EXODO 11

Ti maudi a didigra maamsan.

1Ket ni Jehova kinunana ken Moises, Addanto pay laeng #Ex. 4:23.maysa a didigra nga yegco ken Faraon ken iti Egipto; iti calpasanna isu bay-annacayton a pumanaw ditoy: no palubosannacayonton a pumanaw, pudno nga #Ex. 12:31, 33, 39.ipapilitnanto ti ipapanawyo a maminpinsan ditoy. 2Ibagam cadagiti pagdengeg dagiti tattao, ket dumawatda coma tunggal lalaki iti carrobana, ken tunggal babai iti carrobana, cadagiti #Ex. 3:22; 12:35.al-alicamen a pirac ken al-alicamen a balitoc.

3 # Ex. 3:21; 12:36. Ket ni Jehova pinaraburanna dagiti tattao iti imatang dagiti Egipcios. Maysa pay ni lalaki a Moises natan-oc unay idi iti daga nga Egipto, iti sango dagiti ad-adipen ni Faraon, ken iti sango dagiti tattao.

4Ket ni Moises kinunana, Castoy ti sao ni Jehova #Ex. 12:29. Job 34:20. Amos 4:10.Intono tumengnga ti rabii, agsursuracto iti tengnga ti Egipto:

5Ket matayto amin dagiti annac nga inauna iti daga nga Egipto, manipud iti inauna nga anac ni Faraon a tumugaw iti tronona agingga iti inauna nga anac ti adipen a babai nga adda iti #Mat. 24:41.licud ti paggilingan; ken amin nga inauna nga annac dagiti an-animal.

6 # Ex. 8:22. Ket addanto dackel nga ariwawa iti amin a daga ti Egipto, nga idi caanoman di naaramid ket uray ca-anoman awanton ti casta.

7 # Jos. 10:21. Ngem iti maibusor iti siasinoman cadagiti annac ti Israel awan ti aso a mangtignayto iti dilana, uray maibusor iti #Ex. 12:33.tao wenno animal: tapno maammoanyo nga isalsaluminana ni Jehova ti Israel cadagiti Egipcios.

8 # Ex. 3:19; 7:3, 4; 10:1. Ket amin dagitoy nga ad-adipenmo bumabadanto, ken agrucbabdanto caniac a cunada, Pumanawca, ken amin dagiti tattao nga sumurot kenca: ket iti calpasan, daytoy pumanawacto. Ket pimmanaw a sibabara ti pungtotna iti sango ni Faraon.

9Ket ni Jehova kinunana ken Moises, Ni #Ex. 3:19; 7:3, 4; 10:1.Faraon dinacayto ipangag; tapno dagiti datdatlagco umaduda iti daga nga Egipto.

10Ket da Moises ken ni Aaron inaramidda amin dagitoy a datdatlag iti sango ni Faraon: ket ni Jehova pinatangkenna ti puso ni Faraon, ket saanna a pinalubosan a nagtalaw iti dagana dagiti annac ti Israel.

Currently Selected:

EXODO 11: TB1973

Highlight

Copy