I SAMUEL 9
9
Ni Saul birukenna dagiti asno ni amana. Mapan agsaludsod ken Samuel. Makicaan ken makisao ken ni Samuel.
1Adda idi maysa a lalaki ti Benjamin, a ti naganna #1 Sam. 14:51.Cis, nga anac a lalaki ni Abiel, nga anac a lalaki ni Seor, nga anac a lalaki ni Becora, nga anac a lalaki ni Afia, nga anac a lalaki ti maysa a Benjamita, maysa a lalaki a mannacabalin ken maingel.
2Ket isu addaan idi iti maysa nga anac a lalaki, a ti naganna Saul, maysa a lalaki nga agtutubo ken nataer: ket awan idi ti lalaki nga agtutubo a natataer ngem isu ti tengnga dagiti annac ti Israel: #1 Sam. 10:23.manipud iti abagana ken agpangato nataytayag idi ngem iti uray asinoman iti umili.
3Ket dagiti asno ni amana a Cis napucawda idi. Ket ni Cis kinunana ken Saul nga anacna a lalaki, Mangalaca itatta iti maysa cadagiti adipen ti cacuyogmo, ket tumacderca, ket inca biruken dagiti asno.
4Ket isu linasatna ti caturodan ti Efraim, ket linasatna ti daga ti #2 Ar. 4:42.Salisa, ngem dida ida nabirucan: idin linasatda ti daga ti Saalim, ket idiay awanda met idi: ket isu limmasat iti daga dagiti Benjamitas, ngem dida ida nabirucan.
5Idi nga immayda iti daga ti Suf, ni Saul kinunana iti adipenna nga adda idi kencuana, Umayca, ket agsublita coma, di la ket ta ni amac baybay-anna ti panangaluadna cadagiti asno, ket isu mapadanagto unay a gapu cadata.
6Ket isu kinunana kencuana, Adtoy ita, adda iti daytoy nga ili ti maysa a #Oc. 13:6.lalaki ti Dios, ket isu ti maysa a lalaki a nacagun-od iti dayaw; #1 Sam. 3:19.isu-amin a cunana maaramid a di bumurong: ita inta coma idiay; nalabit a mabalinna nga ibaga cadata ti maipapan iti pagnaan isu nga papananta coma.
7Idin kinuna ni Saul iti adipenna, Ngem, adtoy, no inta, ania ti #1 Ar. 14:3. 2 Ar. 4:42; 8:8.yegta iti lalaki? ta ti taraon nadadaelen cadagiti alicamenta, ket awan ti sagut a yegta iti lalaki ti Dios; ania ti adda cadata?
8Ket ti adipen simmungbat manen ken Saul, ket kinunana, Adtoy, adda iti imac ti apagcapat ti maysa a siclo ti pirac: daydiay itedconto iti lalaki ti Dios, tapno ibagana cadata ti dalanta.
9(Idi ugma iti Israel, #Gen. 25:22.no maysa a tao mapan idi agsaludsod iti Dios, castoy ti kinunana, Umaycayo ket intayo coma #2 Sam. 15:27. 1 Cron. 26:28; 29:29. 2 Cron. 16:7, 10. Isa. 30:10.macakita iti masacbayan; ta dagidiay naganenda ita iti Mammadto nagaladan idi ugma iti Macakita iti masacbayan.)
10Idin kinuna ni Saul idi adipenna, Naimbag ti cunam; umayca, inta coma. Iti casta napanda iti ili nga yan idi ti lalaki ti Dios.
11Idi a sumangsang-atda iti sang-atan nga agpa-ili, #Gen. 24:11.isuda nasaracanda dagiti babbalasang a rumrumuarda a mapan sumacdo iti danum, ket kinunada cadacuada, Adda ditoy ti macakita iti masacbayan?
12Ket isuda sinungbatanda ida, ket kinunada, Adda; adtoy, adda iti sangom: agdarasca ita, ta isu umay ita nga aldaw iti ili; ta dagiti tattao addaanda iti maysa a #1 Sam. 7:9, 17; 13:12; 16:2; 20:6, 29.sacrificio ita nga aldaw iti #1 Sam. 10:5. 1 Ar. 3:2, 4.nangato a disso.
