II CRONICAS 27
27
Panagari ni Joatam.
1Ni #2 Ar. 15:32-35.Joatam agtawen idi iti duapulo ket lima idi nangrugi a nagari; ket nagari bayat iti sangapulo ket innem a tawen idiay Jerusalem: ket ti nagan ni inana Jerusa nga anac a babai ni Sadoc.
2Ket inaramidna daydi a nalinteg cadagiti mata ni Jehova, a mayalubog iti amin nga inaramid idi ni amana nga Uzzias: nupay casta isu #2 Cron. 26:16.saan a simrec a nagbasol iti templo ni Jehova. Ket dagiti tattao nagbiagda pay laeng a sidadangkes.
3Binangonna ti #2 Ar. 15:35.akinngato a ruangan ti balay ni Jehova, ket iti bacud #2 Cron. 33:12. Neh. 3:26, 27; 11:21.ni Ofel binangonna ti adu.
4Maysa pay binangonna dagiti il-ili iti caturodan ti Juda, ken cadagiti cabakiran binangonna dagiti castillo ken tortorre.
5Nakigubat met iti ari dagiti annac ti Ammon, ket inabacna ida. Ket dagiti annac ti Ammon intedda kencuana iti daydi met laeng a tawen ti sangagasut a talento a pirac, ken sangaribu a casucat a trigo, ken sangapulo ribu a cebada. Iti casta met laeng a caadu dagiti annac ti Ammon intedda kencuana iti maicadua a tawen met, ken iti maicatlo.
6Iti casta ni Joatam bimmileg, gapu ta inornosna dagiti dalanna iti sango ni Jehova a Diosna.
7Ket ti matda cadagiti ar-aramid ni Joatam, ken amin a gubgubatna, ken dagiti dalanna, adtoy, naisuratda iti libro dagiti ar-ari ti Israel ken Juda.
8Isu agtawen idi iti duapulo ke lima idi nangrugi a nagari, ket nagari bayat iti sangapulo ket innem a tawen idiay Jerusalem.
9Ket ni Joatam #2 Ar. 15:38.nakiturog cadagiti ammana, ket isu intgabonda iti ili ni David; ket ni Acaz nga anacna a lalaki nagari iti saadna.
Currently Selected:
II CRONICAS 27: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society