II AR-ARI 12
12
Ni Joas patarimaanna ti templo; pasardengenna ti panagsillong ni Hazael; mapapatay.
1Idi maicapito a tawen ni Jehu ni #Aginga bil. 15. 2 Cron. 24:1-14.Joas nangrugi a nagari: ket nagari bayat iti uppat a pulo a tawen idiay Jerusalem. Ket ti nagan ni inana Sibia taga Beerseba.
2Ket ni Joas inaramidna daydi a nalinteg cadagiti mata ni Jehova iti isu-amin nga aldaw a pananggidalan ni padi Joiada kencuana.
3 #
1 Ar. 15:14. 2 Ar. 14:4. Nupay casta dagidi nangato a disdisso saanda a naiccat; ti umili nagtuloy a nagidaton ken nagpupuur iti incienso cadagidi nangato a disdisso.
4Ket ni Joas kinunana cadagiti papadi, #1 Ar. 15:15. 2 Ar. 22:4.Isu-amin a cuarta dagiti naipaay a banbanag a nayeg iti balay ni Jehova, iti cuarta nga #Ex. 30:12, 16. 2 Cron. 24:6, 9.agpagna, ti cuarta dagiti tattao a tunggal lalaki nacagatadanna, ken #Ex. 35:5.isu-amin a cuarta a yeg ti uray asino a tao iti sibubulos a pusona iti balay ni Jehova,
5Alaen coma ida dagiti papadi cadacuada, tunggal lalaki iti am-ammona; ket isuda #Ex. 27:9, 27.tarimaanenda coma dagiti gutgutbaw ti balay, iti uray sadinoman a pacasaracanto iti gutbaw.
6Ngem casta idi, nga idi tawen a maicaduapulo ket tallo ni ari Joas #2 Cron. 24:5, 6.dagiti papadi dida pay laeng natarimaan dagiti gutgutbaw ti balay.
7Idin ni ari Joas inayabanna ni padi Joiada, ken dagiti sabali a papadi, a kinunana cadacuada, Apayapay a dicayo tinarimaan dagiti gutgutbaw ti balay? ita ngarud dicayo manggalan iti cuarta iti am-ammoyo, no di ket itedyo ida a maipaay cadagiti gutgutbaw ti balay.
8Ket dagiti papadi inanamunganda a dida mangalan iti cuarta iti umili, dida tarimaanen dagiti gutgutbaw ti balay.
9Ngem ni padi Joiada nangala iti maysa a #Mar. 12:41. Luc. 21:1.lacasa, ket linussocanna di calubna, ket incabilna iti abay ti altar, iti sikig a canawan no cas asinoman sumrec iti balay ni Jehova: ket dagiti papadi nga agaywan iti dapian icabilda sadiay ti isu-amin a cuarta a maiserrec idi balay ni Jehova.
10Ket casta idi, idi a nakitada nga adu ti cuarta idi lacasa, a ti #1 Ar. 4:3.escriba ti ari ken di #2 Cron. 24:11; 26:20; 31:10.nangato a padi sumang-atda, ket icabilda cadagiti supsupot ket bilangenda di cuarta a masaracanda iti balay ni Jehova.
11Ket inyawatda di cuarta a nagantingda cadagiti im-ima dagidi nga agaramid iti trabajo, dagidiay agaywan iti balay ni Jehova: ket isu ti pinagtangdanna cadagiti allawagi ken agbangbangon, a nagtrabajo iti balay ni Jehova.
12Ken cadagiti agcavcaviti, ken agtagtaga iti bato, ken maipaay a paggatang iti cayo ken bato a tinagaan tapno pangtarimaan cadagiti gutgutbaw ti balay ni Jehova, ken iti isu-amin a nagasto iti balay a pangtarimaan kencuana.
13Ngem awan idi ti naaramid a maipaay iti balay ni Jehova a #1 Ar. 7:50. 2 Ar. 25:14, 15.tagtagayan a pirac, pangar-arsang, bacbacca, tangtangguyob, uray aniaman nga al-alicamen a balitoc, wenno al-alicamen #2 Cron. 24:14.a pirac, iti cuarta a nayeg idi iti balay ni Jehova;
14Ta isu ti intedda cadagidi nagaramid iti trabajo, ket isu ti pinangtarimaanda iti balay ni Jehova.
15Casta met a #2 Ar. 22:7.dida nakibinnilang cadagidi lallaki, a nan-gipaimaanda idi cuarta tapno isu ti itedda cadagiti nagtrabajo, ta nagaramidda a matalec.
16 #
Lev. 5:15, 18. Ti cuarta a maipaay cadagiti datdaton ti salungasing, ken ti cuarta a maipaay cadagiti datdaton ti basol, saan idi a maiserrec iti balay ni Jehova: #Lev. 7:7. Num. 18:9.cucua idi dagiti papadi.
17Idin ni #2 Ar. 8:12.Hazeel nga ari ti Siria simmang-at, ket nakibacal a maibusor iti #1 Sam. 17:4.Get, ket isu ti innalana; ket ni Hazeel insangona di rupana tapno sumang-at idiay Jerusalem.
18Ket ni Joas nga ari ti Juda innalana #1 Ar. 15:18. 2 Ar. 16:8; 18:15, 16.amin a banbanag a nasantoan nga indaton da Josafat, Joram, ken Ocozias, nga ammana, nga ar-ari ti Juda, ken isu-amin a #bil. 4.banbanag a nasantoan nga impaayna idi, ken isu-amin a balitoc a nasaracan cadagiti gamgameng ti balay ni Jehova, ken iti balay ti ari, ket pinaipanna ida ken ni Hazeel nga ari ti Siria: #2 Cron. 24:23.ket isu pimmanaw idiay Jerusalem.
19Ti matda cadagiti ar-aramid ni Joas, ken isu-amin nga inaramidna, saanda aya a naisurat iti libro dagiti cronicas dagiti ar-ari ti Juda?
20 #
2 Ar. 14:5. 2 Cron. 24:25-27. Ket dagiti ad-adipenna timmacderda, ket nangaramidda iti maysa a panangliput, ket kinabilda ni Joas idiay #2 Sam. 5:9.balay sadi Millo, iti dalan a sumaloganna nga agpa-Silla.
21Ta ni Josacar nga anac a lalaki ni Semaat, ken ni Jozabad nga anac a lalaki ni Somer, nga ad-adipenna, isu kinabilda ket natay; ket isu ti intabonda a naidinna cadagiti ammana idiay ili ni David: ket ni Amasias nga anacna nagari iti saadna.
Currently Selected:
II AR-ARI 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
