II SAMUEL 23
23
Ti maudi a canta ni David. Dagiti tattao a mamaingel ken dagiti gapuananda. Ti danum a nayeg a naggapu iti bubon ti Belen.
1Dagitoy dagiti naudi a balicas ni David. Ni #Num. 24:3, 15.David nga anac ni Isai cunana, ket #2 Sam. 7:8-9.ti lalaki a nabangon iti nangato cunana, ti #1 Sam. 16:12, 13.pinulotan ti Dios ni Jacob, ken nasam-it a sumasalmo ti Israel:
2 #
2 Ped. 1:21. Ti Espiritu ni Jehova nagsao a gapu caniac, ket ti saona adda idi iti dilac.
3Ti Dios ti Israel kinunana, ti #Deut. 32:4. 2 Sam. 22:3, 32.Bato ti Israel nagsao caniac: ti maysa a #Ex. 18:21. Sal. 110:3.mangituray a sililinteg cadagiti tattao, a mangituray iti panagbuteng ti Dios,
4 Isunto ti cas la iti lawag ti bigat, no ti init lumgac, maysa a bigat nga awan dagiti ul-ulep no ti naganus a root rumusing iti daga, iti nasin-aw a lawag iti calpasan ti tudo.
5Pudno a ti balayco saan a casta iti Dios; nupay casta #2 Sam. 7:15, 16. Sal. 89:29.inaramidna caniac ti agnanayon a tulag, nangurnos cadagiti isu-amin a banag, ken natalged: gapu kencuana ti amin a pannacaispalco, ken isu amin a calicagumco, nupay isu dina padackelen.
6Ngem dagiti nadangcoc isudanto amin cas la cadagiti sisiit a maipurruac, agsipud ta saan a mabalin nga iggaman ida iti ima:
7Ngem ti tao a mangsagid cadacuada rebbengna ti maigaman iti igam a landoc, ken iti orongan ti pica: ket isuda mapuurandanto a matalipuspus iti apuy iti lugarda.
8 # Aginga bil. 39. 1 Cron. 11:10-41. Dagitoy dagiti nagnagan dagidi mamaingel a lallaki nga addada idi ken ni David: Ni Joseb-bassebet a maysa a #1 Cron. 11:11; 12:18; 27:2.Tahquemonita, a pangolo dagiti capitan; castamet idi ni Adino nga Eznita, a naibusor cadagiti walo gasut a napapatayda iti naminsan a daras.
9Ket iti sumaganad kencuana ni #1 Cron. 11:12-14.Eleazar nga anac ni Dodo nga anac ti Ahohit, a maysa cadagiti tallo a mamaingel a lallaki ken David, idi a kinaritda dagiti Filisteos, a naguornongda sadiay a makigubat, ket dagiti lallaki ti Israel nagtalawda.
10Isu timmacder, ket kinabilna dagiti Filisteos inggana a ti imana napacsuyan, ket ti imana naicapet iti campilan; iti daydi nga aldaw ni Jehova nangaramid iti dackel a panagballigi; ket dagiti tattao nagsublida iti licudanna nga agala laeng iti samsam.
11Iti sumaganad kencuana ni #1 Cron. 11:27.Samma nga anac ni Age nga Ararita. Ket dagiti Filisteos naurnongda iti maysa a cabuyotan, idiay yan ti maysa a cabenneg ti daga a napno cadagiti patani; ket dagiti tattao nagtalawda iti sango dagiti Filisteos.
12Ngem isu nagtacder iti tengnga di kinelleng ket nagicanawa, ken pinatayna dagiti Filisteos: ket ni Jehova nangaramid iti dackel a panagballigi.
13Ket dagiti #1 Cron. 11:15.tallo cadagiti tallo-pulo a pangolo simmalogda, ket inmayda idi tiempo ti ani ken David iti #1 Sam. 22:1.rukib sadi Adullam; ket ti buyot dagiti Filisteos nagpacarsoda idi iti #2 Sam. 5:18.lobong ti Rahaim.
14Ket ni David addan idi iti #1 Sam. 22:4, 5. 2 Sam. 5:7, 17.sarikedked, ket ti agbantay a #1 Sam. 13:23.buyot dagiti Filisteos addadan idi idiay Belen.
15Ket ni David nautuyan, ket kinunana, O asino ti mangted coma caniac ti inumen iti danum idiay bubon ti Belen, nga adda iti denna ti ruangan!
