DEUTERONOMIO 22
22
Nadumaduma a linlinteg. Linlinteg maipapan iti di tumutop a pannakiabig.
1 #
Ex. 24:4. No makitam a maitawataw ti vaca wenno carnero ni cabsatmo, dicanto aglemmeng cadacuada; di-agcurang nga ipulangmonto ida ken cabsatmo.
2Ket no ni cabsatmo saan nga asideg kenca, wenno dica am-ammo, yaponmonto ngarud iti balaymo, ket agyanto kenca inggana ti di-sapulen ni cabsatmo, ket isublimto kencuana.
3Ket casta ti aramidemto iti asnona; ken casta ti aramidento iti cawesna; ken kasta ti aramidem iti amin a cucua a napucaw ni cabsatmo, isu a napucawna, ket sica ti nacasarac: di-maipalubos nga aglemmengca.
4 #
Ex. 23:5. No makitam ti asno wenno vaca ti cabsatmo a naitublac iti dalan, dicanto aglemmeng cadacuada; dinto agcurang a tulongam a mangbangon cadacuada.
5Ti maysa a babai dinanto mabalin nga aruaten ti maipaay iti lalaki, wenno ti maysa a lalaki icapetna ti pagan-anay ti maysa a babai; ta ti siasinoman a mangaramid cadagitoy isu ti maysa a kinarimon ken Jehova a Diosmo.
6No maaramid nga addanto iti sangom iti dalan ti maysa nga umoc ti tumatayab, iti cayo wenno iti daga, agraman ur-urbon wenno it-itlog, ken ti #Lev. 22:28.ina a mangsalsalucob cadagiti ur-urbon wenno it-itlog, dicanto al-alaen ti ina a mairaman ti urbon:
7Palubusamto a di-agcurang ti ina, ngem it urbon mabalinmonto nga alaen, #Deut. 4:40.tapno naimbagca, ken tapno manayon dagiti al-aldawmo.
8No mamangoncanto iti baro a balay, mangaramidcanto ngarud iti maysa a barandillas iti pagatepan tapno dica yeg ti dara iti balaymo, no matnag idiay ti uray ania a tao.
9 #
Lev. 19:19. Dicanto mulaan ti cauvasan iti dua a cakita a bin-i, di la ket ta ti dagup ti bunga mapucaw, uray ti bukel nga immulam ken ti apit ti cauvasan.
10Dicanto pagarado ti vaca ken asno nga aggiddan.
11 #
Lev. 19:19. Dicanto aruaten ti maysa a lupot a nagtipon ti #Lev. 13:47-48.de lana ken lienzo nga aggiddan.
12Mangaramidcanto iti #Num. 15:3.parparaypay cadagiti uppat nga igid ti cawcawesmo a pangarpawmo ita bagim.
13No maysa a lalaki mangasawa, ket dumenna kencuana, sana guraen,
14Ket ipabasolna kencuana ti nacababain ket ipagaladna kencuana ti maysa a dakes a nagan, ket cunana, Inasawac daytoy a babai, ket idi a dimmennaac kencuana, diac natumpungan kencuana ti pacailasinan ti kinavirgen;
15Ti ama ngarud ti balasang ken ti inana alaendanto ket idatagda dagiti pacailasinan ti kinavirgen ti balasang cadagiti lallacay ti ili iti ruangan;
16Ket ti ama ti balasang cunananto cadagiti lallacay, Intedco ti anacco a babai itoy a lalaki nga asawaenna, sa ket gimmura kencuana;
17Ket adtoy, isu impabasolna ti nacababain kencuana, a cunana, Diac natumpungan iti anacmo dagiti tanda ti kinavirgen; ket nupay casta dagitoy dagiti tanda ti kinavirgen ti anacco. Ket isuda yaplagdanto ti pagan-anay iti sango dagiti lallacay ti ili.
18Ket dagiti lallacay ti ili alaendanto ti lalaki, ket dusaendanto;
19Ket pagbayadendanto a dusana iti sangagasut a siclo ti pirac, ket iteddanto dagita iti ama ti balasang, gapu ta inwarana ti dakes a nagan a maicaniwas iti maysa a virgen ti Israel: ket ti babai isunto ti asawana; isu dina mabalin a papanawen iti isu-amin nga al-aldawna.
20Ngem no daytoy pudnonto a dagiti pagilasinan ti kinavirgen saan a natumpungan iti balasang:
21Isuda, ngarud iruardanto ti balasang a mapan iti ruangan ti balay ni amana, ket uburendanto tapno matay cadagiti batbato, #Gen. 34:7.gapu ta nagaramid iti naalas iti Israel ta nagbalangcantis iti balay ni amana: #Deut. 13:5.casta ti panangiccatmonto ti dakes iti tengngam.
22 #
Lev. 20:10. Juan 8:5. No ti maysa a lalaki matumpungan a makicaidda iti maysa a babai nga addaan iti asawa iti casta isuda a dua mataydanto nga agpadpada, ti lalaki a nakicaidda iti babai, ken ti babai: casta ti panangiccatmonto ti dakes iti Israel.
23No adda maysa a balasang a virgen a #Mat. 1:18-19.nakitulag nga asawaen ti maysa a lalaki, ket ti maysa a lalaki masaracanna iti ili ket caiddana;
24Iruaryonto ngarud ida a dua iti ruangan daydiay nga ili, ket dacayo uburenyonto ida, tapno matayda cadagiti batbato: ti balasang gapu ta di nagpuccaw, idinto nga adda iti uneg ti ili; ket ti lalaki gapu ta #Lev. 21:14.dinadaelna ti dayaw ti asawa ti padana a tao; casta ti panangiccatmonto ti dakes iti tengngam.
25Ngem no ti lalaki masaracanna iti away iti balasang a nakitulag a makiasawa, ket ti lalaki #2 Sam. 13:14.pilitenna ket caiddaenna; no casta ti lalaki laeng a nakicaidda kencuana ti matayto.
26Ngem iti babai awanto ti aramidem; awan iti babai ti basol a maicari iti natay: ta cas la no ti lalaki tumacder a bumusor iti padana a tao, ket patayenna daytoy, casta a panggep dayta;
27Ta isu ti nacasarac kencuana iti away; ti nakitulag a balasang a makiasawa nagpuccaw, ket awan la ti nangispal kencuana.
28 #
Ex. 22:16-17. No ti maysa a lalaki masaracanna ti maysa a balasang a virgen, a saan nakitulag a makiasawa, ket tengngelenna ket caiddana, sa ket masucalan ida;
29No casta ti lalaki a nakicaidda kencuana mangtedto ken ama ni balasang iti limapulo a siclo ti pirac, ket isunto ti asawana, gapu ta tinulawanna; dinanto mabalin nga isina iti isu-amin nga al-aldawna.
30 #
Lev. 18:8; 20:11. Ti maysa a lalaki dinanto alaen ti asawa ni amana, ket dinanto #Rut. 3:9. Eze. 16:8.lucaisan ti cawes ni amana.
Currently Selected:
DEUTERONOMIO 22: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
