GENESIS 11

Ti Tore ti Babel. Ti Pannacariribuc dagiti Pagsasao. Putputot ni Sem. Ti Sangacabbalayan ni Tare.

1Ket iti amin a daga maymaysa idi ti pagsasao ken maymaysa ti pannacabalicasna.

2Ket naaramid nga, idi nagpagpagnada iti daya, nasaracanda iti maysa a tanap iti #Gen. 10:10; 14:1, 9. Dan. 1:2. Zac. 5:11.daga a Senar; ket nagtaengda sadiay.

3Ket kinuna ti maysa ken maysa intayon agaramidtay coma cadagiti ladrillo, ket gebbaentayo ida a nasayaat. Ket adda idi cadacuada dagiti ladrillo a pannacabatoda, #Gen. 14:10. Ex. 2:3.ken ti galagala a pannacamasada.

4Ket kinunada, intayon mangbangontayo coma iti maysa a ciudad, ken maysa a torre, a #Deut. 1:28. dumanon coma ti tuctocna sadi langit, ket aramidentayo ti pacaidayawantayo; di la ket ta maiwaraswarastayo iti rabaw ti langa ti amin a daga.

5 # Gen. 18:21. Ket bimmaba ni Jehova tapno kitaenna ti ciudad ken ti torre a bangbangonen idi dagiti annac ti tao.

6Ket ni Jehova kinunana, Adtoy, maymaysada nga ili, ket maymaysa ti pagsasaoda; ket daytoy rinugianda nga aramiden: ket ita awanto ti mangtuben cadacuada iti panangaramidda cadagiti amin a panggepda nga aramiden.

7 # Gen. 1:26. Sal. 2:4. Bumabatayo coma ket riribukentayo ti pagsasaoda sadiay tapno dida agkikinnaawatan iti pagsasaoda.

8 # Luc. 1:51. Casta ti panangiwaras ni Jehova cadacuada #Gen. 10:25, 32.iti rabaw ti langa ti amin a daga nanipud sadiay: ket binaybayanda ti panangbangonda iti ciudad.

9Gapu itoy ti ciudad nainaganan ti Babel; gapu ta sadiay pinariribuc ni Jehova ti pagsasao ti amin a daga: ket nanipud sadiay inwaras ida ni Jehova iti rabaw ti amin a daga.

10 # Gen. 10:22. 1 Cron. 1:17. Dagitoy isuda ti caputotan ni Sem. Nagtawen ni Sem iti sangagasut, ket pinutotna ni Arfajad, calpasan ti layus iti maicadua a tawen.

11Ket nagbiag ni Sem iti limagasut a tawen iti calpasan ti panangputotna ken Arfajad, ket pinutotna dagiti annac a lallaki ken babbai.

12Ket nagbiag ni Arfajad iti tallopulo ket lima a tawen, ket pinutotna ni Sela:

13Ket nagbiag ni Arfajad, calpasan ti panangputotna ken Sela, iti uppat a gasut ket tallo a tawen, ket pinutotna dagiti annac a lallaki ken babbai.

14Ket nagbiag ni Sela iti tallopulo a tawen, ket pinutotna ni Eber:

15Ket nagbiag ni Sela, calpasan ti panangputotna ken Eber, iti uppat a gasut ket tallo a tawen, ket pinutotna dagiti annac a lallaki ken babbai.

16 # 1 Cron. 1:19. Ket nagbiag ni Eber iti tallopulo ket uppat a tawen, ket pinutotna ni Peleg:

17Ket nagbiag ni Eber, calpasan ti panangputotna ken Peleg, iti uppat a gasut ket tallopulo a tawen; ket pinutotna dagiti annac a lallaki ken babbai.

18Ket nagbiag ni Peleg iti tallopulo a tawen, ket pinutotna ni Reu,

19Ket nagbiag ni Peleg, calpasan ti panangputotna ken Reu, iti duagasut ket siam a tawen, ket pinutotna dagiti annac a lallaki ken babbai.

20Ket nagbiag ni Reu iti tallopulo ket dua a tawen, ket pinutotna ni Serug:

21Ket nagbiag ni Reu, calpasan ti panangputotna ken Serug, iti duagasut ket pito a tawen, ket pinutotna dagiti annac a lallaki ken babbai.

22Ket nagbiag ni Serug iti tallopulo a tawen, ket pinutotna ni Nacor:

23Ket nagbiag ni Serug, calpasan ti panangputotna ken Nacor, iti duagasut a tawen, ket pinutotna dagiti annac a lallaki ken babbai.

24Ket nagbiag ni Nacor iti duapulo ket siam a tawen, ket pinutotna ni Tare:

25Ket nagbiag ni Nacor, calpasan ti panangputotna ken Tare, iti sangagasut, sangapulo ket siam a tawen, ket pinutotna dagiti annac a lallaki ken babbai.

26Ket ni Tare nagbiag iti pitopulo a tawen, #Jos. 24:2. 1 Cron. 1:26, 27.ket pinutotna ni Abram, ni Nacor, ken ni Haran.

27Ngarud dagitoy dagiti caputotan ni Tare. Ni Tare pinutotna ni Abram ni Nacor ken ni Haran; ket ni Haran pinutotna ni Lot.

28Ket natay ni Haran nga immun-una ngem ni amana a Tare, iti daga a nacayanacanna, sadiay Ur dagiti Caldeos.

29Ket nangala da Abram ken ni Nacor cadagiti asawada: ti nagan ti asawa ni Abram #Gen. 17:15.Sarai; ket ti nagan ti asawa ni Nacor #Gen. 22:20.Milca, babai nga anac ni Haran, ama ni Milca, ken ama ni Isca.

30 # Gen. 16:1, 2. Ket ni Sarai lupes idi; awan anacna.

31Ket innala ni Tare ni #Gen. 12:1.Abram nga anacna, ken ni Lot nga anac ni Haran, nga anac a lalaki ti anacna a lalaki, ken ni Sarai, a manugangna nga asawa ni Abram nga anacna; #Gen. 15:7. Jos. 24:2. Neh. 9:7. D. Ara. 7:4.ket pimmanaw a naicuyog cadacuada idiay Ur dagiti Caldeos, tapno mapanda iti daga a Canaan; ket nacadanonda sadiay Haran, ket nagnaedda sadiay.

32Ket dagiti aldaw ni Tare duagasut ket lima a tawen: ket ni Tare natay idiay Haran.

Currently Selected:

GENESIS 11: TB1973

Highlight

Copy