II SAMUEL 14
14
Ni Joab gun-odenna ti pannacaisubli ni Absalom idiay Jerusalem. Ti kinataer ni Absalom. Maipastrec iti saclang ni David.
1Ket ni Joab nga anac ni Sarvia naricnana a ti puso ti ari adda idi nga #2 Sam. 13:39.agturong ken ni Absalom.
2Ni Joab nagbaon idiay #2 Sam. 23:26. 2 Cron. 11:6. Amos 1:1.Tecua, ket nangala sadiay iti maysa a babai a masirib, ket kinunana kencuana, Agdawatac kenca, nga agindudung-awca, ken agcawesca coma iti cawes a pagpanes, pangngaasim, ket saanca coma nga agsapsapo iti lana, no di ket sica ti cas la maysa a #Rut. 3:3.babai a nabayagen a tiempo a sipapanes a gapu iti natay.
3Ket mapanca iti ari, makisaoca kencuana iti castoy a wagas. Iti casta ni Joab incabilna dagiti balicas iti ngiwatna.
4Ket idi a ti babai a taga Tecua nagsao iti ari, #1 Sam. 20:41. 2 Sam. 1:2.incul-obna ti rupana iti daga, ket nagrucbab, ket kinunana, #2 Ar. 6:26.O ari, tumulongca.
5Ket ti ari kinunana kencuana, Ania ti pagladingitam? Ket isu simmungbat, Iti #2 Sam. 12:1.kinapudnona siac maysaac a babai a balo, ket daydi asawac natay.
6Ket ti adipenmo adda dua nga annacna a lallaki, ket dagiti dua nagcabilda idiay away, ket awan idi ti namagsina, cadacuada, no di ket ti maysa kinabilna ti maysa, ket pinatayna.
7Ket, adtoy, nga #Num. 35:19, 21. Deut. 19:12.isu-amin dagiti cabagian timmacderda a maibusor iti adipenmo a babai, ket cunada, Yawatmo ti namapatay iti cabsatna, tapno isu papatayenmi coma a gapu iti biag di cabsatna isu a pinatayna; ket iti casta iccatenmi met coma ti agtawid. Iti castoy ti panangiddepdanto iti beggangco a natda, a dida mangbaybay-an idi asawac iti uray nagan uray tidda iti rabaw ti daga.
8Ket ti ari kinunana iti babai, Inca iti balaymo, ta siac mangtedacto ti bilin iti maipapan kenca.
9Ket ti babai a taga Tecua kinunana iti ari, O ari, nga apoc, ti kinadakes adda coma iti rabawco, ken iti balay ni amac; ket ti ari ken ti tronona awan ti basolda.
10Ket ti ari kinunana, Uray siasino nga agsao iti maysa a banag kenca, isu yegmonto caniac, ket dinacanto sagidenen.
11Idin isu kinunana, Agdawatac kenca, a ti ari lagipenna coma ni Jehova a Dios, tapno ti bumales ti dara di coma mangdadaelen, ta no saan dadaelenna ti anacco. Ket isu kinunana, Cas ni Jehova #1 Sam. 14:45.sibibiag, nga uray maysa a buoc ti olo ni anacmo dinto maregreg iti daga.
12Idin ti babai kinunana, Agdawatac kenca, a palubosam coma ti adipenmo a mangisao iti maysa a sao iti apoc nga ari. Ket isu kinunana, Agsaoca.
13Ket ti babai kinunana, Apayapay ngarud a sica panunotem iti castoy a banag a maibusor iti ili ti Dios? ta ti pannacaisao daytoy ti ari isu ti cas la maysa a nacabasol, iti daydiay a ti ari dina pasangpeten iti balayna #2 Sam. 13:37, 38.ti imbellengna.
14Ta mataytayto a di bumurong, ken castayto la danum a maibucboc iti daga, a di mabalin a urnongen manen; uray ti Dios dina iccaten ti biag, no di ket agpanunot cadagiti pamuspusan tapno ti napagtalaw saan coma a mayadayu kencuana.
15Gapuna ita iti immayac a mangisao iti daytoy a sao iti ari nga apoc, agsipud ta ti ili pinagbutengnac: ket ti adipenmo a babai kinunana, Ita agsaoacto iti ari; ket mabalin a ti aramidenna ti dawat ti adipenna.
16Ta ti ari mangipangagto, a mangispal iti adipenna iti ima ti tao nga agayat a mangdadael caniac ken iti anacco a #1 Sam. 26:19.mairaman iti tawid ti Dios.
