ESTER 1
1
Ti fiesta ni Asucro. Ni reina Vasti agmadi a tumalantan kencuana. Maisina ni reina Vasti.
1Naaramid cadagiti al-aldaw ni Asuero (daytoy isu ti Asero a nagari manipud #Est. 8:9.India agingga met laeng iti #2 Ar. 19:9.Etiopia, cadagiti #Est. 8:8; 9:30. Dan. 6:1.sangagasut duapulo ket pito a provincia),
2A cadagidi nga al-aldaw, idi a nagtugaw ni ari Asuero iti trono ti pagarianna, nga adda idi idiay #Neh. 1:1.Susan a palacio,
3Iti maicatlo a tawen ti panagarina, inaramidna ti maysa a rambac a maipaay cadagiti amin a pangpangoloenna ken ad-adipenna; ti pannacabalin ti Persia ken Media, dagiti natacneng ken pangpangoloen dagiti provprovincia, nga addada idi iti sangona;
4Idi imparangna dagiti sansanicua ti nadayag a pagarianna ken tidayaw ti mangnibinibi a kinadayagna bayat iti adu nga al-aldaw, a sangagasut ket walopulo met laeng nga al-aldaw.
5Ket idi a naturpos dagitoy nga al-aldaw, ti ari nangaramid itimaysa a rambac a maipaaycadagitiamin a tattao nga adda idi idiay Susan a palacio, dackel man ken bassit nga agpadpada, bayat iti pito nga aldaw, idiay paraangan ti #Est. 7:7, 8.minuyungan ti palacio ti ari.
6 Adda idi naisalapay a puraw a lupot, verde, ken azul, a naicapetda cadagiti tali a lienzo a nalapat, ken purpura cadagiti singsing a pirac ken monmonmon a marmol: dagiti pappapag balitoc ken piracda, iti rabaw ti pagpayatan a nabaldosaan iti nalabaga, ken puraw, ken amarillo, ken nangisit a marmol.
7Ket isuda iniccanda ida iti inumen babaen cadagiti al-alicamen a balitoc (dagiti al-alicamen aggigidiatda idi ti maysa ken maysa) ket ti naarian nga arac nawadwad, a mayalubog iti kinaimbag ti ari.
8Ket ti panaginum mayalubog idi iti linteg; awan ti mapilpilit: ta casta ti inkeddeng ti ari cadagiti amin nga agturay ti balayna, nga aramiden ti mayalubog iti pacaay-ayoan ti tunggal tao.
9Casta met ni reina Vasti nangaramid iti maysa a rambac a maipaay cadagiti babbai idiay naarian a balay a cucua ni ari Asuero.
10Iti maicapito nga aldaw, idi a ti puso ti ari nagragsac iti arac, binilinna da Mehuman, Bizta, Harbona, Bigta, Abagta, Zetar, ken Carcas, dagiti pito nga agaywan iti siled a nagaanong iti saclang ni ari Asuero.
11Tapno iyegda ni reina Vasti a sibabalangat iti naarian a #Est. 2:17; 6:8.balangat iti sangoanan ti ari, tapno iparangna cadagiti tattao ken pangpangoloen ti kinaimnasna; ta isu naimnas idi ti buyana.
12Ngem ni reina Vasti nagmadi a nagtulnog iti bilin ti ari iti pannacaaramat dagiti agaywan iti siled: gapuna a ti ari nacaunget unay, ket ti pungtotna simged kencuana.
13Idin ti ari kinunana cadagiti #Jer. 10:7. Dan. 2:12, 13. Mat. 2:1.mamasiribna a lalaki, a nacaammo #1 Cron. 12:32.cadagiti tiempo (ta casta idi ti cadawyan ti ari cadagiti amin a macaammo iti linteg ken panangocom;
14Ket iti dennana addada idi da Carsena, Setar, Admata, Tarsis, Mares, Marsena, ken Memucan, #Esd. 7:14.dagiti pito a pangoloen ti Persia, ken Media, #2 Ar. 25:19.isuda a nakakita iti rupa ti ari, ken nagtugaw nga umuna iti pagarian),
15Ania ti aramidentayo ken reina Vasti a mayalubog iti linteg, agsipud ta dina tinungpal ti bilin ni ari Asuero iti pannacaaramat dagiti agaywan iti siled?
16Ket simmungbat ni Memucan iti sangoanan ti ari ken dagiti pangpangoloen, Ni reina Vasti saan a nagaramid iti biddut iti ari laeng, no di ket cadagiti amin a pangpangololoen, ken cadagiti amin nga umili nga adda cadagiti amin a provincia ni ari Asuero,
17Ta daytoy nga aramid ti reina dumtengto iti ruar agingga cadagiti amin a babbai, tapno aramidenda a mauy-uyaw dagiti assawada cadagiti matada, intono maidamag, Ni ari Asuero nagbilin a mayeg ni reina Vasti iti sangoananna, ngem saan nga immay.
18Ket itoy nga aldaw dagiti princesas ti Persia ken Media a nacangngeg iti aramid ti reina saoendanto ti umasping cadagiti amin a pangpangoloen ti ari. Iti casta tumacderto ti adu nga uyaw ken pungtot.
19No macaay-ayo iti ari, mapalubosan coma ti maysa a bilin a naarian nga aggapu kencuana, ket maisurat coma iti tengnga dagiti linlinteg dagiti Persas ken #2 Ar. 17:6.Medos, a di mabalbaliwan, a ni Vasti saan nga umayen iti sango ni ari Asuero; ket ited coma ti ari ti casasaadna a naarian iti sabali a naim-imbag ngem ni Vasti.
20Ket intono ti pangngeddeng ti ari nga aramidennanto maiwarnac iti amin a pagarianna (ta isu ti dackel), amin dagiti assawa a babbai padayawandanto dagiti assawada, dackel man ken bassit agpadpada.
21Ket ti palawag inay-ayona ti ari ken dagiti pangpangoloen; ket nagaramid ti ari iti mayalubog iti sao ni Memucan:
22Ta impaw-itna dagiti sursurat cadagiti amin a provincia ti ari, iti tunggal provincia a mayalubog iti naisurat kencuana, ken iti tunggal umili a mayannurot iti pagsasaoda, a tunggal lalaki agturay iti bucodna a balay, ken agsao a mayalubog iti pagsasao ti ilina.
Currently Selected:
ESTER 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
