DEUTERONOMIO 32

Ti canta ni Moises. Maibilin ken Moises a sumang-at iti bantay Nebo.

1Dumngegcayo, dacayo a #Deut. 4:26.langlangit, ket agsaoacto; ket denggen coma ti daga dagiti balbalicas ti ngiwatco.

2Ti pannursuroc #Isa. 55:10, 11.agtedtedto cas tudo, ti palawagco agtinnagto cas ti linnaaw: cas arimucamoc iti rabaw ti root a nalasbang, #Sal. 72:6.ken cas ti arbis iti rabaw ti nateng:

3Ta ti nagan ni Jehova yawagconto: #Deut. 3:24.ipacumityo ti kinadackel iti Diostayo.

4Ti #bil. 15. 2 Sam. 22:3. Sal. 18:2, 31, 46.Bato, naananay ti aramidna; ta amin a #Dan. 4:37. Apoc. 15:3.dalanna kinalinteg: #Sal. 31:5.maysa a Dios ti kinamatalec ket awanan damca, isu awan pagcuranganna ken nalinteg.

5Dakes ti inaramidda kencuana, isuda saanna ida nga annac, dayta ti pilawda; isuda ti naindacsan ken nakillo a #Mat. 17:17.caputotan.

6Castoy aya ti #Sal. 116:12.panupapacyo ken Jehova, O namaag nga umili ken nanengneng? Saan aya nga isu ti #Isa. 63:16.amam a #Sal. 74:2.gimmatang kenca? #Isa. 27:11.Isu ti nangaramid kenca, ken nangbangon kenca.

7Laglagipem dagiti al-aldaw idi ugma, panpanunotem dagiti tawtawen dagiti adu a capcaputotan: #Sal. 44:1.Agintuudca ken amam, ket isu iparangnanto kenca; cadagiti lallacaymo, ket isuda saoendanto kenca.

8 # D. Ara. 17:26. Idi ti Cangatoan unay intedna cadagiti nasnacion dagiti tawidda, idi #Gen. 11:8.pinagsisinana dagiti annac dagiti tattao, inwayangna dagiti bedbeddeng dagiti il-ili mayannatup iti bilang dagiti annac ti Israel.

9Ta ti bagi ni Jehova isu ti ilina; ni Jacob isu ti bagina a tawid.

10Isu sinaracna iti maysa a #Jer. 2:6.caticagan a daga, ken iti walang a nacaalalingnget a let-ang; isu nilictubna, isu nangaywan kencuana, isu nagaluad kencuana cas ti #Sal. 17:8. Zac. 2:8.bukel ti matana.

11 # Ex. 19:4. Cas maysa nga aguila a mangwagwag iti umocna, nga agpayacpac iti rabaw ti urbonna, isu inucradna dagiti payacna, innalana ida, inawitna ida iti rabaw dagiti paypayacna.

12Ni Jehova laeng ti nangitulod kencuana, ket awan idi ti sabali a dios kencuana.

13 # Deut. 33:29. Isu ti nangisacay kencuana cadagiti nangato a disso ti daga, ket nangan iti apit ti talon; ket isu pinasusopna ti #Sal. 81:16.diro a nagtaud iti bato, ken lana iti natangken a bato:

14Mantequilla dagiti vacvaca, ken gatas ti pangen, agraman taba dagiti corcordero, ken carcarnero a lallaki a tubo iti Basan, ken dagiti calcalding, #Sal. 147:14.agraman ti casayaatan ti trigo; ken iti #Gen. 49:11.dara ti uvas, sica imminumca iti arac.

15Ngem ti Jesurum #Deut. 33:5, 26. Isa. 44:2.naglucmeg, ket #2 Sam. 2:29.kimmugtar: #Jer. 5:7, 28.sica limmucmegca, bimmanegca, timmabacan; Iti casta binaybay-anna ti Dios a nangaramid kencuana, ket parparawpaw ti pinangipategna iti #2 Sam. 22:47. Sal. 78:58.Bato a salacanna.