16Ket dagiti tallo a mamaingel a lallaki simmaracusucda iti buyot dagiti Filisteos, ket nangalada iti danum iti bubon ti Belen, nga adda idi iti denna ti ruangan, ket nangalada, ken inyegda ken ni David: ngem isu dina kinayat nga ininum, no di ket imbucbocna ken Jehova.
17Ket kinunana, Adayu coma caniac, O Jehova, nga aramidec coma daytoy: #Lev. 17:10. inumecto aya ti dara dagiti lallaki a napan iti panagpeggad ti biagda? gapuna nga isu dina kinayat nga ininum. Dagiti tallo a mamaingel a lallaki inaramidda dagitoy a banag.
18Ket ni Abisai a cabsat ni Joab, nga anac ni Sarvia, isu idi ti pangolo dagiti tallo. Ket isu intag-ayna ti picana a maibusor iti tallo gasut ket pinapatayna ida, ket nacagun-od ti nagan cadagiti tallo.
19Saan aya nga isu idi ti catan-ocan cadagiti tallo? gapuna a naaramid a pangoloda; nupay casta saan a nacagteng cadagiti immuna a tallo.
20Ket ni #2 Sam. 8:18; 20:23.Benaia nga anac a lalaki ni Joiada, nga anac ti maysa a lalaki a maingel a taga Cabseel, a nangaramid cadagiti namaingelan nga aramid, a pinatayna dagiti dua nga annac a lallaki ni Ariel a taga Moab; simmalog met ket pinatayna ti maysa a leon iti tengnga ti maysa a bito idi tiempo ti nieve.
21Ket isu pinatayna ti maysa nga Egipcio a nataer a #1 Cron. 11:23.lalaki: ket ti Egipcio addaan idi iti maysa a pica iti imana; ngem isu simmalog kencuana a sisasarucud, ket rinabsutna ti pica iti ima ti Egipcio, ket iti daydi met la picana ti pinangpapatayna kencuana.
22Dagitoy a banag inaramid idi ni Benaya nga anac ni Joiada, ket nacagun-od ti nagan cadagiti tallo a mamaingel a lallaki.
23Isu nadaydayaw idi ngem cadagiti tallopulo, ngem saan a nacagteng cadagiti immuna a tallo. #2 Sam. 8:18; 20:23.Ket ni David isu ti insaadna a pangolo ti guardiana.
24Ni #2 Sam. 2:18.Asael a cabsat ni Joab isu idi ti maysa cadagiti tallopulo; ni Elhaanan nga anac a lalaki ni Dodo a taga Bet-lehem,
25Ni Samma nga Harodi, ni Elica nga Harodi,
26Ni Heles a Falti, ni Hira nga anac a lalaki ni Jecces a taga Tecoa,
27Ni Abiezer nga Anatot, ni Mabonnai nga Husa,
28Ni Selmo nga Ahofat, ni Majarai a Netofat,
29Ni Helec nga anac a lalaki ni Baana a Netofat, ni Ittai nga anac a lalaki ni Ribai a taga Gabaa cadagiti annac ni Benjamin,
30Ni Banaya a Paratonita, ni Hiddai a taga wawaig sadi Gaas,
31Ni Abi-albon nga Arat, ni Azmavet a Barumita.
32Ni Elihaba a Saalbon, dagiti annac a lallaki ni Jassen, ni Jonatan,
33Ni Samma nga Arar, ni Ahiam nga anac a lalaki ni Sarar nga Arar,
34Ni Eliflet nga anac a lalaki ni Asbai, nga anac ti Maacateo, ni #2 Sam. 15:12.Eliam nga anac a lalaki ni Ahitofel a Gilon,
35Ni Hesrai a Carmelo, ni Foarai nga Arbi,
36Ni Ygal nga anac a lalaki ni Natan a taga Soba, ni Bani a Gadi,
37Ni Selec nga Ammon, ni Naharai a Beerot, nga agawawit cadagiti igam ni Joab nga anac a lalaki ni Sarvia,
38Ni #2 Sam. 20:26.Ira a Itri, ni Gareb a Itri,
39Ni #2 Sam. 11:3, 6.Urias a Jetteo: isuda amin tallopuloda ket pito.
Currently Selected:
II SAMUEL 23: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
