DAGITI ARAMID 21

Idi nagsubli ni Pablo idiay Jerusalem, tiniliuda iti templo.

1Ket idi naaramid a naglayagcami, ken simminacami cadacuada, napancami a nagtartarus idiay Coos, ket iti sumaganad nga aldaw idiay Rodas, ket nanipud sadiay napancam idiay Patara.

2Ket idi a nacasaraccam ti maysa a barangay a lumabas a mapan idiay Fenicia, limmugan ken naglayagcami.

3Ket idi makitami ti Chipre, pinanawanmi iti macatigid ket naglayagcami a nagturong idiay #D. Ara. 18:18.Siria ket dimsaagcam idiay Tiro: ta daydi barangay idissaagna sadiay ti kinargana.

4Ket naggiancam idiay iti pito nga aldaw, idi nasaracanmi dagiti adalam isuda a nagcuna #bil. 11. D. Ara. 20:23.babaen ti Espiritu, ken Pablo a di sumang-at idiay Jerusalem.

5Ket idi napalabasmin dagidi nga aldaw, rimmuarcami ket nagnacami ket isuda amin #D. Ara. 15:3.kinuyogdacami agraman babbai ken annac agingga iti ruar ti Ili; ket idi a nagparintumengcami iti gid ti baybay, nagcararagcami;

6(Ket nagpipinnacadacami); ket limmugancami idi barangay, ket nagawidda cadagiti balbalayda.

7Ket dacami, idi nanungpal ti panaglayagmi nanipud Tiro, dimtengcam idiay Tolemaida: ket idi nacablaawanmi dagiti cacabsat, nagbaticami cadacuada iti maysa nga aldaw.

8Ket iti cabigatan, pimmanawcami ket dimtengcam idiay #D. Ara. 6:5; 8:40.Cesarea: ket idi a simreccam idiay balay ni #Efe. 4:11. 1 Tim. 4:5.Felipe nga evangelista, isu a maysa cadagidi pito, nagdaguscami kencuana.

9Ket daytoy adda uppat nga annac na a babbalasang, #D. Ara. 19:6.a nagpadpadto.

10Ket idi a nagsardengcami sadiay iti adu nga aldaw, simmalog nanipud Judea ti maysa a mammadto a managan #D. Ara. 11:28.Agabo.

11Ket idi nga immay cadacami, innalana ti #Jer. 13:1-9.barikes ni Pablo ket idi a pinarautanna dagidi sacsaca ken imimana met laeng, kinunana: Ti Espiritu Santo cunana daytoy: #bil. 33.Castoyto ti panangparaut dagiti Judio idiay Jerusalem iti lalaki a makinbarikes itoy ket isunto ti iyawatda cadagiti imima dagiti Gentil.

12Ket idi nangngegmi daytoy, dacami ken dagidi met taga idiay a disso, nagdawatcami a saan coma a sumang-at idiay Jerusalem.

13Idin ni Pablo simmungbat: #D. Ara. 20:24.Ania ti aramidenyo nga agsangsangit ket pagpulcokenyo daytoy pusoc? ta siac saan laeng nga addaac a sisasagana a maparautan, no di ket matay pay idiay Jerusalem a maipoon iti nagan ni Apo Jesus.

14Ket agsipud ta isu dina cayat ti mauyutan, nagsardengcami a cuncunami: Maaramid ngarud ti nakem ti Apo.

15Ket iti calpasan dagitoy nga aldaw, idi nacasaganacamin, simmang-atcam idiay Jerusalem.

16Ket immayda met a nakicuyog cadacami nanipud Cesarea dagiti dadduma nga adalan, nga incuyogda ti maysa nga agnagan Mnason, a taga Chipre, adalan a nabayagen, isu a pagdagusanminto.

17Ket idi dimtengcam idiay Jerusalem, dagidi cacabsat inawatdacami a siraragsac unay.

18Ket iti sumuno nga aldaw, simrec ni Pablo agraman cadacami a cumita ken #D. Ara. 12:17.Santiago, ket #D. Ara. 11:30.dagidi lallacay addada a sisasango.

19Ket iti calpasan ti panangablaawna cadacuada, sinarsaritana a #D. Ara. 15:12.sinaggaysa isu-amin dagiti banag nga inaramid ti Dios cadagiti Gentil babaen ti panagservina.

20Ket isuda, idi nangngegda daytoy, #D. Ara. 4:21; 11:18.dinaydayawda ti Dios, ket kinunada kencuana: Makitamon, cabsat no mano a ribo dagiti adda a namati cadagiti Judio; ket isuda amin napingetda a #D. Ara. 1:14.mangsalimetmet ti linteg:

21Ket nangngegda a sasaw-enda ti maipapan kenca nga isurom dagiti amin a Judio nga adda cadagiti Gentil, a pagtal-licudanda ni Moises a cunam cadacuada a dida cugiten dagiti annacda ket dida suruten dagiti #D. Ara. 6:14.ug-ugali.