16 # 1 Cor. 10:20. Isuda pinagimunda gapu cadagiti sabsabali a didios; agraman macarimon ginargarida tapno agunget.

17Isuda nagidatonda cadagiti sasairo, a saan a ti Dios, cadagiti didios a dida ammo idi, cadagiti didios a babaro a calcaltuad, a saan a nagbutngan dagiti ammayo.

18 # Isa. 17:10. Iti Bato a nangputot kenca sica dica linagip, ket linipatam ti Dios a nangyanac kenca.

19Ket ni Jehova nakitana, ket #D. Un. 2:6.kinagurana ida, #Isa. 1:2.gapu iti pananggargari dagiti annacna a lallaki, ken annacna a babbai.

20Ket kinunana, #Deut. 31:17.Ilemmengconto ti rupac cadacuada, siac kitaecto no anianto ti banagda: ta isuda dakesda unay a caputotan, annac a saan a mapagtalcan.

21Isuda tinignaydac nga agimun iti dayta saan a Dios; ginargaridac nga agpungtot gapu cadagiti #1 Ar. 16:13, 26. Sal. 31:6. Jer. 10:8.kinaubbawda: ket tignayecto ida nga agimun cadagidiay saan nga umili; #Rom. 10:19.gargariecto ida nga agpungtot iti nanengneng a nacion.

22Ta maysa nga apuy dimmarang iti pungtotco, ket sumged inggana ti cababaan a tanem, ket alun-unenna ti daga agraman kinalabonna, ket silmutanna ti puon dagiti banbantay.

23Pagdadarisonecto dagiti dakes cadacuada; #Sal. 7:13.ibusecto dagiti panpanac cadacuada:

24 Umresdanto iti bisin, ket maalun-undanto iti nadarang a pudot ken ti napait a pannacadadael; ket ibaonconto cadacuada dagiti #Lev. 26:21, 22.ngipen dagiti narungsot nga an-animal, agraman gita dagiti agcarcarayam iti tapuc.

25Iti ruar mamagtalipungawto ti campilan, ket iti uneg dagiti silsiled kigtot; ti babbaro ken virgen agpada a dadaelennanto, ti agsusu agraman agubanen.

26Kinunac, inwarac coma ida iti adayu, pinagsardengco coma ti lagip cadacuada iti nagtengngaan dagiti tattao;

27No coma no diac inamac ti pangargari ti cabusor, di la ket ta dagiti casupiatda di umisu ti panangipatoda coma, #Num. 14:16.di la ket ta cunada coma, ti imami naitan-oc, ket ni Jehova saanna nga inaramid amin daytoy.

28Ta isuda maysada a nacion nga awanan bagbaga, ket awan cadacuada ti #Isa. 1:3.pannacaawat.

29 # Sal. 81:13. O no coma no masiribda, daytoy maawatanda coma, panpanunotenda coma ti maud-udi a banagda!

30Casano ti panangpataray ti maymaysa iti sangaribu, ket ti dua patarayenna ti sangapulo ribu, malacsid no ti Batoda inlacona ida, ken ni Jehova inyawatna ida?

31Ta ti #1 Sam. 2:2.batoda saan a cas ti Batotayo, uray dagiti #1 Sam. 4:8.cabcabusor met laeng ti mangipato.

32Ta ti lanutda isu ti nayon ti lanut ti Sodoma, ken aggapu iti taltalon ti Gomorra: dagiti uv-uvasda, uv-uvas ti apro, dagiti sarsar-ayda napait:

33Ti aracda isu ti #Sal. 58:4.gita dagiti ul-uleg, ken ti nadawel a sabidong dagiti carasaen.

34Saan aya nga adda caniac daytoy a sidudulin, nabungon cadagiti gamgamengco?

35Cuac ti #Sal. 94:1. Isa. 1:24; 59:18. Rom. 12:19. Heb. 10:30.pammales ken panggunguna, #2 Ped. 2:3.iti aldaw a pannacaigalisto dagiti sacada: ta ti aldaw ti panagladingitda asidegen, ket dagiti dumteng cadacuada napardasdanto.

