II CRONICAS 31
31
Maisardeng ti panagrucbab cadagiti ladladawan. Dagiti linlinteg a maipapan cadagiti datdaton ken apagcapullo.
1Idi amin dagitoy nalpasdan, amin nga Israel nga adda idi a sisasango napanda cadagiti il-ili ti Juda, ket #2 Ar. 18:4.binuracda a pinispisi dagiti monmon, ket pinucanda dagiti Asera, ket rinebbada nga iniccat dagiti nangato a disdisso ken dagiti al-altar iti amin a Juda ken Benjamin, castamet iti Efraim ken Manases, inggana iti nadadaelda ida amin. Idin dagiti amin nga annac ti Israel nagsublida, tumunggal tao iti cucuana, cadagiti il-ilida met laeng.
2Ket ni Ezekias dinutocanna #1 Cron. 23:6; 24:1.dagiti pannacadasdasig dagiti papadi ken Levitas a mayannurot cadagiti pannacadasdasigda, tunggal tao a mayalubog iti annongna, dagiti papadi ken Levitas nga agpadpada, #1 Cron. 23:30, 31.gapu cadagiti datdaton a mapuuran ken gapu cadagti datdaton ti cappia, tapno agannong, ken tapno mangted iti panagyaman, ken agdaydayaw iti uneg dagiti ruangan ti pacarso ni Jehova.
3 Dinutocanna met ti apag ti ari iti cucuana a maipaay cadagiti datdton a mapuuran, #Num. 28:3-8.gapu iti binigat ken minalem a datdaton a mapuuran, ken cadagiti datdaton a mapuuran gapu cadagiti al-aldaw a #Num. 28:9, 10.panaginana, ken gapu cadagiti #Num. 28:11-15.lutuad, ken gapu cadagiti #Num. 28:16–30:1.nakedngan a fiesta, cas adda a naisurat iti linteg ni Jehova.
4Maysa pay imbilinna cadagiti tattao nga agnaed idi idiay Jerusalem ti pananangtedda iti apag dagiti papadi ken Levitas, #Num. 18:8-24. Neh. 13:10.tapno ipamaysada coma dagiti bagida met laeng iti #2 Cron. 35:2.linteg ni Jehova.
5Ket apaman a ti bilini naiwarragawag, dagiti annac ti Israel intedda a nawadwad dagiti umuna a bungbunga dagiti bucbukel, ken baro nga arac, ken lana, ken diro, ken iti amin a naapit iti away; ket ti apagcapullo ti amin a cucua inyegda a siwawadwad.
6Ket dagiti annac ti Israel ken Juda, a nagnaed cadagiti il-ili ti Juda, insangpetda met ti apagcapullo dagiti vacvaca ken carcarnero, ken #Lev. 22:30. Deut. 14:28.ti apagcapullo dagiti cucua a naipaay a naconsagrarda ken Jehova a Diosda, ket incabilda ida a pinempen.
7Iti maicatlo a bulan nangrugida a nangbangon cadagiti pempen; ket lineppasda ida iti maicapito a bulan.
8Ket idi ni Ezekias ken dagiti pangpangoloen immayda ket nakitada dagiti pinempen binenditoda ni Jehova, ken ti ilina nga Israel.
9Idin ni Ezekias inintuudna cadagiti papadi ken Levitas ti maipapan cadagiti pempen.
10Ket ni Azarias a cangatoan a padi, a nagtaud iti #1 Cron. 8:8.balay ni Sadoc, simmungbat kencuana ket kinunana, Nanipud idi panangrugi dagiti tattao a nangyeg cadagiti datdaton iti balay ni Jehova, nangancami ket adda umanay, ket natidda ti adu: ta ni Jehova binendicionanna ti ilina; ket dayta a natidda isu daytoy dackel a pinempen.
11Idin ni Ezekias imbilinna ti pannacaisagana dagiti #2 Ar. 23:11.sagumbi iti balay ni Jehova; ket insaganada ida;
12Ket inserrecda dagiti datdaton ken dagiti apagcapullo ken cucua a naipaay a sitatalec. Ket cadagidiay ni Conanias a Levita isu ti #2 Cron. 36:9. Neh. 13:13.agturay, ket ni Simi a cabsatna isu ti maicadua;
13Ket da Jahiel, Azzaias, ken Nahat, ken Asael, Jerimot, ken Josabad, ken Eliel, Ismakias, Mahaat, ken Banaias, nagaywanda babaen ti panangidalan da Conanias ken ni Simi a cabsatna, iti panagidutoc da Ezekias nga ari ken ni Azarias nga agturay iti balay ti Dios.
14Ket ni Core nga anac a lalaki ni Imna a Levita, nga agaywan iti akindaya a ruangan, nagaywan cadagiti datdaton ti sibubulos a nakem iti Dios, tapno iwarasna dagiti datdaton ken Jehova, ken dagiti casasantoan a banbanag.
15Ket addada iti babaenna da Eden, Miniamin, ken Jesua, ken Semeias, ni Amarias, ken ni Secanias #Jos. 21:9-19.cadagiti il-ili dagiti papadi, iti akemda a mapagtalcan, a mangted cadagiti cacabsatda #1 Cron. 9:22.iti pannacadasdasigda, iti dackel a cas met iti bassit:
16Sabali laeng dagidiay a naibilang idi cadagiti capuonan dagiti lallaki, manipud iti agtawen iti tallo ken agpangato, tumunggal maysa met laeng a simrec iti balay ni Jehova, a cas masapul idi gapu iti rebbengen iti tunggal aldaw a maipaay iti panagannongda cadagiti akemda a mayannurot cadagiti pannacadasdasigda:
17Ken dagidiay a naibilang idi cadagiti capuonan dagiti papadi cadagiti balbalay dagiti ammada, ken dagiti Levitas #1 Cron. 23:24.manipud iti agtawen iti duapulo ken agpangato, cadagiti akemda cadagiti pannacadasdasigda;
18Ken dagidiay a naibilang idi cadagiti capuonan dagiti amin a babassitda, assawada, ken annacda a lallaki ken babai, iti amin a gimong: ta iti akemda a mapagtalcan sinantificarda dagiti bagida met laeng iti kinasanto.
19Castamet maipaay cadagiti annac a lallaki ni Aaron a padi nga adda idi cadagiti #Lev. 25:31.taltalon dagiti palpalosot dagiti il-ilida, iti tunggal ili #bil. 12-15. Num. 1:17. 2 Cron. 28:15.adda idi dagiti lallaki a nainagananda, tapno mangted cadagiti ap-apag cadagiti amin a lallaki cadagiti papadi, cadagiti amin a naibilang idi cadagiti capuonan dagiti Levitas.
20Ket casta ti inaramid ni Ezekias iti amin a Juda; ken #2 Ar. 18:3; 20:3.inaramidna daydi a nalinteg ken naimbag ken mapagtalcan iti sango ni Jehova a Diosna.
21Ket ti tunggal aramid nga inrugina iti panagannong iti balay ti Dios, ken iti linteg, ken cadagiti bilbilin tapno agsapul iti Diosna, inaramidna iti amin a pusona, ket rimmang-ay.
Currently Selected:
II CRONICAS 31: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society