DAGITI ARAMID 24

Ni Pablo iti sangoanan ti pangocoman ni Felix a Gobernador.

1Ket idi napalabas ti lima nga aldaw, simmalog ni #D. Ara. 23:2.Ananias, cangatoan a padi agraman cadagiti dadduma a panglacayen, ken maysa nga agnagan ti Tertulo, naimbag nga abogado; ket simmaclangda a nangidarum ken Pablo iti sangoanan di gobernador.

2Ket idi nga inayabanda ni Tertulo rinugianna nga impulong a cuncunana: Yantangay gapu kenca naragpatmi ti adu a talna, ken gapu iti ganetgetmo adu a banag ti naurnos ditoy a nacion,

3Agnanayon ken iti isu-amin a disso, nga inawatmi daytoy iti dackel a panagyaman, natan-oc unay a Felix.

4Ket tapno diac macaalimuteng kenca iti mabayag, dawatec kenca a denggennacam iti apagbiit cas iti kinalaingmo.

5Ta nasaracanmi #D. Ara. 17:6.daytoy a tao a cas la bayangobong ket agbangon cadagiti iyaalza cadagiti amin a Judio ti lubong, ket isu panguloen ti secta dagiti taga Nazaret:

6Isu #D. Ara. 21:28.met a nanggayagay a mangtulaw iti templo; ket tiniliwmi; (ket kinayatmi nga #Juan 18:31.ocomen coma cas iti lintegmi:

7Ngem idi a bimmiang #D. Ara. 21:32, 33; 23:27.ni coronel Lisias, isu iniccatna cadagiti imimami iti dackel a panangrabsut,

8Imbaonna dagiti mangidarum kencuana nga umayda kenca:) isu a mabalinmonto a pangammoan, inton sica met laeng mapalutpotmo, cadagitoy amin a banag a pangipulonganmi kencuana.

9Ket dagidi Judio nakitimpuyogda a nangipanecnec a dagitoy a banag, pudnoda.

10Ket ni Pablo, idi nga sininasan daydi gobernador tapno agsao, simmungbat; Agsipud ta ammoc a nanipud iti adu a tawenen sica ti ocom daytoy a nacion, ipalawagco a sitatalec ti calintegac:

11Idinto a mabalinmo nga ammoen a #bil. 1. D. Ara. 21:18, 27.saan a naglabas iti sangapulo ket dua nga aldaw a simmangatac idiay Jerusalem, tapno agdaydayawac.

12Ket didac nasaracan a makisuppiat iti uray siasino, wenno mangpaalza cadagiti tao uray idiay #D. Ara. 25:8.templo, uray cadagiti sinagoga wenno idiay ciudad.

13Ket dida met mabalin a panecnecan kenca, dagiti banag a pangidarumanda caniac ita.

14Ngem daytoy ipudnoc kenca, a mayalubog iti Dalan a naganenda ti pangilkil-lo ti pammati, casta ti panagservic iti Dios dagidi ammami, a patiec amin dagiti banag nga adda a naisurat iti linteg ken cadagiti mammadto;

15Nga adda inanamac iti Dios, a cas ti pananginanama met laeng dagitoy, nga addanto #bil. 21. D. Ara. 23:6.panagungar dagiti nalinteg ken dagiti nakil-lo.

16Ket gapu itoy #D. Ara. 23:1.siac agnanayon met nga agawaac ti maysa a conciencia nga awan coma ti pagbabawyanna iti maipapan iti Dios ken cadagiti tao.

17Ngem idi calpasan #D. Ara. 18:22, 23; 19:8, 10; 20:31.ti adu a tawen, #Rom. 15:25-28. 1 Cor. 16:1-3. 2 Cor. 8:4; 9:1, 12.immayac a nangyeg cadagiti limlimos iti ilic ken agidaton.

18Idi madama nga araramidec dagitoy, nasaracandac a #D. Ara. 21:26, 27; 26:21.naguguran idiay templo, nga awan ti adu a tao wenno ariwawa; ngem adda idi dagiti dadduma a Judio a naggapu idiay Asia;

19Isuda a rebbengda coma ti nagparang iti saclangmo ken mangipulong, no adda cadacuada ti aniaman a macadadael caniac.

20Wenno ibagada coma dagitoy met laeng a tattao no ania ti dakes nga aramid a nasaracanda caniac, #D. Ara. 22:30.idi addaac iti sangoanan ti consejo.

21No di ket gapu iti daytoy maysa a sao nga #D. Ara. 23:6.inyickisco a sitatacder iti nagtetengngaanda; Gapu iti panagungar dagiti natay ti pangocomanyo caniac ita nga aldaw.

22Ngem ni Felix, agsipud ta ammona unay dagiti banag a maipapan #D. Ara. 9:2.iti Dalan, tinactacna ida, a cuncunana: Inton sumalog ni coronel #bil. 7.Lisias, palutputecto ti panggepyo.

23Ket imbilinna idi capitan nga isu aywananda ken palag-ananna iti pannacabalud, ket #D. Ara. 28:16.dina paritan iti uray siasino cadagiti gagayyemna nga agservida kencuana.

24Ket idi nalabes dagiti sumagmamano nga aldaw, immay ni Felix agraman ken Drusila, nga asawana, a Judia, ket pinaayabanna ni Pablo ket dinengngegna kencuana ti maipapan iti pammati ken Cristo Jesus.

25Ket idi nga isu nagpalpalawag iti maipapan iti kinalinteg ken ti panagtiped ken ti pannacaocom nga umayto, nagkigtot ni Felix ket simmungbat: Ita incan; ket inton #D. Ara. 17:32.adda pannacaipaayna, paayabancanto.

26Ket namnamaenna idi nga iti biang ni Pablo isu magun-odannanto ti #bil. 17.pirac; gapuna masansan met nga isu pinaay-ayabanna ket nakisasao kencuana.

27Ngem idi nalabesen ti dua a tawen, inawat ni Felix a casucatna ni Porcio Festo: ket agsipud ta ni Felix kinayatna #D. Ara. 25:9.a magamgaman ti parabur dagiti Judio, pinanawanna a balud ni Pablo.

Currently Selected:

DAGITI ARAMID 24: TB1973

Highlight

Copy