I AR-ARI 2
2
Ti panangbilin ni David ken ni Salomon. Ipapatay ni David. Ni Adonia cayatna nga asawaen ni Abisag, ngem papatayen ni Salomon, casta met nga iccatenna ni Abiathar iti saadna ket papapatayna ni Joab. Pannacapatay ni Semei.
1Ngem dagiti aldaw nga ipapatay ni David immasidegdan ket incumitna ken Salomon nga anacna, a kinunana,
2Siac agturturungacon iti dalanen ti isu-amin a daga: #Jos. 23:14.bumilegca ngarud, ket aglalakica;
3Ket aluadam ti incumit ni Jehova a Diosmo, a magnaca cadagiti daldalanna, a salimetmetam dagiti al-alagadenna ken dagiti bilbilinna, ken dagiti linlintegna, ken dagiti pammanecnecna, a mayannurot iti adda a naisurat iti linteg ni Moises, tapno rumangayca iti amin nga aramidem, ken uray sadino a pagsublisubliam;
4Tapno ni Jehova pasingkedanna coma ti saona a sinaona a maipanggep caniac, a #2 Sam. 7:25.kinunana, No dagiti annacmo aluadanda #Sal. 132:12.ti dalanda, a magnada iti sangoc iti kinapudno a buyogen ti amin a #2 Ar. 20:3.pusoda ken buyogen ti amin a cararuada, #2 Sam. 7:12, 13.dicanto macurangan (kinunana) iti maysa a lalaki iti trono ti Israel.
5Maysa pay sica ammom met ti inaramid caniac ni Joab nga #2 Sam. 18:5.anac ni Sarvia, ti inaramidna met laeng cadagiti dua a cacapitan dagiti buybuyot ti Israel, ni Abner nga #2 Sam. 3:27, 39.anac ni Ner, ken ni Amasa nga #2 Sam. 20:10.anac ni Jeter, isuda a pinatayna, ket nangibuyat ti dara ti pannakigubat iti bayat ti kinatalna, ket nangicabil ti dara ti pannakigubat iti barikes nga adda idi cadagiti lomona, ken cadagiti zapatos nga adda idi cadagiti sacana.
6Aramidem ngarud ti mayannurot iti kinasiribmo, ket dica ipalubos a ti ubanan nga olona bumaba a sitatalna iti Tanem.
7Ngem ipakitam ti caasi cadagiti annac ni Barzillai a #2 Sam. 19:31, 38.Galaadita, ket maibilangda coma cadagiti mangan iti lamesaanmo; #2 Sam. 9:7, 10; 19:28; 17:27.ta iti castoy immasidegda caniac idi itartarayac ni Absalom a cabsatmo.
8Ket, adtoy, adda kenca ni Semei nga #2 Sam. 16:5.anac ni Gera a Benjamita, a taga Behurim, isu a nangilunod caniac iti nacaro a panangilunod idi aldaw a napanac sadi Mahanaim; ngem isu #2 Sam. 19:18.simmalog a simmabet caniac idiay Jordan, ket sinapataac kencuana gapu ken Jehova, a kinunac, Saancanto a papapatay iti campilan.
9 #
Ex. 20:7. Ita nupay casta isu dica ibilang nga awanan biddut, ta lalakica a masirib; ket ammomto ti rebbengmo nga aramiden kencuana, ket pagbabaemto ngarud ti ubanan nga olona a sidadara iti tanem.
10 #
1 Ar. 1:21. Ket ni David nakiturog cadagiti ammana, ket naitabon iti #2 Sam. 5:7.ili ni David.
11Ket dagiti aldaw a panagari ni David iti Israel uppat a puloda a tawen: idiay Hebron nagari iti #2 Sam. 5:4, 5. 1 Cron. 29:26, 27.pito a tawen, ket idiay Jerusalem nagari iti tallo pulo ket tallo a tawen.
12Ket ni Salomon nagtugaw iti trono ni David nga amana; #1 Cron. 29:23.ket ti pagarianna napasingkedan unay.
13Idin ni Adonia nga anac ni Haggit napan ken Bat-seba nga ina ni Salomon: ket ni Bat-seba kinunana kencuana, Immayca a sicacappia? #1 Sam. 16:4.Ket isu kinunana, Sicacappia.
14Isu kinunana pay, Adda maysa a banag nga ibagac kenca: ket ni Bat-seba kinunana, Ibagam.
