II SAMUEL 21
21
Dagiti Gabaonitas maibalesda ken Saul. Dagiti tultulang da Saul ken Jonatan mayegda idiay Sela. Dagiti gubgubat a maibusor cadagiti Filisteos.
1Ket cadagiti al-aldaw ni David adda idi bisin bayat ti tallo a tawen, a nagsasaruno; ket ni David sinapulna ti rupa ni Jehova. Ket ni Jehova kinunana, Isu ti maipuon ken ni Saul, ken gapu iti balay a nadara, agsipud ta pinatayna dagiti Gabaonitas.
2Ket ti ari inayabanna dagiti Gabaonitas ket kinunana cadacuada (dagiti Gabaonitas saanda idi a nagtaud cadagiti annac ti Israel, no di ket cadagidi #Jos. 9:3-17.natda cadagiti Amorreo: ket dagiti annac ti Israel nagsapatada idi cadacuada; ket ni Saul tinarigagayanna a papatayen ida iti regtana a maipaay cadagiti annac ti Israel ken ti Juda):
3Ket ni David kinunana cadagiti Gabaonitas, ania ti aramidecto cadacayo? Ken iti ania ti panggugorconto, tapno bendicionanyo coma ti #1 Sam. 26:19. 2 Sam. 20:19.tawid ni Jehova?
4Ket dagiti Gabaonitas kinunada kencuana, Saan a maipuon iti pirac, wenno iti balitoc cadacami ken ni Saul, wenno iti balayna; saan nga aggapu cadacami ti pannacatay ti siasinoman a tao iti Israel. Ket isu kinunana cadacuada, Ania ti cunaenyonto, tapno aramidec nga agpaay cadacayo.
5Ket isuda kinunada iti ari, Daydi tao a nangangaw cadacami ken nagpanegem a maibusor cadacami, tapno madadaelcami coma iti panagtaengmi iti uray sadinoman cadagiti sacup ti Israel.
6Mayawat coma cadacami dagiti pito a lallaki cadagiti annacna, tapno ibitinmi coma ida ken Jehova idiay #Jos. 18:28.Gabaa ni Saul, a pinili ni Jehova. Ket ti ari kinunana, Siac itedconto ida.
7Ngem ti ari inliclicna ni Mifiboset, nga anac ni Jonatan, nga anac ni Saul, a gapu iti #1 Sam. 20:8.sapata ni Jehova, nga adda idi cadacuada, cada David ken Jonatan, nga #2 Sam. 3:7.anac ni Saul.
8Ngem ti ari nangala iti dua nga annac a lallaki ni Rispa nga anac a babai ni Aya, isuda nga inyanacna ken ni Saul, da Armoni ken Mifiboset; ken lima nga annac a lallaki ni #1 Sam. 18:19.Micol nga anac a babai ni Saul, isuda nga impasngayna ken Adriel, nga anac a lalaki ni Barzillai a Molahita:
9Ket inyawatna ida cadagiti im-ima dagiti Gabaonitas, ket isuda imbitinda ida idiay bantay iti sango ni Jehova, ket dagiti pito natayda amin a sangcacanunong. Ket napapatayda cadagiti al-aldaw ti panagani cadagiti #Rut. 1:22.inmun-una nga aldaw, idi carugrugi ti panagani iti cebada.
10Ket ni Rispa nga anac a babai ni Aya nangala iti supot a nakersang, ket isu ti inyucradna a maipaay kencuana iti rabaw ti bato, #Deut. 21:23.nanipud iti rugi ti panagani inggana iti pannacaibuyat ti danum cadacuada a naggapu iti langit; ket dina impalubos nga uray aniaman a tumatayab ti langit agbatay cadacuada iti aldaw, uray an-animal a narungsot ti away iti rabii.
11Ket naibaga ken ni David daydi nga inaramid ni Rispa, nga anac ni Aya, a camalala ni Saul.
12Ket ni David napan ket innalana dagiti tultulang ni Saul, ken dagiti tultulang ni Jonatan nga anacna, #2 Sam. 2:4, 5.cadagiti lallaki a taga Jabes-galaad, #Oc. 21:8. 1 Sam. 31:10-13.isuda a nangtacaw idi cadacuada idiay lansangan ti #Jos. 17:11.Betsan, isu a nagibitinan idi dagiti Filisteos cadacuada, idi aldaw a panangpapatay dagiti Filisteos ken ni Saul idiay Gelboe:
13Ket isu insangatna nanipud sadiay dagiti tultulang ni Saul ken dagiti tultulang ni Jonatan nga anacna: ket inurnongda dagiti tultulang dagiti naibitin.
14Ket intabunda dagiti tultulang ni Saul, ken dagiti tultulang ni Jonatan nga anacna idiay daga ti Benjamin sadi #Jos. 18:28.Sela, iti tanem ni Cis nga amana: #Gen. 25:21. 2 Sam. 24:25.ket inaramidda amin daydi imbilin ti ari, Ket iti calpasan daydi ti Dios nagdawatanda iti agpaay iti daga.
15Ket dagiti Filisteos nakigubatda manen iti Israel; ket ni David simmalog, ken dagiti adipenna naicuyogda kencuana, ket nakigubatda cadagiti Filisteos. Ket ni David napacsuyan.
16Ket ni Isbi-benob, a nagtaud cadagiti annac ti gigante, ket ti dagsen ti picana #1 Sam. 17:7.tallo gasut a siclo a gambang iti cadagsen, ket isu nangibarikes iti baro a campilan, pinanggepna ti mangpapatay ken David.
17Ngem ni #1 Sam. 26:6.Abisai nga anac ni Sarvia immarayat kencuana, ket kinabilna daydi Filisteo, ket pinatayna. Idin dagiti lallaki ni David insapatada kencuana, a kinunada, #2 Sam. 18:3.Uray caano dicanto makipagruar cadacami iti gubat, tapno dica coma iddepen ti silaw ti Israel.
18 #
1 Cron. 20:4-8. Ket naaramid iti calpasan daytoy, nga adda idi pannakigubat cadagiti Filisteos idiay Gob: idin ni #1 Cron. 27:11.Sibecai nga Husatita pinatayna ni Saf, a maysa cadagiti #bil. 16, 20, 22.annac ti gigante.
19Ket adda manen pannakigubat cadagiti Filisteos idiay Gob; ket ni Elhanan nga anac ni Jaare-oregim a taga Belen pinatayna ni Goliat a Geteo, #1 Sam. 17:7. 2 Sam. 23:7.ti urongan ti picana cas la iti lucotan ti pangablan.
20Ket adda idi manen gubat idiay #1 Sam. 17:4.Gat, isu nga adda idi maysa a lalaki a dackel ti catayagna, nga addaan iti innem a ramramay iti tunggal imana, ken iti tunggal sacana innem a ramramay, a duapulo ket uppat ti bilangda; ket isu nayanac met iti gigante.
21Ket idinto a nakidangadang iti Israel, isu pinatay ni Jonatan nga anac ni #1 Sam. 17:10, 25, 26, 36, 45.Sima, a cabsat ni David.
22Dagitoy nga uppat nayanacda iti gigante sadi Gat; ket napasagda gapu iti ima ni David, ken gapu iti ima dagiti ad-adipenna.
Currently Selected:
II SAMUEL 21: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