36 # Sal. 135:14. Ta ni Jehova ocomennanto ti ilina, ket #Sal. 106:45.agbabawinto gapu cadagiti ad-adipenna; no makitana a naibusen ti bilegda, ken awan ti matda a balud wenno agwayawaya.

37Ket isu cunananto, #Oc. 10:14. 1 Ar. 18:27.sadino ti yan dagiti didiosda, ti bato a nagcamanganda;

38A nangnangan ti taba dagiti datdatonda, ken immininum iti arac nga inumen a datonda? Tumacderda coma, ket tumulongda cadacayo, isuda coma ti mangsalacnib cadacayo.

39Kitaenyo ita a siac, a #Isa. 41:4; 48:12.siac met laeng daydiay, ket awan dios a caduac: #1 Sam. 2:6. 2 Ar. 5:7. Os. 6:1. Num. 13:8, 16.siac pumatayac ken mangbiagac; #Job 5:18.sumugatac ken mangagasac; ket awan uray asinoman a macalasut iti imac.

40Ta ingatoc sadi langit ti imac, ket cunac, Idinto nga agnanayon a sibibiagac,

41 # Sal. 7:12. Isa. 66:16. No asaec ti campilanco a sumilsilap, ket ti panangocom petpetan ti imac; idissocto ti pammales cadagiti casupadic, ket supapacacto ida dagidiay gumura caniac.

42 # Jer. 46:10. Bartekecto iti dara dagiti panac ket ti campilanco alun-unennanto ti lasag; agraman ti dara dagiti napatay ken dagiti nacaycayawan, manipud olo dagiti mangidalan ti cabusor.

43Agragragsaccayo, O dacayo a nasnacion, a maitimpuyog iti ilina: ta #Apoc. 6:10; 19:2.ibalesnanto ti dara dagiti ad-adipenna, ket itednanto ti #bil. 35, 41.pammales cadagiti cabcabusorna, ket #Sal. 85:1.subbotennanto ti dagana ken ti ilina.

44Ket ni Moises immay ket sinaona amin dagiti sasao daytoy a canta cadagiti pagdengngeg dagiti tattao, isu, ken ni Josue nga anac ni Nun.

45Ket ni Moises tinurposna ti nagsao cadagitoy a balicas iti amin nga Israel;

46Ket kinunana cadacuada, #Deut. 6:6.Icabilyo ita pusoyo dagiti amin a sasao nga ipanecnecco cadacayo itoy nga aldaw, isu nga ibilinyonto cadagiti annacyo a tungpalenda nga aramiden, a ti dagup met laeng dagiti sasaoen daytoy a linteg.

47Ta saan a barengbareng cadacayo; gapu ta #Deut. 30:19. Lev. 18:5.isu ti pacabiaganyo, ket gapu itoy mapaatiddugyo dagiti al-aldawyo iti daga a panglasatanyo iti Jordan tapno tagicuaenyo.

48Ket ni Jehova nakisao ken Moises iti daydi met la nga aldaw, a kinunana,

49 # Num. 27:12. Sumang-atca iti daytoy a bantay ti Abarim, agingga iti bantay Nebo, nga adda iti daga ti Moab, nga adda iti sango ti Jerico; ket kitaem ti daga a Canaan, nga itedco a cucua dagiti annac ti Israel;

50Ket matayca iti bantay a sang-atam, ket maitiponca iti ilim, #Num. 20:25, 28.cas pannacatay ni Aaron a cabsatmo iti bantay Hor, ket naitipon iti ilina:

51Gapu ta #Num. 20:11, 13.naglabsingcayo iti maicaniwas caniac iti tengnga dagiti annac ti Israel iti yan ti dandanum ti Meriba ti Cades iti let-ang ti Zin; gapu ta didac sinantificar iti tengnga dagiti annac ti Israel.

52Ta sica makitamto ti daga iti sangoanam, ngem dicanto sumbrec idiay daga nga itedco cadagiti annac ti Israel.

Currently Selected:

DEUTERONOMIO 32: TB1973

Highlight

Copy