AMOS 2
2
Iti panangocom ti Dios a maicaniwas iti Juda ken Israel.
1Castoy ti saoen ni Jehova: #Amos 1:3.Maipuon iti tallo a salungasing ti Moab; wen, maipuon iti uppat, diacto ibawing ti dusana; ta #2 Ar. 3:27.pinuuranna a pinaapug dagiti tultulang ti ari ti Idumea.
2Ket ipawitconto ti apuy iti Moab, ket ikisapnanto dagiti palacio ti Kerioth; ket matayto ti Moab, iti pannacagulogulo, iti panagriaw, ken iti aweng ti tangguyob.
3Ket iccatecto ti ocom iti nagtengngaanda, ket patayecto amin dagiti piprincipena, a maicanunogda kencuana, cuna ni Jehova.
4Castoy ti saoen ni Jehova: Maipuon iti tallo a salungasing ti Juda, wen, maipuon iti uppat, diacto ibawing ti dusana; #Lev. 26:14, 15.agsipud ta tinallicudanda ti linteg ni Jehova, ken dida immannurot cadagiti bilinna, ket dagiti ulbodda pinagbasolda ida, a #Eze. 20:18, 30.cas iti pannagna dagiti ammada.
5Ngem ipawitconto ti apuy iti Juda, ket ikisapnanto dagiti palacio ti Jerusalem.
6Castoy ti saoen ni Jehova: Maipuon iti tallo a salungasing ti Israel, wen, maipuon iti uppat, diacto ibawing ti dusana, agsipud ta #Lev. 25:39.inlacoda iti pirac ti tao a nalinteg, ket #Amos 8:6.ti napanglaw iti maysa a paris a zapatos.
7Isuda agal-alda a siagum gapu iti #D. Un. 2:10.tapoc ti daga iti rabaw ti olo ti napanglaw, ket killoenda ti dalan dagiti napacumbaba; ket maysa a lalaki ken ti amana agpadpadada a simrec iti isu met laeng a balasang, tapno tulawanda ti nasantoan a naganco:
8Ket agiddada iti arpad ti tunggal altar iti rabaw dagiti #Ex. 22:26.pagan-anay a naisalda: ket iti balay ti Diosda inumenda ti arac dagiti namulta.
9Ngem rinacracco iti sangoananda #Num. 21:21-25. Jos. 24:8.ti Ammorreo, a iti catayagna cas la ti cangato dagiti cantingen, ket nalagda a cas cadagiti roble; nupay casta dinupracco ti bungana iti ngato, ken dagiti ramutna iti baba.
10Ket castamet #Ex. 12:51. Amos 3:1.siac inaoncayo iti daga ti Egipto, ket indalancayo bayat iti uppat a pulo a tawen iti let-ang, tapno tagicuaenyo ti daga ti Amorreo.
11Ket cadagiti annacyo a lallaki pinatacderco dagiti mammadto, ken dagiti agtutuboyo a lallaki tapno agbalinda a #Num. 6:2. D. Un. 4:8.Nazareo. Saan aya a casta met laeng, dacayo annac ti Israel? cuna ni Jehova.
12 #
Num. 6:3. Ngem impainumyo ti arac cadagiti Nazareo, ket imbilinyo cadagiti mammadto, a cunayo, Dicayo agipadto.
13Adtoy, siac padagsenancayto iti dissoyo cas iti pannacapadagsen ti lugan a napno cadagiti pinongo.
14Ket ti #Amos 9:1.pannacatalaw maawanto iti #Ecle. 9:11.nasiglat; ket ti napigsa dinto macapigsan, ket uray pay ti maingel dinanto maispal ti biagna;
15Ket iti umiggem iti ba-i saanto a macagaway, ket dimet macalapsut ti napartac nga agtaray; #Sal. 33:17.uray ti agsacay iti cabayo dinanto maisalacan ti biagna.
16Ti maingel cadagiti camamainglan agtalawto a silalamolamo iti dayta nga aldaw, cuna ni Jehova.
Currently Selected:
AMOS 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
