II SAMUEL 12
12
Ni Natan saoenna ti maysa a pangngarig ket tubngarenna ni David. Ipapatay ti anac ni David. Pannacayanac ni Salomon. Ni David cayawanna ti Rabba.
1Ket ni Jehova imbaonna ken David ni #2 Sam. 7:2-17. Sal. 51.Natan. Ket isu immay kencuana, ket kinunana kencuana, #Oc. 9:8-15. 2 Sam. 14:5. 1 Ar. 20:35-41. Isa. 5:1-7.Adda idi dua a lallaki iti maysa nga ili; ti maysa nabacnang, ket ti maysa napanglaw.
2Ket ti nabacnang a lalaki addaan iti aglablabes a caadu dagiti pangpangen ken ar-arban;
3Ngem ti napanglaw a lalaki awanan iti aniaman, no di laeng ti may-maysa a bassit a cordero a cabayan, a ginatangna idi ken tinarakenna: ket dimmackel a naibuyog kencuana, ken cadagiti annacna; nangan iti canenna met laeng, ken imminum iti tagayanna, ken nagidda iti barucongna, ket isu idi kencuana ti cas maysa nga anac a babai.
4Ket maysa nga agpagpagna immay iti nabacnang a lalaki, ket isu inliclicna ti panangalana cadagiti pangenna, ken cadagiti arbanna, tapno isaganana a maipaay iti daydi agpagpagna nga immay kencuana, ngem innalana di cordero daydi napanglaw a lalaki, ket isu ti insaganana a maipaay iti lalaki nga immay kencuana.
5Iti casta ti pungtot ni David simged unay a maibusor idi a lalaki; ket kinunana ken Natan, Cas ni Jehova sibibiag, #1 Sam. 20:31; 26:16.ti lalaki a nangaramid iti daytoy maicari a matay.
6Ket isu isublinanto ti cordero iti #Ex. 22:1. Luc. 19:8.maminpat, agsipud ta isu inaramidna daytoy a banag, ken agsipud ta awanan laeng idi iti caasi.
7Ket ni Natan kinunana ken David, Sica daydi a lalaki. Castoy ti cuna ni Jehova, a Dios ti Israel, Siac #1 Sam. 16:13.pinulotanca nga agari iti Israel, ket inispalca iti ima ni Saul;
8Ket intedco kenca ti balay ni apom, ken dagiti assawa ni apom ita barucongmo; ken intedco kenca ti balay ti Israel ken ti Juda; ket no dagita bassitda coma unay siac inayonconto ti castoy ken casdiay a banag.
9Apayapay a #Num. 15:31.linaismo ti sao ni Jehova iti panangaramidmo iti daytoy a dakes iti imatangna? Sica kinabilmo ni Uria a #2 Sam. 11:15-17, 27.Jetteo iti campilan, ket innalam ni asawana tapno asawaem, ket isu pinataymo iti campilan dagiti annac ni Ammon.
10Gapuna ita dinto umadayu ti campilan iti balaymo iti uray caanoman, ta linaisnac, ket innalam ti asawa ni Uria a Jetteo, tapno asawaem.
11Castoy ti cuna ni Jehova, Adtoy, a bangonecto ti dakes a maibusor kenca nga agtaud iti balaymo met laeng; #Deut. 28:30. 2 Sam. 16:22.ket alaecto dagiti assawam iti saclang dagiti matam, ket itedco ida iti caarrubam, ket isu makicaiddanto cadagiti assawam iti imatang daytoy nga init.
12Ta sica inaramidmo iti nalmeng: #2 Sam. 16:22.ngem siac aramidecto daytoy a banag iti saclang ti isu-amin nga Israel, ken iti imatang ti init.
13 #
1 Sam. 15:24. Ket ni David kinunana ken Natan, #2 Sam. 24:10. Sal. 32:5; 51:4.Nagbasolac a maicaniwas ken Jehova. Ket ni Natan kinunana ken David, Casta met ni Jehova #2 Sam. 24:10. Sal. 32:1.iniccatna ti basolmo; dicanto matay.
14Nupay casta, agsipud ta iti daytoy nga aramid nangtedca iti gapu cadagiti cabusor ni Jehova tapno #Isa. 52:5. Rom. 2:24.agtabbaawda, castamet ti anac a lalaki a mayanac kenca matayto a di bumurong.
15Ket ni Natan nagsubli iti balayna. Ket ni Jehova kinabilna daydi ubing a lalaki a daydi asawa ni Uria impasngayna ken David, ket masakit idi unay.
