ESTER 4:13-14

Idin ni Mardokeo nagdawat cadacuada nga isublida ti sungbat ken Ester, Dica panunoten kenca met laeng a macalisica iti balay ti ari, a nangnangrona ngem cadagiti amin a Judios. Ta no agtalnaca a maminpinsan itoy a tiempo, no casta ti bang-ar ken ti pannacaispal bumangonto cadagiti Judios manipud iti sabali a disso, ngem sica ken ti balay ni amam mapucawcayto: ket asino ti macaammo a sica dica mayeg iti pagarian a maipaay iti casta a tiempo a cas itoy?