iti Seba: #Gen. 21:31.gapu itoy ti nagan daydiay nga ili Beer-seba, agingga iti daytoy nga aldaw.

34Ket idi ni Esau nagtawen iti uppat a pulo, innalana nga #Gen. 36:2.assawana da Judit, nga anac a babai ni Beeri a Heteo, ken ni Basemat, nga anac a babai ni Elon a Heteo:

35 # Gen. 27:46; 28:1, 8. Ket dagitoy isuda dagiti pagladladingitan dagiti panunut da Isaac ken Rebeca.

Currently Selected:

GENESIS 26: TB1973

Highlight

Copy