DEUTERONOMIO 27
27
Rebbengna a maimaldit sadiay Ebal ti linteg. Rebbengna a dagiti lunlunod maibalicasda sadi Ebal.
1Ket ni Moises ken dagiti lallacay ti Israel imbilinda iti ili a kinunada, Salimetmetanyo amin a bilin nga ibilinco cadacayo itoy nga aldaw.
2Ket maaramidto nga iti aldaw a #Jos. 4:1.ilalasatyo iti Jordan agingga iti daga a ni Jehova a Diosmo itedna kenca, ipatacdermonto a maipaay kenca iti #Jos. 8:32.dadackel a batbato, ket paletadaamto iti masa;
3Ket isuratmonto iti rabawda ti dagup dagiti sasao daytoy a linteg no macalasatca: tapno macastrecca iti daga a ni Jehova a Diosmo itedna kenca, #Deut. 26:9, 15. Ex. 3:8.daga nga agay-ayus iti gatas ken diro, cas incari kenca ni Jehova a Dios dagiti ammam.
4Ket maaramidto a no macalasatcayo iti Jordan mamangoncayto cadagidiay a batbato nga ibilinco cadacayo itoy nga aldaw, idiay #Deut. 11:29. Jos. 8:30.bantay Ebal, ket paletadaamto ida iti masa.
5Ket idiay mamangoncanto iti maysa nga altar ken Jehova a Diosmo, maysa nga altar a batbato; dicanto #Ex. 20:25. Jos. 8:31.parabaw ti alicamen a landoc cadacuada.
6Bangonemto ti altar ni Jehova a Diosmo cadagiti batbato a saan a natagaan; ket iti rabawna mangipaaycanto cadagiti datdaton a mapuuran ken Jehova a Diosmo.
7Ket mangidatagcanto cadagiti datdaton ti cappia, ket mangancanto idiay; ket agrag-ocanto iti sango ni Jehova a Diosmo.
8Ket isuratmonto iti nalawag unay iti rabaw dagiti batbato dagiti amin a sasao daytoy a linteg.
9Ket ni Moises ken dagiti papadi a Levitas sinaoda iti dagup ti Israel, a #Deut. 26:18.kinunada, Agulimeccayo, ket imdenganyo, O Israel: Itoy nga aldaw nagbalincan nga ili ni Jehova a Diosmo.
10Iti casta agtulnogcanto iti timec ni Jehova a Diosmo, ken tungpalenyonto dagiti bilbilinna ken linlintegna nga ibilinco kenca iti daytoy nga aldaw.
11Ket ni Moises imbagana iti umili iti dayta met la nga aldaw, a kinunana,
12Dagitoy ti agyanto iti #Deut. 11:29. Jos. 8:33. Oc. 9:7.rabaw ti bantay Gerizim, tapno bendicionanda ti umili, apaman a macalasatcayo iti Jordan: da Simeon ken Levi, Juda, Isacar, Jose, ken Benjamin.
13Ket dagitoy ti agyanto iti rabaw ti bantay Ebal tapno mangilunod; da Ruben, Gad, ken Aser, Zabulon, Dan, ken Neftali.
14Ket dagiti #Deut. 33:10. Dan. 9:11.Levitas sumungbatdanto, ket cunadanto cadagiti amin a tattao ti Israel iti natbag a timec,
15 #
Ex. 20:4; 34:17. Isa. 44:9. Os. 13:2. Mailunod ti tao nga agaramid ti ladawan a kinitikitan wenno sinocog, a maysa a macarimon ken Jehova, a gapuanan dagiti ima ti agar-aramid, ket pagtacderenna iti nalmeng. #Num. 5:22. Jer. 11:5. 1 Cor. 14:16.Ket amin a tattao sumungbatdanto ket cunadanto, Sapay coma.
16 #
Ex. 20:12; 21:17. Lev. 19:3. Deut. 21:18, 21. Mailunod ti di-mangipateg iti amana ken inana. Ket amin a tattao cunadanto, Sapay coma.
17 #
Deut. 19:14. Mailunod ti mangyalis iti dulon ti daga ti padana a tao. Ket amin a tattao cunadanto, Sapay coma.
18 #
Lev. 19:14. Mailunod ti mangyaw-awan iti bulsec iti dalan. Ket amin a tattao cunadanto, Sapay coma.
19 #
Deut. 24:17. Mailunod ti mangipakillo iti calintegan ti gangannaet, ti ulila, ken ti balo a babai. Ket amin a tattao cunadanto, Sapay coma.
20 #
Lev. 18:8. Mailunod ti makicaidda iti asawa ni amana, gapu ta linucaisanna ti cawes ni amana. Ket amin a tattao cunadanto, Sapay coma.
21 #
Lev. 18:23. Mailunod ti makicaidda iti uray ania a kita ti animal. Ket amin a tattao cunadanto, Sapay coma.
22 #
Lev. 18:9; 20:17. Mailunod ti makicaidda iti cabsatna a babai, nga anac ni amana, wenno anac ni inana. Ket amin a tattao cunadanto, Sapay coma.
23 #
Lev. 18:17; 20:14. Mailunod ti makicaidda iti catuganganna a babai. Ket ti amin a tattao cunadanto, Sapay coma.
24 #
Ex. 21:12, 14. Deut. 19:11. Mailunod ti manglipot iti padana a tao. Ket amin a tattao cunadanto, Sapay coma.
25 #
Ex. 23:8. Eze. 22:12. Mailunod ti umawat iti tangdan ti pammapatay iti maysa a tao nga awan basolna. Ket amin a tattao cunadanto, Sapay coma.
26 #
Jer. 11:3. Gal. 3:10. Mailunod ti di umannugut cadagiti sasao daytoy a linteg tapno sungpoten ida. Ket amin a tattao cunadanto, Sapay coma.
Currently Selected:
DEUTERONOMIO 27: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
