EZEQUIEL 36

Dagiti bantay ti Israel mabendicionandanto, ket mapabaro ti Israel a maipaay ken ni Jehova.

1Ket sica, anac ti tao, #Eze. 6:2.agipadtoca cadagiti bantay ti Israel, ket cunaem, Dacayo banbantay ti Israel, denggenyo ti sao ni Jehova.

2Castoy ti cuna ni Apo Jehova: Agsipud ta #Eze. 35:5.ti cabusor kinunana a maibusor cadacayo, Aha, #Deut. 32:13.dagiti daan a nangato a disdisso #Eze. 35:10.dacami ti agtagicua;

3Gapuna agpadtoca, ket cunam, Castoy ti cuna ni Apo Jehova: Agsipud ta, wen agsipud ta inaramiddacayo a langalang, ket inalimundacayo iti tunggal sikigan, tapno tagicuaendacayo ti tidda dagiti nasnacion, #Deut. 28:37. D. Un. 2:15, 16.ket naalacayo cadagiti bibig dagiti mannanao, ken ti dakes a damag ti ili;

4Gapuna, dacayo banbantay ti Israel, denggenyo ti sao ni Apo Jehova: Castoy ti cuna ni Apo Jehova cadagiti bantay ken cadagiti turod, cadagiti pagayusan ti danum ken cadagiti lobong, cadagiti langalang a disso ken cadagiti il-ili a nagtalawan, isuda a nagbalin a samsam ken #Sal. 44:13.marabrabac iti tidda dagiti nasnacion nga adda iti aglicmut;

5Gapuna castoy ti cuna ni Apo Jehova; Kinapudnona iti apuy ti imonco #Deut. 4:24.nagsaoac a maicaniwas iti tidda dagiti nasnacion, ken maicaniwas iti amin ti Edom, nga innalada ti dagac a maipaay cadacuada a tagicuaenda a siraragsac ti amin a pusoda, agraman gura ti cararua, tapno isu ipurruacda a maipaay a samsam.

6Gapuna agpadtoca maipapan iti daga ti Israel, ket cunaem cadagiti bantay ken cadagiti turod, cadagiti pagayusan dagiti danum ken cadagiti lobong, Castoy ti cuna ni Apo Jehova: Adtoy, nagsaoac iti imonco ken iti pungtotco, agsipud ta #Eze. 32:24.inawitmo ti bain dagiti nasnacion;

7Castoy ngarud ti cuna ni Apo Jehova: Insapatac, a #Eze. 35:11.kinunac, Pudno a dagiti nasnacion nga adda iti aglicmut kenca, isuda awitendanto ti bainda.

8Ngem dacayo, O banbantay ti Israel, isaringityonto dagiti #Eze. 17:3.sangsangayo, ket itedyo ti bungayo iti ilic nga Israel; ta isuda #Isa. 56:1. Eze. 12:23.asidegdan nga umay.

9Ta adtoy, siac bumoyogac cadacayo, ket agsubliacto cadacayo, ket mataloncayto ken mamulaancayo;

10Ket paaduecto dagiti lallaki cadacayo, amin ti balay ti Israel, wen isu-amin; #Eze. 38:12. Amos 9:14.ket dagiti il-ili mapagnaeddanto, ket dagiti racrac a disso #Isa. 61:4.matarimaandanto;

11Ket paaduecto cadacayo ti tao ken ti animal; ket manayonandanto ken nabungada; ket pagbalinencayto a mapagnaedan a cas #Eze. 16:55.idi immun-una a casasaadyo, ket aramidecto ti nasaysayaat cadacayo ngem cadagidi damoyo: ket mabigbigyonto a siac ni Jehova.

12Wen, papagnaecto dagiti lallaki cadacayo, ti met laeng ilic nga Israel; ket isuda tagicuaendacanto, ket sicanto ti tawidda, ket manipud ita saanmonton ida a pagladingiten gapu cadagiti annacda.

13Castoy ti cuna ni Apo Jehova: Agsipud ta cunada cadacayo, Sica daga maysaca a managlamut ti tao, ken maysa a #Jer. 15:7. Eze. 5:17; 14:15.manangpaliday iti nacionmo;

14Gapuna saancanton nga aglamut cadagiti tattao, ket dicanto metten agpaliday ti nacionmo, cuna ni Apo Jehova;

15Ket siac dicanto metten palubosan a dumngeg iti panangumsi dagiti nasnacion, ket dicanto metten awiten dagiti babalaw dagiti il-ili, dicanto metten paitibcol ti ilim, cuna ni Apo Jehova.

16Castamet ti sao ni Jehova dimteng caniac, a kinunana,

17Anac ti tao, idi a ti balay ti Israel nagnaed iti bucodda a daga, isu #Lev. 18:25, 27, 28.tulawanda gapu iti dalanda ken babaen cadagiti gapuananda: ti dalanda iti sangoanac cas ti #Eze. 22:10.kinarugit ti maysa a babai iti panagcadawyanna.

