II CRONICAS 33
33
Panagari ni Manases. Panagrucbabna cadagiti ladladawan. Ti dusana ken panagbalbaliwna. Panagari ni Amon.
1Ni Manases agtawen idi iti #Aginga bil. 9. 2 Ar. 21:1-9.sangapulo ket dua idi nangrugi a nagari; ket nagari idiay Jerusalem bayat iti limapulo ket lima a tawen.
2Ket inaramidna daydi a dakes iti imatang ni Jehova, a siaannurut cadagiti kinarimon dagiti nasnacion a pinagtalaw ni Jehova iti sango dagiti annac ti Israel.
3Ta isu binangonna manen dagiti nangato a disdisso a ni Ezekias nga amana rinugpona idi; ket namatacder cadagiti al-altar ken ni Baal, ket nangaramid iti Ashera, ket nagcararag iti isu-amin a buyot ti langit, ket nagservi cadacuada.
4Ket nangbangon cadagiti al-altar idiay balay ni Jehova, isu a ni Jehova nagcunaanna idi, Addanto ti naganco idiay Jerusalem iti agnanayon.
5Ket nangbangon cadagiti al-altar a maipaay iti isu-amin a buyot ti langit cadagiti dua a paraangan ti balay ni Jehova.
6Ket pinalasatna met dagiti annacna iti apuy iti #Jos. 18:16.lobong ti anac a lalaki ni Hinnom, #Deut. 18:10.ket nagaramid iti panagpacta, ken nagaramat iti kinabaglan, ken inaramidna ti caniaw, ket nakipagaramid cadagiti managanito; ken cadagiti managsalamangca: nagaramid iti adu a dakes iti imatang ni Jehova, a panggargarina kencuana nga agpungtot.
7Ket insaadna ti idolo ladawan a kinitikitan, nga isu inaramidna, idiay balay ti Dios isu a nagcunaan ni Jehova idi cada David ken Salomon nga anacna, Ditoy a balay, ken iti Jerusalem, a pinilic cadagiti isu-amin a caputotan ti Israel, icabilconto ti naganco iti agnanayon:
8Uray caano diacto pagbariwasenen ti saca ti Israel manipud iti daga nga intudingco a maipaay cadagiti ammayo, no tungpalendanto la ket di nga aramiden ti mayalubog cadagiti isu-amin nga imbilinco cadacuada, ti amin met laeng a linteg ken al-alagaden ken an-annuroten a naited idi iti pannacaaramat ni Moises.
9Ket ni Manases intuggudna ti Juda ken dagiti agnaed iti Jerusalem nga agaramid iti daydi a dacdakes ngem cadagiti nasnacion a dinadael ni Jehova iti sango dagiti annac ti Israel.
10Ket ni Jehova nagsao ken Manases ken iti ilina; ngem saanda nga impangag.
11Gapuna a ni #Deut. 28:36.Jehova inyegna a cumaniwas cadacuada dagiti capcapitan ti buyot ti ari ti Asiria, isuda a nangala ken Manases a sicacawar, ket isu ti tinul-ongda iti landoc, ket impanda sadi Babilonia.
12Ket idi isu naparparigat, sinapulna ni Jehova a Diosna, ket nagpacumbaba iti dackel unay iti sango ti Dios dagiti ammana.
13Ket nagcararag kencuana; ket isu naimdengan, ket impangagna ti ararawna, ket pinasangpetna maneni idiay Jerusalem iti pagarianna. Iti casta ni Manases nabigbigna a ni Jehova isu ti Dios.
14Calpasan daytoy binangonna ti akinruar a bacud ti ili ni David, iti akinlaud a bangir ti Gihon #1 Ar. 1:33.iti lobong, agingga met laeng iti pagsercan iti #Neh. 3:3; 12:39. Sof. 1:10.ruangan ti ican; #2 Cron. 27:3.ket iti panangaramatna linicmutna ti Ofel, ket impangatona inggana iti natayag unay ti cangato: ket insaadna dagiti natured a capcapitan cadagiti amin nga il-ili a nasarikedkedan ti Juda.
15Ket iniccatna dagti didios a sangsangaili, ken ti #bil. 3, 5.idolo iti balay sangsangaili, ken ti #bil. 7.idolo iti balay ni Jehova, ken amin nga al-altar a binangonna idi iti bantay ti balay ni Jehova, ken idiay Jerusalem, ket imbellengna ida iti ruar ti ili.
16Ket pinatarimaanna ti altar ni Jehova, ken indatagna iti rabawna dagiti sacrificio dagiti daton ti cappia ken ti panagyaman, ket binilinna ti Juda nga agservi ken Jehova a Dios ti Israel.
17Nupay casta #2 Cron. 32:12.dagiti tattao nagidatonda pay laeng cadagiti nangato a disdisso a di-laeng ken Jehova a Diosda.
18Ti matda cadagiti ar-aramid ni Manases, ken ti cararagna iti Diosna, ken dagiti sasao #2 Sam. 24:11.dagiti macakita iti masacbayan a nagsao kencuana, iti nagan ni Jehova, a Dios ti Israel, adtoy, naisuratda cadagiti aramid dagiti ar-ari ti Israel.
19Ti cararagna met, ken no casano ti panangimdeng ti Dios kencuana, ken amin a basolna ken salungasingna, ken dagiti #bil. 3, 7.disso a nangbangonanna cadagiti nangato a disso, ken dagiti Ashera a pinatacderna ken dagiti ladladawan a kinitikitan, idi isu saan pay a nagpacumbaba, adtoy, naisuratda iti historia ni Hozai.
20Iti casta ni Manases #2 Ar. 21:18.nakiturog cadagiti ammana, ket isu intabonda iti balayna met laeng: ket ni Amon nga anacna a lalaki nagari iti saadna.
21Ni #2 Ar. 21:19-24.Amon agtawen idi iti duapulo ket dua idi nangrugi a nagari, ket nagari bayat iti dua a tawen idiay Jerusalem.
22Ket inaramidna daydi a dakes iti imatang ni Jehova, a cas iti inaramid ni Manases nga amana; ket ni Amon nagidaton cadagiti amin a kinitikitan a #bil. 7. 2 Cron. 34:3, 4, 7.ladladawan nga inaramid idi ni Manases nga amana, ket nagservi cadacuada.
23Ket saan a nagpacumbaba iti sango ni Jehova a #bil. 12.cas iti panagpacumbaba ni Manases nga amana, no di ket daytoy met laeng nga Amon nagsalungasing ket umadadda nga umadadda.
24Ket dagiti ad-adipenna immalsada a maibusor kencuana, ket isu pinatayda iti balayna met laeng.
25Ngem dagiti tattao ti daga pinatayda amin dagidiay nga immalsa a maibusor ken ari Amon; ket dagiti tattao ti daga pinagarida ni Josias nga anacna iti saadna.
Currently Selected:
II CRONICAS 33: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society