EXODO 9

Ti sakit dagiti an-animal. Ti didigra a busbusali ken ti didigra nga uraro.

1Idin ni Jehova kinunana ken Moises, Inca ken Faraon ket ibagam kencuana, Castoy ti cuna ni Jehova a Dios dagiti Hebreos, Bay-am a pumanaw ti ilic tapno agservida caniac.

2Tapno dica cayat a palubosan ida, ket tactakemto pay la ida,

3Adtoy, ti ima ni Jehova adda cadagiti an-animalmo nga addada cadagiti aw-away, cadagiti cabcabayo, cadagiti as-asno, cadagiti camcamello, vacvaca ken carcarnero; addanto macadidigra nga angol.

4 # Ex. 8:22; 11:7. Ket ni Jehova isalsalumina-nanto dagiti an-animal ti Israel cadagiti an-animal ti Egipto; ket awanto ti matay cadagiti amin a cucua dagiti annac ti Israel.

5Ket ni Jehova kinednganna ti tiempo a cunana, Intono bigat ni Jehova aramidennanto daytoy iti daga.

6Ket iti sumaganad nga aldaw, ni Jehova inaramidna daydi; #bil. 19.ket natayda amin dagiti an-animal ti Egipto; ngem cadagiti an-animal dagiti annac ti Israel awan ti natay nga uray maysa.

7Ket ni Faraon pinakitana, ket adtoy a cadagiti an-animal dagiti Israelitas awan ti uray maysa a natay. Ngem ti puso ni Faraon nagmadi, ket dina pinalubosan ti umili.

8Ket ni Jehova kinunana cada Moises ken Aaron, Rumakemcayo iti dapo ti horno, ket ni Moises iwarsina coma nga agpalangit iti imatang ni Faraon.

9Ket agbalinto a tapuc a namayecmec nga agsacnap iti amin a daga nga Egipto, #Apoc. 16:2.ket cadagiti tatao ken cadagiti animal agbalinto a #Lev. 13:18, 19. Job 2:7. Apoc. 16:2.busbusali nga agbasbasisaw iti isu-amin a daga nga Egipto.

10Ket nangalada iti dapo ti horno, ket napanda iti sango ni Faraon; ket ni Moises inwarisiwisna a nagpalangit; ket nagbalin a busali a bimmasbasisaw cadagiti tattao ken cadagiti animal.

11 # 2 Tim. 3:9. Ket dagiti managsalamangca dida mabalin idi ti sumango gapu ta nagbusalida; ta nagbusali dagiti agsalsalamangca ken amin a taga Egipto.

12Ket ni Jehova pinatangkenna ti puso ni Faraon, ket dina ida impangag; #Ex. 4:21.cas ni Jehova imbagana ken Moises.

13Ket ni Jehova kinunana ken Moises, #Ex. 7:15; 8:20.Bumangonca a masapa no bigat, ket sumangoca ken Faraon, ket saoem kencuana, Ni Jehova a Dios dagiti Hebreos castoy ti cunana, Bay-am a pumanaw ti ilic tapno agservida caniac.

14Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; #Ex. 8:10.tapno maammoam nga awan sabali a cas caniac iti amin a lubong.

15Ta ita inlayatcon ti imac, ket dinidigraca agraman iti iturayam, iti angol, ket sica napucawcan coma iti daga:

16 # Ex. 10:1, 2; 11:9; 14:17. Prov. 16:4. Rom. 9:17. Ngem kinaagpaysona a daytoy ti nangpabilgac kenca, tapno ipakitac kenca ti pannacabalinco, ken #Sal. 83:18. Isa. 63:12.tapno ti naganco maibunagnag iti amin a lubong.

17 # Neh. 9:10. Sica agpalangguadca pay laeng aya iti maicaniwas iti ilic a dica baybay-an ida a pumanaw?

18Adtoy, intono bigat iti castoy nga horas, pagtudoecto iti uraro a macasemsem unay, a di pay naaramid ditoy Egipto nanipud iti pannacabangonna agpapan ita.

