ZACARIAS 5
5
Ang Linukut nga Nagalupad
1Niyan ginbayaw ko liwat ang akon mga mata kag nakakita, kag yari karon, ang linukut nga nagalupad! 2Kag nagsiling sia sa akon, “Ano bala ang nakita mo?” Nagsabat ako, “Nakita ko ang linukut nga nagalupad; ang iya kalabaon duha ka pulo ka maniko, kag ang iya kasangkaron napulo ka maniko.” 3Niyan nagsiling sia sa akon, “Ini amo ang pagkamalaut nga nagagowa sa kadaygan sang bug-os nga duta; kay ang tagsatagsa nga nagapangawat utdon sa isa ka kilid sono sa sini, kag ang tagsatagsa nga nagasumpa utdon sa pihak nga kilid sono sa sini. 4Pagowaon ko ini, nagasiling ang Ginoo sang mga kasoldadosan, kag magasulud ini sa balay sang makawat, kag sa balay sang nagasumpa sing dimatuud sa akon ngalan; kag magapabilin ini sa tunga sang iya balay kag magaupus sini, pati sang iya mga pasagi kag sang iya mga bato.”
Ang Babayi sa Sulud sang Efa
5Niyan ang manugtunda nga nagpakighambal sa akon naggowa kag nagsiling sa akon, “Bayawa karon ang imo mga mata, kag tan-awa kon ano ining nagagowa.” 6Kag ako nagsiling, “Ano bala ini?” Sia nagsiling, “Ini amo ang efa, nga nagagowa.” Labut pa nagsiling sia, “Ini amo ang dagway nila sa bug-os nga duta.” 7Kag yari karon, may ginbayaw nga isa ka talanton nga tingga, kag ini amo ang babayi nga nagalingkod sa sulud sang efa! 8Kag nagsiling sia, “Ini amo ang Pagkamalaut.” Kag gindasuk niya sia sa sulud sang efa, kag ginpus-ang niya ang kabug-at sang tingga sa baba sini. 9Niyan ginbayaw ko ang akon mga mata kag nakakita, kag yari karon, nga may naggowa nga duha ka babayi! Ang hangin yara sa ila mga pakpak; karon may mga pakpak sila kaangay sang mga pakpak sang dugwak, kag ginbayaw nila ang efa sa ulut sang duta kag langit. 10Niyan nagsiling ako sa manugtunda nga nagpakighambal sa akon, “Diin bala nila ginadala ang efa?” 11Nagsiling sia sa akon, “Sa pagpatindug sa iya sing balay sa duta sang Sinar; kag kon ini nahanda na, didto ipahamtang sia sa iya kaugalingon nga duug.”
Currently Selected:
ZACARIAS 5: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
