EXODO 26

Dagiti bengbeng ti tabernaculo. Tabtabla ken balbalunet. Ti abbong ken ti tabing.

1Maysa pay a #Aginga bil. 37. Ex. 36:8-38.mangaramidcanto iti tabernaculo nga adda sangapulo a bengbengna; iti #bil. 31, 36. Ex. 25:4.nalapat a lienzo a tinabid, ken azul, ken purpura, ken nalabaga, agraman querquerubin a gapuanan ti managborda aramidemto ida.

2Ti caatiddug ti tunggal bengbeng duapulonto ket walo a sico, ket ti caacaba ti tunggal bengbeng uppat a sico: amin dagiti bengbeng maymaysanto ti rucodda.

3Lima a bengbeng maisaipdanto ti maysa ken maysa; ket dagiti sabali a lima a bengbeng agsasaipdanto ti maysa ken maysa.

4Ket mangaramidcanto cadagiti panaldengan nga azul iti pingir ti maysa a bengbeng mangrugi iti pingir iti pagsasaipan; ket casta met ti aramidemto iti pingir ti bengbeng a makinruar iti maicadua a pagsipan.

5Limapulo dagiti panaldengan nga aramidemto iti maysa a bengbeng, ket limapulo a panaldengan aramidemto iti pingir iti bengbeng nga adda iti maicadua a pagsaipan; dagiti panaldengan agsasangodanto ti maysa ken maysa.

6Ket mangaramidcanto iti limapulo a corchetes a balitoc, ket pagsangcanaigem dagiti bengbeng cadagiti corchetes: ket ti tabernaculo sangsangcanayonto.

7 # Ex. 36:14. Ket mangaramidcanto cadagiti bengbeng a dutdut ti calding a linong iti rabaw ti tabernaculo: sangapulo ket maysa a bengbeng ti aramidemto.

8Ket ti caatiddug ti tunggal bengbeng tallopulonto a sico, ket ti caacaba ti tunggal bengbeng uppat a sico: dagiti sangapulo ket maysa a bengbeng maymaysa a rucoddanto.

9Ket pagsasaipemto dagiti lima a bengbeng nga is-isuda, ken dagiti innem a bengbeng nga isu-isuda, ket culpiemto ti maicanem a bengbeng iti sango ti linong.

10Ket mangaramidcanto cadagiti limapulo a panaldengan iti pingir nga adda iti pamarang iti pagsasaipan, ken limapulo a panaldengan iti pingir ti bengbeng nga adda cadagiti pamarang iti maicadua a pagsaipan.

11Ket mangaramidcanto cadagiti limapulo a corchetes a suer, ket icabilmonto dagiti corchets cadagiti panaldengan, ket pagtiponem ti linong, tapno sibubukel.

12Ket ti aguyauy a paset a suroc dagiti bengbeng ti linong, ti guddua a bengbeng nga matda, agtinnagto iti licud ti tabernaculo.

13Ket ti sangcasico iti maysa a bangir, ken ti sangcasico iti maysa a bangir, iti matda ti nagatiddugan dagiti bengbeng ti linong, aguyauyto cadagiti sikigan ti tabernaculo iti daytoy a bangir ken iti daydiay a bangir, tapno maabbonganna.

14 # Ex. 36:19. bil. 31. Ex. 28:6, 15; 36:8, 35; 39:3, 8. Ket mangaramidcanto iti maysa nga #Ex. 25:5.abbong nga agservi iti linong a lalat dagiti carnero a lalaki a natina iti nalabaga, ken maysa nga abbong a lalat dagiti foca iti ngato.

15Ket mangaramidcanto cadagiti tabtabla a maipaay iti tabernaculo a cayo ti acacia, a maipatacder.

16Itinto caatiddug ti maysa a tabla sangapulo a sico, ket maysa a sico ket guddua ti caacaba ti tunggal tabla.

17Dua nga pallaupo iti tunggal tabla, agsangalto ti maysa ken maysa: casta ti aramidemto cadagiti amin a tabtabla ti tabernaculo.

18Ket aramidemto dagiti tabtabla ti tabernaculo, duapulo a tabtabla a maipan iti bangirna iti abagatan, agpaabagatan.