19 # bil. 4. Paummongmo ngarud ita a madaras dagiti an-animalmo ken amin a cucuam iti away; ta tunggal tao ken animal a masaracan iti away, a saanto a mayapon iti balay, ti uraro agtinnagto cadacuada ket mataydanto.

20Daydiay a nagbuteng iti sao ni Jehova cadagiti ad-adipen ni Faraon pinasangpetna dagiti tagtagabuna ken an-animalna cadagiti balbalay:

21Ket ti di nangicancano iti sao ni Jehova binay-anna dagiti ad-adipenna ken an-animalna iti away.

22Ket ni Jehova kinunana ken Moises, Itudom ta imam iti agpalangit #Apoc. 16:21.tapno aguraro iti amin ti daga nga Egipto, iti tao, ken iti animal, ken iti tunggal mula, ti talon iti daga ti Egipto.

23Ket ni Moises intudona ti sarucodna iti agpalangit: #Jos. 10:11. 1 Sam. 12:17. Sal. 18:13; 78:47; 105:32; 148:8. Isa. 30:30. Eze. 38:22. Apoc. 8:7.ket ni Jehova imbaonna ti gurrood ken uraro, ket ti apuy nagpababa iti daga; ket ni Jehova pinagtudona ti uraro iti daga nga Egipto.

24Iti casta adda uraro idi, ken apuy a nalaocan iti uraro, nacasemsem unay, a dipay nalac-am uray caanoman iti amin a daga nga Egipto nanipud idi pannacabangonna.

25Ket ti uraro kinabilna ti amin a daga nga Egipto, amin nga adda idi iti away, tao man ken animal; #Sal. 105:33.ket ti uraro kinabilna tunggal mula iti away, ket sinepacna ti tunggal cayo iti away.

26 # Ex. 8:22; 9:4, 6; 10:23; 11:7; 12:13. Isa. 32:18. Idiay laeng daga a Gosen, nga ayan dagiti annac ti Israel idi, ti awanan uraro.

27Ket ni Faraon pinaayabanna ni Moises ken ni Aaron, ket kinunana cadacuada, #Ex. 10:16.Nacabasolac itoy a daras: #2 Cron. 12:6. Sal. 129:4; 145:17. D. Un. 1:18. Dan. 9:14.nalinteg ni Jehova, ket siac ken ti ilic dakescami.

28 # Ex. 8:8. Agcararagcayo ken Jehova; ta umanayen dagitoy mannacabalin a gurrood ken uraro; ket siac palubosancayto ket dicayto agbayagen.

29Ket ni Moises kinunana kencuana, Apaman a rumuarac iti ili, #1 Ar. 8:22, 38. Sal. 143:6. Isa. 1:15.yunnatconto dagiti im-imac ken Jehova; dagiti gurrood agsardengdanto, ket awanto meten ti uraro; tapno maammoam a #Sal. 24:1. 1 Cor. 10:26.ni Jehova ti akincucua iti lubong.

30Ngem ti maipapan kenca ken cadagiti ad-adipenmo, #Isa. 26:10.ammoc a dicayto pay laeng agbuteng ken Jehova Dios.

31Ket ti #Lino: Mula a pagtandan ti lupot a lienzo.lino ken ti #Cebada: Bukel a macan cas trigo.cebada nadadaelda: ta ti cebada nagdawan ket ti lino nagsabongen.

32Ngem ti trigo ken ti #Centeno: Maysa a kita ti root a macan ti bungana.centeno saanda a nadadael: ta dida pay nagtubo.

33Ket ni Moises pimmanaw iti ili a simmina ken Faraon ket intayagna dagiti imana ken Jehova: ket nagsardengda dagiti gurrood ken ti uraro, ket ti tudo di met agtinnagen iti daga.

34Ket ni Faraon idi makitana a simmardeng ti tudo ken uraro ken dagiti gurrood, nagbasol pay laeng ket pinatangkenna ti pusona, #1 Sam. 6:6.isu ken dagiti ad-adipenna.

35 # Ex. 4:21. Ket ti puso ni Faraon napatangken, ket dina pinalubosan a pumanaw dagiti annac ti Israel: a cas ni Jehova pinaibagana idi ken Moises.

Currently Selected:

EXODO 9: TB1973

Highlight

Copy