I AR-ARI 4
4
Dagiti pangpanguloen ni Salomon. Ti pannacabalinna, kinabacnangna, ken kinasiribna.
1Ket ni ari Salomon isu ti ari ti amin nga Israel.
2Ket dagitoy isuda dagiti pangpangoloen nga adda kencuana idi: ni Azarias nga anac ni Sadoc a #1 Cron. 6:10.padi;
3Ni Elioref ken ni Ahia nga annac ni Sisa nga escriba; ni Josafat nga #2 Sam. 8:17; 20:24.anac ni Ahilud a #2 Sam. 8:16.registrador;
4Ken ni Banaya nga #1 Ar. 2:35.anac ni Joiada nga agpangolo idi ti buyot; ken ni Sadoc ken ni Abiatar #1 Ar. 2:27.isuda dagiti papadi;
5Ken ni Azarias nga anac ni Natan isu ti agpangolo cadagiti agturturay; ken ni Zabud nga anac ni Natan isu ti cangronaan a ministro, ken #2 Sam. 15:37.pagayam ti ari;
6Ken ni Ahisar isu idi ti mayordomo; ken ni Adoniram nga #1 Ar. 5:14.anac ni Abda isu idi ti pangolo #1 Ar. 5:13; 12:4.dagiti tattao nga agtrabajo iti nadagsen.
7Ket ni Salomon adda sangapulo ket dua a pagaywanenna iti amin nga Israel, nga isuda ti mangtaraon iti ari ken iti sangacabbalayanna: ti tunggal lalaki rebbengna ti mangtaraon a macabulan iti macatawen.
8Ket dagitoy dagiti nagnaganda: Ni Benhur, iti caturodan ti Efraim;
9Ni Ben-decar, idiay Maccas, ken idiay Saalbim, ken idiay Bet-semes, ken idiay Elon-bet-hanan;
10Ni Ben-hesed, idiay Arubot; (kencuana maibiang ti Soco, ken amin a daga ti Efet);
11Ni Ben-abinadab, iti amin a tapaw ti Dor (adda kencuana ni Thafat nga asawana nga anac a babai ni Salomon);
12Ni Baana nga anac ni Ahilud, idiay Taanac ken Megiddo, ken iti amin a Betsan isu nga adda iti denna ti Zaretan, iti baba ti Jezreel, manipud Bet-san agingga iti Abelmehola, agingga iti labes ti Jocmeam;
13Ni Ben-geber, idiay Ramot-galaad (kencuana maibiang dagiti ili ni Jair nga anac a lalaki ni Manases, isu nga addada sadi Galaad; kencuana met maibiang ti sacup ti Argob, isu nga adda idiay Basan, innem a pulo a dadackel nga il-ili nga #Deut. 3:4. 2 Cron. 8:5.adda bacbacudda ken balbalunetda a gambang);
14Ni Abinadab nga anac ni Addo, idiay Mahanaim;
15Ni Ahimaas iti Neftali (isu innalana met ni Basemat nga asawana nga anac a babai ni Salomon);
16Ni Baana nga anac ni Husai iti Aser ken idiay Alot;
17Ni Josafat nga anac ni Farua iti Isacar;
18Ni Semei nga anac ni Ela, iti Benjamin;
19Ni Geber nga anac ni Uri iti daga ti Galaad, a daga da Sehon nga ari dagiti Amorreo #Deut. 3:8-10.ken Og nga ari ti Basan ken isu idi ti maymaysa nga agturay nga adda idiay a daga.
20Ket ti Juda ken ti Israel aduda a #bil. 29. Gen. 22:17.cas cadagiti darat nga adda iti igid ti baybay iti kinaruay, a mangmanganda, ken agiinumda ken agragragsacda.
21Ket ni Salomon nagturayanna amin dagiti pagpagarian #Gen. 15:18. 2 Cron. 9:25.manipud iti carayan agingga iti daga dagiti Filisteos, ken agingga iti beddeng ti Egipto: #1 Sam. 10:27. Sal. 72:10.isuda agipanda ti buis, ken nagservida ken Salomon cadagiti amin nga aldaw ti panagbiagda.
22Ket ti taraon ni Salomon iti maysa nga aldaw tallopulo a casucat a namayecmec nga harina, ken innem a pulo a casucat a bel-laay,
23Sangapulo a nalucmeg a vacvaca, ken duapulo a vacvaca, nga aggapu iti pagaraban, ken sangagasut a carcarnero, sabali laeng dagiti ug-ugsa, ken gasgacela, ken corcorzo, ken dagiti pinalucmeg a tumatayab.
24Ta isu adda turayna iti amin a sacup iti daytoy a bangir ti carayan, manipud Tafsa agingga iti Gaza met laeng, cadagiti amin nga ari iti daytoy a bangir ti carayan: ket isu adda idi talnana #1 Cron. 22:9. Jer. 23:61.iti amin a sikigan nga agliclicmut kencuana.
25Ket ti Juda ken ti Israel agnaedda a sitatalged, ti #Mik. 4:4. Zac. 3:10.tunggal maysa iti siroc ti uvasna ken iti siroc ti higosna #2 Sam. 3:10.manipud Dan agingga iti Beerseba, cadagiti amin nga aldaw ni Salomon.
26Ket ni Salomon adda uppat a pulo a ribu a cabcabayona cadagiti caballeriza a maipaay cadagiti lugluganna, #1 Ar. 10:26. 2 Cron. 1:14; 9:25.ken sangapulo ket dua a ribu a lallaki nga agcabayo.
27Ket dagidiay nga agtuturay a #bil. 5.mangtaraon ken ari Salomon, ken cadagiti amin a mapan iti lamesaan ni ari Salomon, tunggal lalaki iti bulanna; saanda a binaybay-an nga agcurang ti aniaman.
28Cebada pay ken garami a maipaay cadagiti cabcabayo ken cadagiti cabcabayo a nasiglat ipanda iti disso a yan dagiti agtuturay tunggal lalaki a mayannurot iti pannacacumitna.
29Ket ti Dios iniccanna ni Salomon iti kinasirib ken #1 Ar. 3:12.pannacaawat a casta unay, ken kinalawa ti puso, a cas iti darat met laeng nga adda iti igid ti baybay.
30Ket ti kinasirib ni Salomon gundawayanna ti kinasirib #Oc. 6:3.ti amin nga annac a taga daya, ken ti amin a kinasirib ti #D. Ara. 7:22.Egipto.
31Ta isu nasirsirib ngem dagiti amin a tattao: a nangnangrona #1 Ar. 3:12.ngem ni Etan nga #1 Cron. 15:17, 19. Sal. 89.Ezrahita, ken ni Eman, ken ni Calcol, ken ni Darda, nga annac ni Mahol: ket ti dayawna adda a naisacnap cadagiti amin a nasnacion nga agliclicmut.
32Ket isu nangisao cadagiti tallo ribu a proverbios, ket dagiti cancancionna sangaribuda ket lima.
33Nagsao met ti maipanggep cadagiti caycayo, manipud iti cantingen nga adda iti Libano agingga iti hisopo nga agtubtubo iti bacud: nagsao met ti maipanggep cadagiti animal ken cadagiti tumatayab, ken cadagiti agay-ayam, ken cadagiti ican.
34Ket dagiti naggapu cadagiti amin nga ili immayda nga agdengngeg iti kinasirib ni Salomon #1 Ar. 10:1. 2 Cron. 9:23.nanipud cadagiti amin nga ar-ari ti daga, isuda a nacangngeg ti maipapan ti kinasiribna.
Currently Selected:
I AR-ARI 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
