II CRONICAS 29
29
Panagari ni Ezekias; dagiti panagbalbaliwna. Dagiti Levitas dalusanda ti templo. Maidatag dagiti datdaton.
1Ni Ezekias nangrugi a #2 Ar. 18:1-3.nagari idi agtawen iti duapulo ket lima; ket nagari idiay Jerusalem bayat iti duapulo ket siam a tawen: ket ti nagan ni inana Abia, nga anac a babai ni Zacarias.
2Ket inaramidna daydi a nalinteg cadagiti mata ni Jehova, cas mayalubog cadagiti isu-amin nga inaramid ni amana a David.
3Iti umuna a tawen ti panagarina, iti umuna a bulan, #bil. 7. 2 Cron. 28:24.linuctanna dagiti ruangan ti balay ni Jehova, ket pinatarimaanna ida.
4Ket impastrecna dagiti papadi ken Levitas, ket inurnongna ida iti nalawa a disso iti daya.
5Ket kinunana cadacuada, Denggendac, dacayo a Levitas; ita santificarenyo dagiti bagiyo met laeng, ket santificarenyo ti balay ni Jehova, a Dios dagiti ammayo, ket ipanyo ti kinarugit iti ruar ti nasantoan a disso.
6Ta dagiti ammatayo simmalungasingda, ket inaramidda daydi a dakes iti imatang ni Jehova a Diostayo, ket isu binaybay-anda, ket imbawingda dagiti rupada iti nagtaengan ni Jehova, ket timmallicudda.
7 #
2 Cron. 28:24. Casta met inrikepda dagiti ruangan ti balcon, ket ineddepda dagiti pagsilawan, ket saanda a pinuuran ti incienso wenno indatag dagiti datdaton a mapuuran iti nasantoan a disso iti Dios ti Israel.
8Gapuna a ti pungtot ni Jehova adda idi iti rabaw ti Juda ken ti Jerusalem, ket isu inyawatna ida a mayallaalla, tapno agbalinda a maysa a pacasdaawan, ket maysa a pagsanamtican, a cas makitayo cadagiti matayo.
9Ta, adtoy, dagiti #2 Cron. 28:5, 6, 8, 17.ammatayo napasagda iti campilan, ken dagiti annactayo a lallaki ken babbai ken dagiti assawatayo nacayawanda a maipanggep itoy.
10 #
2 Cron. 15:12. Ita ipapusoc ti makitulag ken Jehova, a Dios ti Israel, tapno ti narungsot a pungtotna maipanaw coma cadatayo.
11Annacco, saancayo coma a naliway; ta ni Jehova #Num. 3:6; 8:14; 18:2, 6.pinilinacayo nga agtacder iti sangona, nga agannong kencuana, ken tapno dacayo coma dagiti ministrosna, ken puuranyo ti incienso.
12Idin dagiti Levitas nagtacderda, da Mahat nga anac a lalaki ni Amasai, ken Joel nga anac a lalaki ni Azarias, cadagiti annac dagiti Coatitas; ken dagiti annac ni Merari, da Kis nga anac a lalaki ni Abdi, ken Azarias nga anac a lalaki ni Jehaleleel; ken cadagiti Gersonitas, da Joa nga anac a lalaki ni Zimma, ken Eden nga anac a lalaki ni Joa;
13Ken cadagiti annac a lallaki ni Elisafan, da Simri ken Jehiel; ken cadagiti annac a lallaki ni Asaf, da Zacarias ken Matanias;
14Ken cadagiti annac a lallaki ni Heman, da Jehiel ken Simi; ken cadagiti annac a lallaki ni Jedutun, da Semeias ken Uzziel.
15Ket inurnongda dagiti cacabsatda, ket #bil. 5, 34.sinantificarda dagiti bagida met laeng, ket simrecda a mayannurot iti bilin ti ari iti pannacaaramat dagiti sasao ni Jehova, tapno #Neh. 13:9.dalusanda ti balay ni Jehova.
16Ket dagiti papadi simrecda iti akinuneg a paset ti balay ni Jehova, tapno dalusanda, ket inruarda ti amin a kinarugit a nasaracanda iti templo ni Jehova agingga iti paraangan ti balay ni Jehova. Ket dagiti Levitas innalada, tapno ipanda idiay #2 Sam. 15:23.waig a Cedron.
17Ngarud nangrugida iti umuna nga aldaw ti umuna a bulan a nangsantificar, ket iti maicawalo nga aldaw ti bulan dimmanonda iti balcon ni Jehova; ket sinantificarda ti balay ni Jehova bayat iti walo nga aldaw: ket iti maicasangapulo ket innem nga aldaw ti umuna a bulan nalpasdan.
18Idin napanda ken Ezekias nga ari iti uneg ti palacio, ket kinunada, Dacami dinalusanmi ti amin a balay ni Jehova, ken ti altar a maipaay iti daton a mapuuran agraman cadagiti amin nga al-alicamenna, ken ti lamesaan ti tinapay ti pamarang agraman cadagiti amin nga al-alicamenna.
19Maysa pay #2 Cron. 28:24.amin dagiti al-alicamen, a ni ari Acaz iti panagarina imbellengna idi simmalungasing, insaganami ken sinantificarmi; ket, adtoy, addada iti sango ti altar ni Jehova.