15Ket isu kinunana: Sica ammom a ti pagarian cucuac idi, ket ti amin nga Israel intaliawda ti rupada caniac, tapno agariac coma: nupay casta ti pagarian naisubli, ket nagbalin a cucua ni cabsatco; ta isu #1 Cron. 22:9, 10; 28:5-7.cucuana idi gapu ken Jehova.
16Ket ita kiddawec kenca ti maysa a dawat; dinac paiden. Ket isu kinunana kencuana, Ibagam.
17Ket isu kinunana, Dawatec kenca, Agsaoca, ken Salomon nga ari (ta isu dinacanto paiden), nga itedna caniac ni Abisag a #1 Ar. 1:3, 4.Sunamita nga asawaec.
18Ket ni Bat-seba kinunana, Naimbag; isaocanto iti ari.
19Ni Bat-seba ngarud napan ken ari Salomon, a makisao kencuana a maipanggep ken Adonia. Ket ti ari timmacder a simmabet kencuana, ket nagrucnoy kencuana, ken nagtugaw iti tronona, ket nagpaicabil iti maysa a trono a pagtugawan ti ina ti ari; ket ni Bat-seba nagtugaw iti #Sal. 45:9.macanawan nga imana.
20Idin isu kinunana, Siac kiddawec kenca ti maysa a bassit a dawat; dinac paiden. Ket ti ari kinunana kencuana, Agdawatca, inac; ta dicanto paiden.
21Ket isu kinunana, Itedmo coma ni Abisag a Sunamita ken Adonia a cabsatmon a lalaki ta asawaenna.
22Ket ni ari Salomon simmungbat ket kinunana ken inana, Ket ania a panggep ti pangkiddawam ken Abisag a Sunamita a maipaay ken Adonia? Kiddawem met a maipaay kencuana ti pagarian; #1 Ar. 1:6. 1 Cron. 3:2, 5.ta isu ti inauna a cabsatco a lalaki; wen, maipaay kencuana, ken maipaay ken Abiatar a padi, ken maipaay ken #1 Ar. 1:7.Joab nga anac ni Sarvia.
23Idin ni ari Salomon sinapataanna gapu ken Jehova, a cunana, Castoy coma ti aramiden caniac ti Dios, ken #Rut. 1:17.adadda pay, no ni Adonia dina kinuna daytoy a sao a maibusor iti biagna met laeng.
24Ita ngarud cas ni Jehova, sibibiag isu a nangisaad caniac ken nangipatugaw iti trono ni David nga amac, ken isu a namagbalin caniac a maysa a balay, a cas incarina, #2 Sam. 7:11, 13. 1 Cron. 22:10.di bumurong a ni Adonia #1 Ar. 1:52.mapapatayto ita nga aldaw.
25Ket ni ari Salomon nagbaon iti pannacaaramat ni #2 Sam. 8:18.Banaya nga anac ni Joiada; ket isu dinuclosna ni Adonias, iti casta isu natay.
26Ket ti ari kinunana ken Abiatar a padi: Inca sadi Anatot, #Jos. 21:18.cadagiti bucudmo a talon; ta maicarica a matay: ngem iti daytoy a tiempo dicanto papatayen, ta inawitmo ti lacasa ni Apo Jehova iti sango ni David nga amac #2 Sam. 15:24, 29.ken agsipud ta #1 Sam. 22:20, 23.naparigatca iti amin a nacarigatan ni amac.
27Iti casta ni Salomon iniccatna ni Abiatar iti kinapadi ken Jehova, tapno isu matungpalna ti sao ni Jehova nga isu insaona a maipanggep iti balay ni #1 Sam. 2:31-35.Eli sadi Silo.
28Ket dagiti damdamag dimtengda ken Joab; ta ni Joab #1 Ar. 1:7.simmurot idi ken Adonia #2 Sam. 17:25; 18:2.nupay saan a simmurot idi ken Absalom. Ket ni Joab #1 Cron. 16:39; 21:30. 2 Cron. 1:3.nagtaray a napan iti Tabernaculo ni Jehova, ket kimpet cadagiti sarsara #1 Ar. 1:50.ti altar.
29Ket naibaga ken ari Salomon: Ni Joab nagtaray a napan iti Tabernaculo ni Jehova, ket, adtoy, adda iti abay ti altar. Idin ni Salomon imbaonna ni Banaya nga anac ni Joiada, a cunana, Inca, isu duclusem.
30Ket ni Banaya immay iti Tabernaculo ni Jehova, ket kinunana kencuana, Castoy ti cuna ti ari: Rumuarca ditoy. Ket isu simmungbat, Saan; ngem matayacto ditoy. Ket ni Banaya impanna pay iti ari ti sungbat, a cunana, Castoy ti kinuna ni Joab, ket castoy ti insungbatna caniac.