16Ni David ngarud nagdawat iti Dios a maipuon iti ubing; ket nagayunar ni David #2 Sam. 13:31.ket simrec, ket amin a rabii siiidda iti daga.
17Ket timmacder dagiti lallacay ti balayna, ket nagtacderda iti sikiganna, tapno pabangonenda iti daga; ngem isu nagmadi, saan met a nakicaan cadacuada iti tinapay.
18Ket naaramid iti maicapito nga aldaw a ti ubing natay. Ket dagiti ad-adipen ni David nagbutengda a nangibaga kencuana a ti ubing natayen, ta kinunada, Adtoy nga idi ti ubing adda pay laeng a sibibiag, insaotayo kencuana, ket dina kinayat a dinengngeg ti timectayo; casanonto ngarud ti kpanagtuocna, no ibagatyo kencuana a ti ubing natayen!
19Ngem ni David idi a nakitana dagiti ad-adipenna nga agdadayamudomda ni David naawatanna a ti ubing natayen; ket ni David kinunana cadagiti ad-adipenna, Natayen ti ubing? Ket isuda kinunada, Natayen.
20Idin ni David bimmangon iti daga, ket nagbuggo, ket nagsapsapo, ket sinuctanna ti pagan-anayna; ket simrec iti balay ni Jehova, #Job 1:20.ket nagcararag; sa immay iti balayna met laeng; ket idi a dimmawat incabilda iti sangona ti tinapay, ket isu nangan.
21Idin dagiti ad-adipenna kinunada kencuana, Ania daytoy a banag nga inaramidmo? sica nagayunarca ken nagsangitca a gapu iti ubing, idi nga adda a sibibiag; ngem idi a ti ubing natayen, bimmangonca ken nanganca iti tinapay.
22Ket isu kinunana, Bayat ti panagbiag pay laeng ti ubing, nagayunarac ken nagsangitac: #Isa. 38:1, 5. Jon. 3:9.ta kinunac, Asino ti macaammo a ni Jehova dinto mangngaasi caniac, nga agbiag coma ti ubing?
23 #
Job 7:8-10. Ngem ita natayen, ania pay laeng ti pagayunarac? isu mabalinconto pay la a pagsublien manen? siac innacto kencuana, ngem isu dinto sumubli caniacon.
24Ket ni David liniwliwana ni Batseba nga asawana, ket simrec kencuana, ket nakicaidda kencuana, #Mat. 1:6.ket nangipasngay iti maysa nga anac a lalaki, #1 Cron. 22:9.ket ninaganna iti nagan a Salomon. Ket ni Jehova isu inayatna;
25Ket nagbaon iti ima ni Natan a mammadto; ket ninaganna iti nagan a #Jedidiah: cayatna a saoen, Naay-ayat ken Jehova.Jedidia, a gapu ken ni Jehova.
26Nupay casta ni #1 Cron. 20:1.Joab nakigubat a maibusor iti #2 Sam. 11:1, 17.Rabba dagiti annac ni Ammon, ket innalana ti ili a naarian.
27Ket ni Joab nangibaon cadagiti babaonen ken David, ket kinunana, Siac nakigubatac a maibusor iti Rabba; wen, innalac ti pagilian dagiti dandanum.
28Gapuna ita urnongem ti matda cadagiti tattao, ket agpacarsoca a maibusor iti ili, ket alaem; di la ket ta alaec ti ili, ket mapanaganan iti naganco.
29Ket ni David inurnongna dagiti amin a tattao, ket napan iti Rabba, ket nakigubat a maibusor kencuana, ket innalana.
30 #
1 Cron. 20:2. Ket innalana ti balangat ti arida iti olona; ket ti dagsenna maysa a talento a balitoc, ket natampocan cadagiti batbato a napateg; ket naisaad idi iti olo ni David. Ket isu nangala iti sinamsam iti ili iti casta unay a nagadu.
31Ket innalana dagiti umili nga adda idi kencuana, ket insaadna ida iti baba dagiti ragadi, ken baba dagiti pangor a landoc, ken baba dagiti waswasay a landoc, ket pinalasatna ida iti tengnga ti horno ti ladrillo: ket casta met ti inaramidna cadagiti isu-amin nga il-ili dagiti annac ni Ammon. Ket ni David ken isu-amin dagiti tattao nagsublida iti Jerusalem.
Currently Selected:
II SAMUEL 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
