AMOS 7
7
Sirsirmata cadagiti dudon, ti apuy ken ti tinnag.
1 # bil. 4, 7. Iti casta ni Apo Jehova impakitana caniac: Ket adtoy, isu pinataudna dagiti dudon idi panangrugi ti itutubo ti sagibu; ket adtoy, isu ti panagsagibu a maud-udi calpasan ti panagapit ti ari.
2Ket naaramid nga idi inibusda a kinnan ti root ti daga, idin nagsaoac, O Apo Jehova, dawatec kenca pacawanennac: Casano ti panagtacderto ni Jacob? ta isu bassit.
3Imbabawi ni Jehova daytoy: #bil. 6. Deut. 32:36.Saanto a mapatuloy, cuna ni Jehova.
4Casta ti impakitana ni Apo Jehova caniac: ket adtoy, ni Apo Jehova immayab a mangdusa babaen ti apuy a manusa; ket inibusna ti dackel a yuyeng, ket pinanggepna a keskesan ti daga.
5Idin kinunac, O Apo Jehova, dawatec kenca nga agsardengca: casano ti panagtacderto ni Jacob? ta isu bassit.
6Imbabawi ni Jehova daytoy: Uray daytoy saanto a casta, cuna ni Apo Jehova.
7 # bil. 1. Casta ti impakitana caniac; ket adtoy, ti Apo nagtacder iti denna ti maysa a bacud a naaramid babaen ti tinnag, ket siiigem iti tinnag.
8Ket ni Jehova kinunana caniac, Ania ti makitam, Amos? Ket kinunac, Maysa a tinnag. Idin kinuna ti Apo, Adtoy, #2 Ar. 21:13.mangicabilacto iti maysa a tinnag iti tengnga ti ilic nga Israel; diacto labasanen ida;
9Ket dagiti nangato a disso ni Isaac maracracdanto, ket dagiti santuario ni Israel marbadanto, ket tumacderacto a sicacampilan iti maibusor ti #bil. 11.balay ni Jeroboam.
10Idin ni #1 Ar. 12:32.Amasias a padi idiay #bil. 13. Amos 3:14.Bet-el, pinayammona ken ni #Amos 1:1.Jeroboam nga ari ti Israel, a kinunana, Ni Amos immalsa iti maibusor kenca iti tengnga ti balay ni Israel, ti daga saanna a maibturanen amin dagiti sasaona.
11Ta castoy ti saoen ni Amos, Ni Jeroboam matayto iti campilan, ket ti Israel di bumurong a macayawan a maparuarto iti ilina.
12Ni Amasias kinunana met ken ni Amos, O sica #2 Sam. 24:11.mannacakita, agtalawca a mapan idiay daga ti Juda, ket #Mik. 3:5, 11.canem idiay ti tinapay, ken agipadtoca idiay:
13Ngem saanca nga agipadto manen idiay Bet-el; #1 Ar. 12:29–13:1.ta isu ti yan ti santuario ti ari, ken isu ti balay a naarian.
14Idin simmungbat ni Amos, ket kinunana ken ni Amasias, Siac saanac idi a mammadto, ket saanac met nga #2 Ar. 2:3.anac ti mammadto, #Amos 1:1. Zac. 13:5.no di ket siac maysaac nga agpaspastor, ken agtartaraken cadagiti caycayo a sicomoro.
15Ket ni Jehova insinanac iti panangsurot iti pangen, ket ni Jehova kinunana caniac, Inca, agipadto iti ilic nga Israel.
16Ala ngarud, denggem ti sao ni Jehova; Cunaem, Dica agipadto iti maicaniwas iti Israel, ken dica met agsao iti maibusor iti balay ni Isaac;
17Iti casta castoy ti saoen ni Jehova: #Os. 4:13.Ti asawam isunto ti maysa a balangcantis iti ili, ket dagiti annacmo a lallaki ken annacmo a babbai, mapasagdanto iti campilan, ket #2 Sam. 8:2. Sal. 60:6.iti dagam pagbibingayandanto a babaen ti tali, ket sica met laeng mataycanto iti daga a di-nadalus, ket ti Israel di-bumurong a mapagtalawto a nacayawan idiay ilina.
Currently Selected:
AMOS 7: TB1973
Highlight
Share
Copy

Want to have your highlights saved across all your devices? Sign up or sign in
Ti Biblia © 1973 Philippine Bible Society