DANIEL 6

Ni Daniel iti rukib dagiti leon.

1Nacaay-ayo ken ni Dario a mangisaad cadagiti sangagasut ket duapulo a panguloen ti #Est. 1:1.pagarian, isuda a maiwaras coma iti amin a pagarian;

2Ket iti ngatoenda #Dan. 5:7.tallo a presidente, a maysa cadacuada ni Daniel; tapno dagidiay a panguloen mabalinda ti agipadamag cadagitoy, ket iti casta ti ari awan coma ti madadael kencuana.

3Idin daytoy a Daniel naisangayan iti ngatoen dagiti presidente ken pangpanguloen, #Dan. 5:12.agsipud ta adda kencuana ti mangnibinibi nga espiritu; ket ti ari pinanunotna #Est. 10:3.nga isaad iti ngatoen iti amin iti pagarian.

4Iti casta dagiti presidentes ken pangpanguloen nagbirbirucda iti puon ti darum a maibusor ken Daniel a ti maipapan iti pagarian; ngem dida nacasarac iti puon ti darum wenno pamabasolan, agsipud ta isu matalec idi, awan met ti aniaman a biddut wenno pagcurangan a nasarac kencuana.

5Iti casta kinuna dagitoy a tattao, Ditayto macasarac iti aniaman a puon ti darum a maibusor itoy a Daniel, malacsid no birukentayo ti maisalungasing kencuana a maipapan iti linteg ti Diosna.

6Idin dagitoy a presidente ken pangpanguloen, naguurnongda iti saclang ti ari, ket castoy ti sinaoda kencuana, #bil. 21. Dan. 2:4.Ari Dario, agbiagca coma iti agnanayon.

7Amin dagiti presidente iti pagarian, diputados, ken pangpanguloen, dagiti consejeros ken #Esd. 5:14.gobernadores nagbibinnalacadanda ti mamangon iti maysa a naarian a linteg, ken mangaramid ti maysa a napigsa a bilin, a siasinoman nga agdawat iti uray siasino a dios wenno tao iti bayat ti tallopulo nga aldaw, no di laeng kenca, O ari, isu maibellengto iti rukib dagiti leon,

8Ita, O ari, buangayem ti bilin ket firmaam ti surat, tapno saan a mabalin a balbaliwan, a cas mayannugot iti #Est. 1:19; 8:8.linteg dagiti Medos ken Persas, isu a saan a mabalbaliwan.

9Finirmaan ngarud ni ari Dario ti surat ken ti bilin.

10Idi naammoan ni Daniel a ti surat nafirmaanen, simrec iti balayna (ket dagiti tawa ti siledna silulucatda a #1 Ar. 8:44, 48. Sal. 5:7; 28:2; 138:2.maiturong iti Jerusalem); ket #Sal. 95:6.isu nagparintumeng iti namitlo iti tunggal aldaw, ket nagcararag, ket nagyaman iti sangoanan ti Diosna a cas ar-aramidenna idi.

11Iti casta dagitoy a tattao nagtitiponda, ket nasaracanda ni Daniel nga agdawdawat ken agpacpacaasi iti sangoanan ti Diosna.

12Idin napanda nga immasideg ket imbagada iti sango ti ari, iti maipapan iti naarian a bilin: Saanmo aya a finirmaan ti maysa a bilin, nga tunggal tao nga agdawatto iti uray siasino a dios wenno tao ti bayat ti tallopulo nga aldaw, no di laeng kenca O ari, maibellengto iti rukib dagiti leon? Ti ari simmungbat ket kinunana, Dayta isu ti pudno a #bil. 8.maiyalubog iti linteg dagiti Medos ken Persias, isu nga saan a mabalbaliwan.

13Iti casta simmungbatda ket kinunada iti saclang ti ari, Dayta a Daniel a #Dan. 1:6.nagtaud cadagiti annac ti pannacacayaw ti Juda, dinaca icancano, O ari, uray iti bilin a finirmaam, no di ket aramidenna ti panagdawatna iti mamitlo iti tunggal aldaw.