31Ket ti ari kinunana kencuana, Aramidem ti cas kinunana, ket isu duclusem, ket itabonmo; tapno mairuarmo ti #Num. 35:33. Deut. 19:13; 21:8, 9.dara, isu a ni Joab imbuyatna nga awan gapuna, caniac ken iti balay ni #2 Sam. 3:27, 39.amac.
32Ket ni Jehova pasubliennanto ti darana iti olona met laeng, ta dinuclosna ti dua a lallaki a nasingsingpet ken naimimbag ngem isu, ket pinatayna ida iti campilan, ket ni amac a David isu ti dina naammoan, nga ammoen, ni Abner nga #2 Sam. 20:10.anac ni Ner, a capitan ti buyot ti Israel, ken ni Amasa nga anac ni Jeter, a capitan ti buyot ti Juda.
33Iti casta agsublinto coma ti darada iti olo ni Joab, ken iti olo ti caputotanna iti agnanayon: #2 Sam. 3:29.ngem ken David, ken iti #Prov. 25:5.caputotanna, ken iti balayna, ken iti tronona, addanto coma talna nga agnanayon nga aggapu ken Jehova.
34Idin ni Banaya nga anac ni Joiada simmang-at, ket dinuclosna, ket isu pinatayna; ket isu naitabon iti #1 Sam. 25:1.balayna met laeng iti let-ang.
35Ket ti ari #1 Cron. 29:22.incabilna ni Banaya nga anac ni Joiada a casunona iti buyot; ket ni Sadoc a padi insaad ti ari, a #bil. 27.casuno ni Abiatar.
36Ket ti ari nagbaon ket pinaayabanna ni Semei, ket #bil. 8.kinunana kencuana, Mamutarca iti maipaay kenca ti maysa a balay ditoy Jerusalem, ket agnaedca idiay, ket dica rumuar sadiay a mapan iti uray sadino a disso.
37Ta iti aldaw nga iruruarmo, ket ballasiwem ti waig a Cedron, #2 Sam. 25:39.ammoem a pudno a sica mataycanto a di-bumurong: ti daram addanto ita #2 Sam. 1:16.olom met laeng.
38Ket ni Semei kinunana iti ari, Ti sao naimbag: ti cas kinuna ti ari nga apoc, castanto ti aramiden ti adipenmo. Ket ni Semei nagnaed sadi Jerusalem iti adu nga aldaw.
39Ket naaramid iti calpasan ti tallo a tawen, a dua nga ad-adipen ni Semei nagtalawda a napan ken Aquis nga #1 Sam. 27:2.anac a lalaki ni Maaca, nga ari ti #1 Sam. 17:4.Gat. Ket imbagada ken Semei, a kinuna, Adtoy, dagiti ad-adipenmo addada sadi Gat.
40Ket ni Semei timmacder ket sinillaanna ti asnona, ket napan sadi Gat ken Aquis, nga agsapul cadagiti ad-adipenna; ket nagawid ni Semei, ket incuyogna dagiti ad-adipenna manipud Gat.
41Ket naibaga ken Salomon a ni Semei napan sadi Gat manipud Jerusalem, ket sa nagsubli.
42Ket ti ari nagbaon ket pinaayabanna ni Semei, ket kinunana kencuana, Diac aya sinapataan kenca gapu ken Jehova, ken impaduyacyac kenca, a cunac, Ammoem a pudno nga iti aldaw nga iruruarmo, ket magnaca iti ruar iti uray sadino, sica di bumurong a mataycanto? Ket sica kinunam caniac, Ti sao a nangngegco naimbag.
43Apayapay ngarud a dica tinungpal ti sapata ken Jehova, ken ti bilin nga incumitco kenca?
44Ti ari kinunana pay ken Semei, Sica #2 Sam. 16:5.ammom amin a kinadakes isu nga ammo a naimbag ta pusom, isu nga inaramidmo ken David nga amac: ni Jehova #1 Sam. 25:39.ngarud pagsublienna coma ti kinadakesmo ita olom met laeng.
45Ngem ni ari Salomon nagasatto, ket ti trono ni David mapasingkedanto iti sango ni Jehova iti agnanayon.
46Iti casta ti ari binilinna ni Banaya nga anac ni Joiada; ket isu rimmuar, ket isu ti dinuclosna, ket iti casta natay. Ket ti pagarian napasingkedan iti ima ni Salomon.
Currently Selected:
I AR-ARI 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