20Idin ni Ezekias nga ari bimmangon a masapa, ket inurnongna dagiti pangpangoloen ti ili, ket simmang-atda iti balay ni Jehova.
21Ket inyegda ti #Esd. 6:17; 8:35.pito a vaca a lallaki, ken pito a carnero a lallaki, ken pito a cordero, ken pito a calding a lallaki a maipaay a #Lev. 4:14.daton gapu iti basol gapu iti pagarian ken gapu iti santuario ken gapu iti Juda. Ket binilinna dagiti papadi nga annac a lallaki ni Aaron a mangidatag cadacuada iti rabaw ti altar ni Jehova.
22Iti casta pinatayda dagiti vacvaca a lallaki, ket dagiti papadi innalada ti dara, ket inwarsida iti rabaw ti altar: ket pinatayda dagiti carnero a lallaki: ket inwarsida ti #Lev. 8:14, 15, 19, 24. 2 Cron. 35:11. Heb. 9:21.dara iti rabaw ti altar: pinatayda met dagiti cordero, ket inwarsida ti dara iti rabaw ti altar.
23Ket inyasidegda dagiti calding a lallaki a maipaay iti daton gapu iti basol iti sango ti ari ken ti gimong; #Lev. 4:15.impatayda dagiti imimada cadagidiay.
24Ket dagiti papadi pinatayda ida, ket inaramidda ti daton gapu ti basol iti dara iti rabaw ti altar, #Lev. 4:26.tapno agaramid iti pangabbong gapu iti amin nga Israel; ta ti ari imbilinna a ti daton a mapuuran ken ti daton gapu iti basol maaramidda coma gapu iti amin nga Israel.
25 #
1 Cron. 16:4; 25:6. Ket insaadna dagiti Levitas iti balay ni Jehova agraman cadagiti piangpiang, agraman salsalterio ken agraman ar-arpa a #1 Cron. 23:5; 25:1.mayalubog iti bilin ni David ken ni #1 Sam. 22:5.Gad a macakita iti masacbayan ti ari, ken ni #2 Sam. 12:1.Natan a mammadto; ta ti bilin naggapu ken Jehova iti pannacaaramat dagiti mammadto.
26Ket dagiti Levitas nagtacderda agraman cadagiti ig-igam ni David, ken dagiti papadi agraman cadagiti tororot.
27Ket ni Ezekias imbilinna ti panagidatag ti daton a mapuuran iti rabaw ti altar. Ket idi nairugi ti daton a mapuuran, nairugi met ti canta ken Jehova, ken dagiti tororot agraman pay cadagiti ig-igam ni David nga ari ti Israel.
28Ket ti amin a gimong nagcararag, ken dagiti cumacanta nagcantada, ken dagiti managtortororot nagpagunida; amin daytoy naituloy agingga iti nalpas ti daton a mapuuran.
29Ket idi nalpasda a nangidatag #2 Cron. 20:18.ti ari ken ti amin nga adda a naitallaong kencuana nagrucbabda ken nagcararagda.
30Maysa pay ni Ezekias nga ari ken dagiti pangpangoloen imbilinda cadagiti Levitas a cantaenda dagiti pangdayaw ken Jehova agraman cadagiti sasao da David, ken ni Asaf a macakita iti masacbayan. Ket kinantada dagiti panagdayaw a siraragsac, ket nagrucnoyda ket nagcararagda.
31Idin ni Ezekias simmungbat ket kinunana, Ita kinonsagraryon dagiti #Ex. 28:41. 2 Cron. 13:9.bagiyo met laeng ken Jehova; umadanicayo ken yegyo dagiti #Lev. 7:12. 2 Cron. 33:15.sacrificio ken datdaton a pagyaman iti balay ni Jehova. Ket ti gimong inyegda dagiti sacrificio ken datdaton a pagyaman; ket isu-amin a naaddaan iti puso a siaayat inyegda dagiti datdaton a mapuuran.
32Ket ti bilang dagiti datdaton a mapuuran nga inyeg ti gimong pitopulo a vaca a lallaki, sangagasut a carnero a lallaki, ken dua gasut a cordero: amin dagitoy naipaayda a daton a mapuuran ken Jehova.
33Ket ti naipaay idi innem a gasut a vacvaca a lallaki ken tallo ribu a carcarnero.
34Ngem dagiti papadi nakirangda, iti casta dida umanay a manglalat coma cadagiti amin a datdaton a mapuuran #Lev. 1:6. 2 Cron. 35:11.gapuna a dagiti cacabsatda a Levitas timmulongda cadacuada agingga iti nalpas ti aramid, ken agingga iti sinantificar dagiti papadi dagiti bagida met laeng; #2 Cron. 30:3, 24.ta dagiti Levitas nalinlintegda iti puso a mangsantificar cadagiti bagida met laeng ngem dagiti papadi.
35Ket dagiti datdaton a mapuuran nawadwadda, agraman iti #Lev. 3:1, 16.taba dagiti datdaton ti cappia, #Num. 15:5, 7, 10.ken agraman cadagiti datdaton a mainum a maipaay iti tunggal daton a mapuuran. Iti casta ti panagannong iti balay ni Jehova naornos idi.
36Ket ni Ezekias nagragsac, ken castamet amin a tattao, gapu iti daya a sinagana ti Dios a maipaay iti umili; ta ti banag naaramid idi a sikekel-laat.
Currently Selected:
II CRONICAS 29: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society