I JUAN 5

Ti panamati ken Cristo ken dagiti bungana:—Dagiti tal-lo a sacsi.

1Siasinoman a mamati a ni #1 Juan 2:22.Jesus isu ti Cristo, #Juan 1:13.nabukel iti Dios; ket siasinoman #Juan 8:42.nga agayat iti nangbukel, ayatenna met ti nabukel kencuana.

2Daytoy ti pacaammoantayo nga ayatentayo dagiti annac ti Dios, no ayatentayo ti Dios, ket salimetmetantayo dagiti bilbilinna.

3Ta #Juan 14:15.daytoy ti ayat ti Dios, a tungpalentayo coma dagiti bilbilinna; #Mat. 11:30.ket dagiti bilbilinna saanda a macapadagsen.

4Ta ti aniaman a mabukel iti Dios, parucmaenna ti lubong #1 Juan 4:4.ket daytoy ti panagbal-ligi a pangparucma iti lubong isu ti pammatitayo.

5Ket siasino ti mangparmec iti lubong, no di daydiay mamati a #1 Cor. 15:57. 1 Juan 4:15.ni Jesus isu ti Anac ti Dios?

6Daytoy daydi immay gapu iti danum ken dara, nga isu ni Jesu-Cristo: #Juan 19:34.saan nga iti danum laeng, no di ket iti danum ken dara.

7Ket ti Espiritu ti mangted ti pangpanecnec, #Juan 15:26.gapu ta ti Espiritu ti pudno.#Ta tal-lo dagiti mangsacsi idiay langit, ti Ama, ti Verbo ken ti Espiritu Santo, ket dagitoy tal-lo maymaysada.

8Ket tal-lo dagiti mangsacsi, ti Espiritu ken ti danum ken ti dara, ket dagitoy tal-lo agdadangayda iti maymaysa a panangsacsi.

9 # Juan 5:34, 36; 8:17. No awatentayo ti pammanecnec dagiti tattao, ti pammanecnec ti Dios dacdackel; ta daytoy ti pammanecnec ti Dios, #Mat. 3:17.nga pinanecnecanna nga Anacna.

10Ti mamati iti Anac ti Dios #Rom. 8:16. Apoc. 12:17; 19:10.addaan ti pammanecnec: ti saan a mamati iti Dios, #1 Juan 1:10.isu pinagbalinna nga ulbod, ta saanna a pinati ti pammanecnec nga inted ti Dios a maipapan iti Anacna.

11Ket daytoy isu ti pammanecnec: A ti Dios iniccannatayo iti #1 Juan 2:25.biag nga agnanayon, #Juan 1:4. 1 Juan 4:9.ket daytoy a biag adda iti Anacna.

12 # Juan 3:15, 36; 4:24; 6:40, 47. Ti agicut iti Anac, adda biagna; ti saan nga mangupicup iti Anac ti Dios, awan kencuana ti biag.

Ti Dios ipangagnatayto, no ti dawatentayo mayannurot iti pagayatanna.

13 # Juan 20:31. Dagitoy a banbanag insuratco cadacayo, tapno maammoanyo nga addaancayo ti biag nga agnanayon: cadacayo a mamati iti nagan ti Anac ti Dios.

14Ket daytoy ti adda cadatayo a #1 Juan 3:21.panagtalec kencuana, a no adda aniaman a dawatentayo a #Rom. 8:27. Sant. 4:3.mayannurot iti pagayatanna, isu denggennatayo:

15Ket no ammotayo a denggennatayo iti isu-amin a dawatentayo kencuana, ammotayo nga awatentayo dagiti dinawattayo kencuana.

16No ti maysa a tao makitana ni cabsatna nga agbasbasol iti maysa a basol a saan a maipaay iti ipapatay, rebbengna nga idawdawat, ket ti Dios #Sant. 5:15.iccannanto ti biag; cayatna a sao-en, dagiti agbasol a saan a maipaay iti ipapatay. #Mat. 12:31, 32. Heb. 6:4, 6; 10:26.Adda basol a maipaay iti ipapatay saan a daytoy ti cunac nga idawdawatto.

17Isu-amin a #1 Juan 3:4.kinakil-lo basol; ket adda basol a saan a maipaay iti ipapatay.

18Ammotayo a ti siasinoman a nabukel iti Dios, saan nga agbasol #1 Juan 3:9.no di ket, ti nabukel iti Dios agannad, ket ti dakes saan a sumagid kencuana.

19Ammotayo a datayo tattaonatayo ti Dios, #Gal. 1:4.ket ti isu-amin a lubong adda iti babaen ti dakes.

20Ket ammotayo a ti Anac ti Dios immay, ket iniccannatay ti pannacaawat, tapno #Juan 17:3. Apoc. 3:7, 14; 19:11.mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti #1 Juan 1:2.biag nga agnanayon.

21Annacco a dongdongngoen, #1 Cor. 10:14.igagayo dagiti bagbagiyo cadagiti didiosen.

Currently Selected:

I JUAN 5: TB1973

Highlight

Copy