DEUTERONOMIO 34
34
Ti ipapatay ni Moises.
1Ket ni Moises simmang-at nanipud iti tantanap ti Moab agingga iti #Jos. 19:34.bantay Nebo, iti tapaw ti Pisga, nga adda iti sango ti Jerico. Ket ni Jehova imparangna kencuana ti isu-amin a daga ti Galaad, #Oc. 18:29.agingga iti Dan,
2Ken amin ti Nephtali, ken ti daga ti Efraim ken Manases, ken amin a daga ti Juda, #Deut. 11:24.agingga iti taaw nga akinlicud,
3Ken ti Abagatan, ken ti #Gen. 12:12; 19:17. 2 Sam. 18:23.Tanap ti lobong ti Jerico nga #Oc. 1:16.ili a capalmaan, inggana iti #Gen. 19:22.Soar.
4Ket ni Jehova kinunana kencuana, #Gen. 12:7.Daytoy ti daga nga insapatac ken Abraham, ken Isaac, ken ni Jacob a kinunac, Itedconto daytoy iti putotmo: #Deut. 3:27.impakitac kenca cadagiti matam, ngem dicanto macapan idiay.
5Iti casta ni Moises nga adipen ni Jehova natay idiay iti daga ti Moab, cas mayannurot iti sao ni Jehova.
6Ket isu naitabon iti lobong ti daga ti Moab iti sango ti Bethpeor: ngem awan ti #Jud. 9.macaammo iti tanemna agpapan ita nga aldaw.
7 #
Deut. 31:2. Ket ni Moises agtawen iti sangagasut ket dua pulo idi natay: ti #Gen. 27:1.matana saan a nacullaapan, wenno nacsayan ti cadawyan a pigsana.
8Ket dagiti annac ti Israel sinangitanda ni Moises iti tantanap ti Moab bayat iti #Gen. 50:3. Num. 20:29.tallopulo nga aldaw: casta ti pannacaungpot dagiti aldaw ti panagsangsangit iti panagliday a gapu ken Moises.
9Ket ni Josue nga anac ni Nun #Isa. 11:2.napno idi iti espiritu ti kinasirib; ta ni #Num. 27:18, 23.Moises impatayna kencuana dagiti im-imana: ket dagiti annac ti Israel impangagda ket inaramidda ti cas ni Jehova imbilinna ken Moises.
10Ket nanipud idi awan #Deut. 18:15, 18.timmaud a mammadto iti Israel, a capada ni Moises nga #Ex. 33:11.inam-ammo ni Jehova iti sangonsango,
11Iti amin a pagilasinan ken datdatlag, nga imbaon kencuana ni Jehova tapno aramidenna ida iti daga nga Egipto, ken Faraon, ken iti isu-amin nga ad-adipenna, ken iti amin a dagana.
12Ken iti amin nga ima a mannacabalin, ken iti amin a dadackel a nacakigkigtot, a ni Moises inaramidna iti imatang ti dagup ti Israel.
Currently Selected:
DEUTERONOMIO 34: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