14Ti ari ngarud idi a nangngegna dagitoy a sasao, napalucsaw unay, ket impamaysana ti pusona ken Daniel tapno isu ispalennanto; ket nagtrabajo agingga iti ilelennec ti init iti panangispalna kencuana.

15Idin dagitoy a tattao naguurnongda a napan iti ari, ket kinunada iti ari, Ammoem, O ari, nga isu ti linteg dagiti Medos ken Persas nga awan ti bilin ken linteg a buangayen ti ari a mabalin a mabalbaliwan.

16Iti casta ti ari imbilinna, ket insangpetda ni Daniel, ket intappuacda iti rukib dagiti leon. Ti ari nagsao ket kinunana ken Daniel, Ti Diosmo a pagserservia a cancanayon, ispalennacanto.

17Ket maysa a bato nayeg #D. Un. 3:53.ket naicabil iti ngiwat ti rukib; ket ti ari #Mat. 27:66.sinelloanna iti bucodna a sello, ken iti sello dagiti panguloenna; tapno awan coma ti aniaman a mabaliwan a maipapan ken Daniel.

18Idin ti ari napan iti palaciona, ket pinalabasna daydi a rabii a nagayunar; di met naipan dagiti gamigam ti musica iti saclangna: ket awan ti turog kencuana.

19Idin ti ari bimmangon a nasapa unay iti bigat, ket napan a nagdardaras iti rukib dagiti leon.

20Ket idi nacagteng iti asideg ti rukib ken Daniel, isu nagpuccaw iti nacaladladingit a timec; ti ari nagsao ket kinunana ken Daniel, O Daniel, adipen ti sibibiag a #bil. 26.Dios, #Dan. 3:15.ti Dios a nagserserviam a cancanayon, mabalinnaca nga ispalen cadagiti leon?

21Iti casta kinuna ni Daniel iti ari, #bil. 6.O ari, agbiagca coma iti agnanayon.

22Ti Diosco imbaonna ti angelna, #Dan. 3:28.ket #Heb. 11:33.rinipcanna dagiti ngiwat dagiti leon, ket saandac a dinunor; agsipud ta iti saclangna ti kinaawan basol ti nasarac caniac; ken casta met iti sangoanam, O ari, awan ti ranggas nga inaramidco.

23Idin nagragsac iti napalalo ti ari, ket imbilinna nga iruarda coma ni Daniel iti rukib, iti casta ni Daniel naaon iti rukib, ket awan ti aniaman a kita ti dunor a nasarac kencuana, gapu ta nagcammatalec iti Diosna.

24Ket ti ari nagbilin, ket insangpetda dagiti tattao a nangidarum ken Daniel, ket impurruacda ida iti rukib dagiti leon, #Est. 9:10.isuda, dagiti annacda, ken dagiti assawada; ket dagiti leon pinarucmada ida, ket binungtolda amin dagiti tultulangda, idi saandapay a nagdisso iti lansad ti rukib.

25Iti casta ni ari Dario nagsurat #Dan. 4:1.iti amin nga il-ili, nasnacion, ken pagsasao, nga agnaed iti amin a daga: Ti talna umad-adda la coma cadacayo.

26Mangaramidac iti bilin nga iti amin a pagturayan toy pagariac, a dagiti tattao agpigerger ken agbutengda coma iti sango ti Dios ni Daniel; ta #Rut. 1:16. Esd. 1:3. Dan. 4:34.isu ti Dios a #bil. 20. Sal. 42:2.sibibiag, ken saan a magaraw iti agnanayon, ken ti pagarianna isu a saanto a maduprac, ket iti panagturayna inggana iti panungpalan.

27Isu mangispal ken mangalaw, ket agaramid cadagiti pagilasinan ken pagsidsiddaawan sadi langit ken ditoy daga, isu a nangispal ken Daniel iti pannacabalin dagiti leon.

28Gapuna a daytoy Daniel rimmang-ay iti panagari ni Dario, ken iti panagari ni #Esd. 1:1, 2; 4:5; 6:14. Dan. 10:1.Ciro a Persa.

Currently Selected:

DANIEL 6: TB1973

Highlight

Copy