19Ket mangaramidcanto iti uppat a pulo a batbatay a pirac iti baba dagiti duapulo a tabtabla; dua a batbatay iti baba ti maysa a tabla a pagsaadan dagiti dua nga pallaupo, ken dua a batbatay iti baba ti sabali a tabla a pagsaadan dagiti dua nga pallaupona:

20Ket iti maicadua a bangir ti tabernaculo, nga bangirna iti amianan, duapulo a tabtabla.

21Ket dagiti uppat a pulo a batbatayda a pirac; dua a batbatay iti babaen ti maysa a tabla, ken dua a batbatay iti babaen ti sabali a tabla.

22Ket iti akinlicud a paset ti tabernaculo nga akinlaud, mangaramidcanto cadagiti innem a tabtabla.

23Ket dua a tabtabla ti aramidemto a pasuli ti tabernaculo iti licud.

24Ket agrutapdanto iti baba, ken castadanto man met laengen agingga iti toctocna agingga iti maysa a condiling: castanto cadacuada a dua; addadanto cadagiti dua a sulsuli.

25Ket addanto walo a tabtabla, ken dagiti batbatayda a pirac, sangapulo ket innem a batbatay; dua a batbatay iti babaen ti maysa a tabla, ken dua a batbatay iti babaen ti sabali a tabla.

26Ket mangaramidcanto cadagiti balbalunet a cayo ti acacia; lima cadagiti tabtabla iti maysa a bangir ti tabernaculo,

27Ken lima a balbalunet cadigiti tabtabla iti sabali a bangir ti tabernaculo, ken lima a balbalunet cadagiti tabtabla ti bangir ti tabernaculo, iti akinlicud a bangir.

28Ket ti nagtenga a balunet iti nagtengngaan dagiti tabtabla aglayonto iti murdong ken murdong.

29Ket calupcupamto dagiti tabtabla iti balitoc, ket mangaramidcanto cadagiti singsing a balitoc a #Ex. 25:27.pacaiccan dagiti balbalunet: ket calupcupamto dagiti balbalunet iti balitoc.

30Ket bangonemto ti tabernaculo a #Ex. 25:9, 40.cas iti caasping daydi naipakita kenca iti bantay.

31Ket mangaramidcanto iti maysa nga #bil. 1, 35. Ex. 36:35. Lev. 16:2. 2 Cron. 3:14. Mat. 27:51. Heb. 9:3.abbong nga azul, ken purpura, ken nalabaga, ken nalapat a lienzo a tinabid: ket maaramidto nga adda querquerubin a gapuanan ti managborda:

32Ket ibitinmonto cadigiti uppat nga adadigi nga acacia a nacalupcupan iti balitoc; dagiti sasab-itanda balitocto, iti rabaw dagiti uppat a batbatay a pirac.

33Ket isab-itmonto ti abbong iti babaen dagiti corchetes, ket iserrecmonto idiay iti uneg ti abbong ti #Ex. 16:34.lacasa ti pamanecnec: ket ti abbong paglasinennanto cadacayo ti nasantoan a disso ken ti casasantoan.

34Ket icabilmonto ti #Ex. 25:21.tugaw ti caasi iti rabaw ti lacasa ti pamanecnec idiay disso a casasantoan.

35 # Ex. 40:22. Heb. 9:2. Ket isaadmonto ti lamisaan iti ruar ti abbong, #Ex. 20:24.ken ti candelero iti sango ti lamisaan iti sikigan nga akinabagatan ti tabernaculo: ket idissomto ti lamisaan iti bangir nga akinamianan.

36Ket #Ex. 27:16.mangaramidcanto iti maysa a cortina a pannacaruangan ti Tabernaculo, nga azul, ken purpura, ken nalabaga, ken nalapat a lienzo a tinabid a #Ex. 27:16; 28:39; 39:29. Oc. 5:30.gapuanan ti agborborda.

37Ket yaramidamto ti cortina cadagiti lima nga adadigi nga cayo ti acacia ket calupcupamto ida iti balitoc; dagiti sasab-itanda balitocdanto: ket mangpandaycanto cadagiti lima a batbatayda a suer.

Currently Selected:

EXODO 26: TB1973

Highlight

Copy