EZEQUIEL 42

Dagiti silsiled ti paraangan. Ti rucod ti ruar.

1Idin inruarnac #Eze. 40:20.iti makinruar a paraangan, ti dalan nga agpaamianan: ket impannac iti siled nga adda iti batog ti naisina a disso, ken adda iti batog ti balay nga agpaamianan.

2Iti sangoanan ti nagatiddagan ti sangagasut a sico adda ti makinamianan a ruangan, ket ti caacaba limapulo a sico.

3Iti batog ti duapulo a sico isu a paset ti makinuneg a paraangan, ken iti batog ti papayaten isu a paset ti makinruar a paraangan, adda #bil. 5. Eze. 41:15, 16.ti balcon iti batog ti balcon iti maicatlo a cadsaaran.

4Ket iti sangoanan dagiti siled adda idi pagnaan a sangapulo a sico ti caacabana nga agpauneg, maysa a dalan a maysa a sico; ket dagiti ruanganda agpaamiananda.

5Ngarud dagiti makinngato a silsiled ac-akikidda; ta dagiti balcon nangalada cadagitoy, iti nalawlawa ngem iti akinbaba ken akintengnga iti balay.

6Ta talloda a cadsaaran ket awan dagiti adigida a cas cadagiti adigi dagiti paraangan: gapuna ti cangatoan ac-akikid ngem ti cababaan ken ti nagtengnga manipud iti daga.

7Ket ti diding nga adda iti ruar iti arpad dagiti siled, nga agturong iti makinruar a paraangan iti sangoanan dagiti siled, ti caatiddugna lima pulo a sico.

8Ta ti caatiddug dagiti siled nga adda iti makinruar a paraangan limapulo a sico: ket, adtoy, iti sangoanan ti templo adda sangagasut a sico.

9Ket manipud iti baba dagitoy a silsiled adda ti pagsercan iti makindaya a sikigan, no adda sumrec cadacuada nga aggapu iti makinruar a paraangan.

10Iti capuscol ti diding ti paraangan nga agpadaya, iti sangoanan ti naisina a disso, ken iti sangoanan ti balay, adda silsiled.

11Ket ti dalan iti sangoananda cas ti langa ti dalan dagiti siled nga agpaamianan; cas ti caatiddugda casta ti caacabada; ket amin dagiti pagruaranda, mayannugotda cadagiti tabasda, ken cas cadagiti ruanganda:

12Ket cas mayannugot cadagiti ruangan dagiti siled nga agpaabagatan adda idi maysa a ruangan iti #Eze. 16:25.oloanan ti dalan, a isu ti dalan nga aglayon iti sangoanan ti diding nga agpadaya, no adda sumrec cadacuada.

13Idin kinunana caniac, Dagiti makinamianan a silsiled, ken dagiti makinabagatan a silsiled, nga adda iti sangoanan ti naisina a disso, isuda dagiti nasantoan a silsiled, #Lev. 6:16, 26; 10:13; 24:9.a #Eze. 40:46.dagiti papadi nga asideg ken ni Jehova panganandanto cadagiti casantoan a banbanag: idiay idissodanto dagiti casantoan a banbanag, ken ti #Lev. 2:3, 10.daton a bel-laay, ken ti #Eze. 40:49.daton a gapu iti basol ken ti daton gapu iti labsing; ta ti disso nasantoan.

14No dagiti papadi #Eze. 44:19.sumrecda, saandanto a rumuar iti nasantoan a disso a mapan iti makinruar a paraangan, no di ket idiay idissodanto dagiti pagan-anayda a paganannongda; ta nasantoanda: ket mangicapetdanto cadagiti sabali a pagananay, ket umasidegdanto iti daydiay maipaay iti ili.

15Idi nalpasna ti panagrucod iti makinuneg a balay, #Eze. 40:6.isu inruarnac iti dalan ti ruangan a simmango iti daya, ket isu rinucodna iti aglicmut.

16Rinucodna ti makindaya a sikigan iti #Eze. 40:3.runo a pangrucod limagasut a runo, iti aglicmut babaen ti runo a pangrucod.

17Rinucodna iti makinamianan a sikigan limagasut a runo iti aglicmut babaen ti runo a pangrucod.

18Rinucodna iti makinabagatan a sikigan limagasut a runo iti runo a pangrucod.

19Isu nagbawing iti makinlaud a sikigan, ket rinucodna ti limagasut a runo iti runo a pangrucod.

20Isu rinucodna cadagiti uppat a sikigan: adda bacudna iti aglicmut, ti caatiddug lima gasut, ket ti caacaba lima gasut, tapno maaramid ti pagsinaan daydiay nasantoan ken daydiay sapasap.

Currently Selected:

EZEQUIEL 42: TB1973

Highlight

Copy