17Idin ti adipenmo a babai kinunana, Agdawatac kenca, a ti sao ti apoc nga ari macaliwliwa coma; #bil. 20. 1 Sam. 29:9.ta cas la maysa nga angel ti Dios, casta ni apic nga ari iti panamaglasinna iti naimbag ken iti dakes: ket ni Jehova a Diosmo adda coma kenca.
18Idin ti ari simmungbat ket kinunana iti babai, Agdawatac kenca, a dinac coma libacan iti uray ania nga isaludsodconto kenca. Ket ti babai kinunana, Agsao coma ita ni apoc nga ari.
19Ket ti ari kinunana, Nakibiang kenca ti ima ni Joab iti amin daytoy? Ket ti babai simmungbat ket kinunana, Cas ta cararuam #1 Sam. 1:26.sibibiag, ari nga apoc, nga awan ti macalisi iti macanawan wenno iti macatigid iti aniaman nga insao ni apoc nga ari; ta ni adipenmo a Joab, isu ti nagbilin caniac, ken isu ti #bil. 3.nangicabil iti ngiwat ti adipenmo a babai cadagitoy amin a sao;
20Tapno mabaliwan ti panagparang ti napasamac ni adipenmo a Joab inaramidna daytoy a banag: ket ti apoc masirib, a mayalubog iti kinasirib ti maysa nga angel ti Dios, a mangammo iti isu-amin a banag nga adda iti daga.
21Ket ti ari kinunana ken Joab, Adtoy ita, a siac inaramidco daytoy a banag, inca ngarud, ket isublim ni bumaro nga Absalom.
22Ket ni Joab incul-obna ti rupana iti daga, ket nagrucbab, ket binendicionanna ti ari; ket ni Joab kinunana, Iti daytoy nga aldaw naawatan ti adipenmo, a nacasaracac iti parabur iti imatangmo, O ari, nga apoc, agsipud ta ti ari inaramidna ti dawat ti adipenna.
23Iti casta ni Joab timmacder ket napan sadi #bil. 32. 2 Sam. 13:37, 38.Gessur, ket insangpetna ni Absalom idiay Jerusalem.
24Ket ti ari kinunana, Sumubli coma iti balayna, ngem dina coma kitaen ti rupac. Iti casta ni Absalom nagsubli iti balayna met laeng, ket dina nakita ti rupa ti ari.
25Ngem iti isu-amin nga Israel awan idi ti madaydayaw unay a cas ken Absalom a gapu iti kinataerna: manipud iti dapan ti sacana agingga iti cuppocuppona awan ti pamilawan kencuana.
26Ket no #Eze. 44:20.pukisenna ti buocna (ta iti turpos ti tunggal tawen ti panagpukisna; agsipud ta madagsenan, gapuna a pukisenna); ti buoc ti olona agdagsen iti duagasut a siclo, iti naarian a pagtimbengan.
27Ket #2 Sam. 18:18.nayanacda ken ni Absalom dagiti tallo a lallaki nga annac, ken maysa a babai, a ti naganna Tamar; isu idi ti maysa a babai a naimnas ti langana.
28Ket ni Absalom nagyan iti dua a tawen a naturpos idiay Jerusalem; ket dina nakita ti rupa ti ari.
29Idin ni Absalom nagbaon ken Joab, tapno isu ti ibaonna coma iti ari; ngem isu dina kinayat ti immay kencuana: ket nagbaon manen iti maicadua a daras ngem idu dina kinayat ti immay.
30Gapuna a kinunana cadagiti adipenna, Kitaenyo, ti talon ni Joab adda iti denna dagiti cucuac, isu addaan cadagiti cebada sadiay; incayo, ket pasgedanyo ida iti apuy. Ket dagiti adipen ni Absalom pinasgedanda ti talonna iti apuy.
31Idin ni Joab timmacder, ket immay ken Absalom iti balayna, ket kinunana kencuana, Apayapay a dagiti adipenmo pinasgedanda ti talonco iti apuy?
32Ket ni Absalom simmungbat ken ni Joab, Adtoy, a siac nangibaonac idi kenca, a kinunac, Umayca coma ditoy, tapno ibaonca coma idi iti ari, a cunaem, Ania ti gapu ti nacaalaac idiay Gessur? nasaysayaat coma caniac iti panagyanco idiay a natalna. Ita ngarud makitac coma ti rupa ti ari; ket no adda kinadakes caniac, papatayennac coma.
33Iti casta ni Joab napan iti ari, ket imbagana kencuana; ket idi nga inayabanna ni Absalom, isu immay iti ari, ket incul-obna ti rupana iti daga iti saclang ti ari: ket ti ari #Gen. 33:4; 45:15. Luc. 15:20.inagcanna ni Absalom.
Currently Selected:
II SAMUEL 14: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