13Apaman a dumtengca iti ili, dagus a masaracanyonto, iti sacbay ti yuulina iti nangato a disso a mangan; ta dagiti tattao didanto mangan agingga iti di umay, agsipud ta isu ti mangbendicion iti sacrificio; ket sadanto mangan dagidiay a maawis. Ita ngarud #bil. 27.sumang-atcayo; ta iti daytoy a tiempo isu masaracanyonto.
14Ket simmang-atda iti ili; ket idi a nacagtengda iti uneg ti ili, adtoy, ni Samuel rimmuar nga agturong cadacuada, tapno umuli iti nangato a disso.
15Ni #1 Sam. 15:1. D. Ara. 13:21.Jehova impaltiingna ken Samuel iti maysa nga aldaw iti sacbay ti yaay ni Saul, a kinunana,
16Intono bigat iti daytoy met laeng nga horas ibaonconto kenca ti maysa a lalaki a naggapu iti daga ti Benjamin, #1 Sam. 10:1.ket sica pulotamto daydiay tapno isu ti pangulo iti ilic nga Israel; ket isu isalacannanto ti ilic iti ima dagiti Filisteos: ta siac #Ex. 2:25; 3:7, 9.kinitac ti ilic, agsipud ta ti asugda immay caniac.
17Ket idi a ni Samuel nakitana ni Saul, ni Jehova kinunana kencuana, #1 Sam. 16:12.Adtoy, ti lalaki isu nga insaoc idi kenca! Daytoy met laeng ti addaanto iti panangituray iti ilic.
18Idin ni Saul dimmenna ken Samuel iti ruangan, ket kinunana, Dawatec kenca, ibagam coma caniac, no sadino ti yan ti balay ti macakita iti masacbayan.
19Ket ni Samuel simmungbat ken Saul, ket kinunana, Siac ti macakita iti masacbayan; umulica iti sangoc iti nangato a disso, ta dacayo makicaancayto caniac itoy nga aldaw: ket iti bigat palubosancanto a mapan, ket saoecto kenca amin nga adda ita pusom.
20 # bil. 3. Ket iti maipapan cadagiti asnom a napucaw idi maicatlo nga aldaw a napalabas, dica panunuten ida; ta nasaracandan. Ket iti siasino ti pacaipaayan ti amin a macalicaguman iti Israel? Saan aya a maipaay kenca, ken iti amin a balay ni amam?
21Ket ni Saul simmungbat ket kinunana, Saan aya a siac ti maysa a Benjamita, iti #Oc. 20:46, 47, 48.cababassitan cadagiti capcaputotan ti Israel? Ket ti #1 Sam. 15:17.familiac ti cababassitan dagiti amin a famfamilia ti caputotan ni Benjamin? Apayapay ngarud a saoem caniac iti castoy?
22Ket ni Samuel innalana da Saul ken ti adipenna, ket inserrecna ida iti laem, ket pinagtugawna ida idi lugar a cangatoan cadagiti a naawis, nga isuda idi dagiti agtallopulo a tattao.
23Ket ni Samuel kinunana iti aglutluto, Yegmo ti apag nga intedco kenca isu nga kinunac kenca, Isu ti isaadmo iti dennam.
24Ket ti aglutluto innalana ti #Ex. 29:22, 27. Lev. 7:32, 33.luppo, ken daydi nga adda iti rabawna, ket isu insaadna iti sango ni Saul. Ket ni Samuel kinunana, Adtoy, daydi a naidulin! isu isaadmo iti sangom ket canem; agsipud ta iti nadutocan a tiempo isu naidulin a maipaay kenca, ta kinunac, Siac nagawisac cadagiti tattao. Iti casta ni Saul nakipangan ken Samuel iti daydi nga aldaw.
25Ket idi immulogda a naggapu iti nangato a disso iti ili, isu nakisarita ken Saul iti #2 Sam. 11:2.toctoc ti balay.
26Ket isuda bimmangonda a nasapa: ket naaramid idi dandani agbannawag, a ni Samuel inayabanna ni Saul iti toctoc ti balay, a kinunana, Bumangonca, ta papanawenca. Ket ni Saul bimmangon, ket isuda rimmuarda a dua, isu ken ni Samuel.
27Idi a sumalsalogda iti pungto ti ili, ni Samuel kinunana ken Saul, Paunaem cadata dayta adipen (ket isu immuna), ngem sica agurayca nga #bil. 13.umuna, tapno ipangngegco kenca ti sao ti Dios.
Currently Selected:
I SAMUEL 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