18Gapuna imbuyatco ti pungtotco cadacuada #Eze. 16:36; 22:3.gapu iti dara nga imbuyatda iti daga, ken agsipud ta isu tinulawanda cadagiti didiosenda;

19Ket inwarasco ida cadagiti nasnacion, ket naiwarada cadagiti dagdaga, cas mayannugot iti dalanda: ken cas mayalubog cadagiti aramidda inocomco ida.

20Ket idi dimtengda cadagiti nasnacion a napananda, #Isa. 52:5. Rom. 2:24.tinabbaawanda ti nasantoan a naganco, iti dayta a dagiti tattao kinunada a maipanggep cadacuada, Dagitoy isuda ti ili ni Jehova, ket rimmuarda iti dagana.

21Ngem impategco #Eze. 20:9.ti nasantoan a naganco, isu a tinabbaawan ti balay ti Israel iti nagtengngaan dagiti nasnacion, a napananda.

22Gapuna cunam iti balay ti Israel, Castoy ti cuna ni Apo Jehova: #Deut. 9:5.Saanco nga aramiden daytoy gapu cadacayo, O balay ti Israel, #Sal. 106:8. Isa. 48:25; 45:11.no di ket gapu iti nasantoan a naganco, isu a tinabbaawanyo iti nagtengngaan dagiti nasnacion, a napananyo.

23Ket pasantoecto ti dackel a naganco, isu a natabbaawan iti nagtengngaan dagiti nasnacion, isu a tinabbaawanyo iti tengngada; ket dagiti nasnacion mabigbigdanto a siac ni Jehova, cuna ni Apo Jehova, #Eze. 20:41; 37:28; 38:23.intono mapasantoac cadacayo iti sangoanan dagiti matada.

24Ta #Eze. 11:17; 34:13.alaencayto manipud iti tengnga dagiti nasnacion, ket urnongencayto manipud cadagiti amin a dagdaga, ket yegcayto iti dagayo met laeng.

25Ket #Isa. 52:15.iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.

26Iccancayto met ti maysa a #Jer. 31:33. Eze. 18:31.baro a puso, ket maysa a baro nga espiritu isaadconto iti unegyo; ket #Eze. 11:19.iccatecto ti bimmato a puso iti lasagyo, ket iccancayto iti maysa a puso a lasag.

27Ket #Eze. 37:14. Joel 2:28.isaadconto ti Espirituc iti unegyo, ket papagnaencayto cadagiti linlintegco, ket tungpalenyonto digiti bilbilinco, ken aramidenyo ida.

28Ket agnaedcayto iti daga nga intedco cadagiti ammayo; ket #Lev. 26:12.dacayto ti ilic, ket siacto ti Diosyo.

29Ket ispalencayto cadagiti amin a kinarugityo, ket ayabacto ti bin-i, ket paaduecto, ket saanacto a mangicabil ti bisin cadacayo.

30Ket paaduecto ti bunga ti cayo, ken ti nayon ti talon, tapno saanyo nga awatenen coma ti umsi ti bisin cadagiti nasnacion.

31 # Eze. 16:61. Iti casta malagipyonto dagiti dakes a daldalanyo, ken dagidi gapuananyo a saanda a nasayaat; ket #Eze. 6:9.calucsawyonto dagiti bagiyo met laeng iti imatangyo gapu cadagiti kinadakesyo ken gapu cadagiti kinarimonyo.

32Aramidec #bil. 22. daytoy a saan a gapu cadacayo, cuna ni Apo Jehova, ammoenyo coma: agbaincayo coma ken mariribuccayo gapu cadagiti daldalanyo, O balay ti Israel.

33Castoy ti cuna ni Apo Jehova: Iti aldaw a panangdalusco cadacayo cadagiti amin a kinadakesyo, pagbalinecto dagiti il-ili a mapagnaedan, ken dagiti naracrac a disso matarimaandanto.

34Ket ti daga a langalang idi matalonto, daydiay langalang idi iti imatang dagiti amin a limmabas.

35Ket cunaendanto, Daytoy daga a langalang idi nagbalin a cas iti #Eze. 28:13.minuyongan ti Eden; ket ti nadadael ken langalang ken narbec nga ili napasarikedkedan ken napagnaedan.

36 # Sal. 126:2. Iti casta dagiti nasnacion a nabati iti aglicmut cadacayo, mabigbigdanto a siac, ni Jehova, binangonco dagiti narbec a disso, ken minulaac daydiay langalang: #Eze. 17:24; 22:14; 37:14.Siac, ni Jehova, insaoc, ket isu aramidecto.

37Castoy ti cuna ni Apo Jehova: Gapu iti daytoy, #Eze. 14:3.mapagdawatanacto met iti balay ti Israel, tapno isu aramidec a maipaay cadacuada: paaduecto ida cadagiti tattao cas maysa nga arban.

38Cas ti arban a maipaay a daton, cas ti arban ti Jerusalem cadagiti nakedngan a fiestana, iti casta dagiti naracrac nga ili mapnodanto cadagiti arban dagiti tattao; ket mabigbigdanto a siac ni Jehova.

Currently Selected:

EZEQUIEL 36: TB1973

Highlight

Copy