22Ania ngarud ti maaramid? Nalabit mangngegdanto a dimtengca.

23Aramidem ngarud datoy nga ibagami kenca: Adda cadacami ti uppat a tao nga adda carida;

24Alaem ngarud dagitoy ket #bil. 26. D. Ara. 24:18.aggugorca agraman cadacuada ket ibayadam ida cadagiti gastoda, tapno #Num. 6:2, 18. D. Ara. 18:18.makiskisan dagiti ul-uloda, ket maawatanda amin nga awan ti pudno cadagiti nangngegda a maipapan kenca: no di ket sica sumursurotca met iti linteg:

25Ngem ti maipapan cadagiti Gentil a namati, insuratmi nga impato #D. Ara. 15:20, 29.nga adaywanda coma dagiti naidaton cadagiti didiosen, ken ti dara ken ti nalmes, ken ti pannakiabig.

26Idin ni Pablo innalana dagidi a tao, ket iti sumuno nga aldaw, iti calpasan ti panaggugorna agraman cadacuada, #Num. 6:13.simrec idi templo nga impacaammona ti pannacatungpal dagiti aldaw ti panaggugor, agingga iti pannacaidaton ti #Num. 6:10-12.sagut a maipaay iti tunggal maysa cadacuada.

27Ket idi nganngani maturpos #Num. 6:9.dagiti pito nga aldaw, #D. Ara. 24:18.dagiti Judio a taga Asia idi isu nakitada idiay templo, riniribocda ti amin a caadu ti tao ket #D. Ara. 26:21.isu tiniliwda,

28Nga ipucpuccawda: Lallaki nga Israelitas, tumulongcayo: daytoy ti tao a cadagiti isu-amin a disso manursuro cadagiti isu-amin a disso mamaisalungasing iti umili, #D. Ara. 6:13; 25:8.iti linteg, ken itoy a disso; ken nangiserrec pay cadagiti taga Grecia iti templo ket #D. Ara. 24:6.tinulawanna daytoy santo a disso.

29Ta immuna a nakitada a nakicuyog kencuana idiay ciudad, ni #D. Ara. 20:4.Trofimo a taga Efeso, isu a pagarupenda idi nga inserrec ni Pablo idiay templo.

30Ket ti amin a ciudad naririboc ket naguurnong dagiti umili ket #2 Ar. 11:15.innalada ni Pablo, ket isu ginuyodguyodda nga agingga iti ruar ti templo, ket calpasanna pinunitanda dagiti ruangan.

31Ket idinto nga agawaanda a papatayen, dimteng ti damag iti coronel dagiti soldado nga adda ririboc iti amin a Jerusalem.

32Isu a dinagusna ti #D. Ara. 23:27; 24:7.nangala cadagiti soldado ken cadagiti capitan ket timmaray a simmalog cadacuada. Ket idi nakitada daydi coronel ken dagidi soldado, insardengda ti nangabil ken Pablo.

33Idin immasideg daydi coronel, ket isu tiniliwna ket imbilinna nga #bil. 11. D. Ara. 20:23.maparautan iti #D. Ara. 12:6.dua a cawar; ket inintuudna no siasino ken no ania ti inaramidna.

34Ket dagiti dadduma cadagiti adu a tao maysa a banag ti iyic-ickisda, ket dagidi dadduma sabali met; ket idi dina maawatan ti pudno gapu iti ariwawa imbilinna nga isu ipanda iti #bil. 37. D. Ara. 22:24; 23:10, 16, 32.castillo.

35Ket idi dimteng cadagiti tucad, naaramid nga inawit dagidi soldado agsipud iti pungtot dagiti tattao.

36Ta adu dagidi umili a simmurot kencuana nga iyic-ickisda: #Luc. 23:18.Papatayenyo.

37Ket idi nganngani maiserrec ni Pablo iti uneg ti castillo, kinunana idi caronel: Maipalubos nga agsaoac bassit kenca? Ket kinunana: Ammom ti sao ti Griego?

38Saan a sica ngarud #D. Ara. 5:36, 37.daydi taga Egipto a cadagitay nalabes nga aldaw nangbangonca ti maysa nga iyaalza ket impanmo iti let-ang dagiti uppat a ribo a tattao a nacapapatay?

39Ngem kinuna ni Pablo: Siac Judioac, #D. Ara. 9:11.umiliac iddiay Tarso, ciudad a saan a nanomo idiay Cilicia ket dawatec kenca nga ipalubosmo caniac nga agsaoac cadagiti umili.

40Ket idi nga impalubosna, ni Pablo nga agtatacder cadagidi tucad, sininasanna iti imana ti umili. Ket idi a naaramid ti dackel a panagulimec nagsao #D. Ara. 22:2; 26:14.iti sao ti Hebreo, a cuncunana.

Currently Selected:

DAGITI ARAMID 21: TB1973

Highlight

Copy