II CRONICAS 36
36
Ti panagari da Joakaz, Joacim, Joackin ken ni Sedecias. Ti Jerusalem marba. Ti panangrugi ti pannacacayaw. Ni Ciro keddenganna ti pannacabangon manen ti templo.
1Idin dagiti tattao #2 Ar. 23:30-34.ti daga innalada ni Joacaz nga anac a lalaki ni Josias, ket isu inaramidda nga ari iti saad ni amana idiay Jerusalem.
2Ni Joacaz agtawen idi iti duapulo ket tallo idi nangrugi a nagari; ket nagari bayat iti tallo a bulan idiay Jerusalem.
3Ket ti ari ti Egipto isu iniccatna idiay Jerusalem, ket minultana ti daga iti sangagasut a talento a pirac ken maysa a talento a balitoc.
4Ket ti ari ti Egipto inaramidna ni Eliakim a cabsatna nga ari ti Juda ken Jerusalem, ket pinagbalinna ti naganna a Joakim. Ket ni Necao innalana ni Joacaz a cabsatna, ket impanna idiay Egipto.
5Agtawen idi iti duapulo ket lima ni #2 Ar. 23:36, 37.Joakim idi nangrugi a nagari: ket nagari bayat iti sangapulo ket maysa a tawen idiay Jerusalem: ket inaramidna daydi dakes iti imatang ni Jehova a Diosna.
6Iti maibusor kencuana simmang-at ni Nabucodonosor nga ari ti Babilonia, ket tinul-onganna iti landoc tapno ipanna idiay Babilonia.
7Ni #2 Ar. 24:13.Nabucodonosor impanna met dagiti al-alicamen ti balay ni Jehova idiay Babilonia, ket incabilna ida iti templona idiay Babilonia.
8Ti matda cadagiti ar-aramid ni Joakim, ken dagiti kinarimon nga inaramidna, ken daydiay a nasaracan idi kencuana, adtoy, naisuratda iti libro dagiti ar-ari ti Israel ken Juda: ket ni #1 Cron. 3:16. Jer. 22:24.Joakin nga anacna nagari iti saadna.
9 #
2 Ar. 24:8, 9. Agtawen idi iti sangapulo ket walo ni Joakin idi nangrugi a nagari; ket nagari idiay Jerusalem bayat iti tallo a bulan ken sangapulo nga aldaw idiay Jerusalem; ket inaramidna daydi a dakes iti imatang ni Jehova.
10 #
2 Sam. 11:1. Ket ti panagbaliw ti tawen ni ari #2 Ar. 24:10-17.Nabucodonosor nagbaon, ket insangpetna idiay Babilonia, agraman cadagiti nasayaat nga al-alicamen ti balay ni Jehova, ket inaramidna ni #2 Ar. 24:11. Jer. 37:1.Sedecias a cabsatna nga ari ti Juda ken Jerusalem.
11Agtawen idi iti duapulo ket maysa a tawen ni #Jer. 52:1, 2.Sedecias idi a nangrugi a nagari; ket nagari idiay Jerusalem bayat iti sangapulo ket maysa a tawen:
12Ket inaramidna daydi a dakes iti imatang ni Jehova a Diosna; saan a nagpacumbaba iti sango ni #Jer. 21:1-7; 27:12–28:17; 32:1-5; 37:1-10; 38:14-28.Jeremias a mammadto a nagsao iti naggapu iti ngiwat ni Jehova.
13 #
Eze. 17:18. Ken casta met isu immalsa a maibusor ken ari Nabucodonosor, a namagsapata kencuana idi a gapu iti Dios, ngem pinatibkerna ti teltelna, ket pinatangkenna ti pusona tapno saan nga agsubli ken Jehova, a Dios ti Israel.
14Maysa pay amin a pangpangolo dagiti papadi, ken dagiti tattao simmalungasingda iti nacaro unay a mayannurot iti kinarimon dagiti nasnacion; ket minulitanda ti balay ni Jehova a sinantificarna idiay Jerusalem.
15Ket ni Jehova a Dios dagiti ammada nagbaon cadacuada babaen cadagiti babaonenna, a bimmangon a nasapa ket nagbaon, gapu ta addaan asi iti ilina ken iti pagtaenganna:
16Ngem isuda rinabrabacda dagiti binaon ti Dios, ket inumsida dagiti saona, #Mat. 23:34-37.ket inuyawda dagiti mammadtona, agingga iti simged ti pungtot ni Jehova a maibusor iti ilina inggana iti awanen idi ti pamuspusan.
17Gapuna nga insangpetna a maicaniwas cadacuada ti ari dagiti Caldeos, isu a #Sal. 78:63; 79:2, 3.namatay cadagiti agtutubo a lallaki iti campilan iti balay ti santuarioda, ket awan idi iti asina iti baro wenno balasang, iti lacay wenno ti ubanan: inyawatna ida amin iti imana.
18 #
2 Ar. 25:13-15. Ket amin nga al-alicamen ti balay ti Dios, dackel ken bassit, ken dagiti gamgameng ti balay ni Jehova, ken dagiti gamgameng ti ari ken dagiti pangpangoloenna, amin dagitoy impanna idiay Babilonia.
19 #
2 Ar. 25:9. Sal. 74:6, 7; 79:1. Ket pinuuranda ti balay ti Dios, ket rinebbada ti bacud ti Jerusalem, ket pinuuranda amin a palpalaciona iti apuy, ket dinadaelda amin a nasayaat nga al-alicamenna.
20Ket dagidiay a nacalisi iti campilan impanna ida idiay Babilonia; ket #Jer. 27:7.adadipenda idi kencuana ken cadagiti annacna agingga iti panagturay ti pagarian a Persia:
21Tapno matungpal ti sao ni Jehova iti pannacaaramat #Jer. 25:9, 11, 12; 29:10.ti ngiwat ni Jeremias agingga iti nagrag-o ti daga cadagiti aldawna #Lev. 26:34, 35, 43.a panaginana: ta bayat ti caaddana a langalang nasalimetmetan ti aldaw a #Lev. 25:4, 5.panaginana, tapno maturpos dagiti pitopulo a tawen,
22Ngem idi umuna a tawen ni Ciro nga ari ti Persia, tapno matungpal ti sao ni Jehova iti pannacaaramat ti ngiwat ni Jeremias, ni Jehova tinignayna ti nakem ni Ciro nga ari ti Persia, tapno iti casta aramidenna ti maysa a pacdaar iti amin a pagarianna, ket isu met pinaisuratna, a kinunana,
23Castoy ti cuna ni Ciro nga ari ti Persia, Amin a pagpagarian ti lubong ni Jehova, a Dios ti langit intedna caniac; ket isu imbilinna caniac ti panangibangon kencuana ti maysa a balay idiay Jerusalem isu nga adda idiay Juda. Siasinoman nga adda cadacayo amin a tattaona, ni Jehova a Diosna adda coma kencuana, ket sumang-at coma.
Currently Selected:
II CRONICAS 36: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
