MIQUEAS 6
6
Ang Pagpakigsuay sang Ginoo batok sa Israel
1Pamatii ninyo karon ang ginasiling sang Ginoo;
Tindug, pakigsuay ka sa atubangan sang mga bukid,
kag pabati-a ang kabakoloran sang imo tingug.
2Pamati, O kamo nga mga bukid, sang kasaba sang Ginoo,
kag kamo nga nagapadayon nga mga sadsaran sang duta;
kay may kasaba ang Ginoo sa iya katawohan,
kag magapakigsuay sia sa Israel.
3“O katawohan ko, ano bala ang mahimo ko sa imo?
Sa diin bala ginpatak-an ko ikaw?
Magpamatuud batok sa akon!
4Kay ginpataklad ko ikaw gikan sa duta sang Egipto,#Ex. 12:50-51.
kag gintubus ikaw gikan sa balay sang kahiolipnan;
kag ginpadala ko sa una nimo si Moises,
si Aaron,#Ex. 4:10-16. kag si Miriam.#Ex. 15:20.
5O katawohan ko, panumduma karon kon ano ang ginpahito ni Balak nga hari sang Moab,
kag ang ginsabat sa iya ni Balaam nga anak ni Beor,#Num. 22:2–24:25.
panumduma kutub sa Sitim tubtub sa Gilgal,#Jos. 3:1–4:19.
agud nga makakilala kamo sang matarung nga mga binuhatan sang Ginoo.”
Ang Ginakinahanglan sang Ginoo
6Sa ano bala magaatubang ako sa Ginoo,
kag magayaub ako sa atubangan sang Dios nga mataas?
Magakara ako bala sa atubangan niya nga may mga halad-nga-sinonog,
nga may mga tinday nga isa ka tuig?
7Mahamuut bala ang Ginoo sang linibo nga mga carnero nga lalaki,
ukon sang linaksa nga mga suba nga lana?
Ihatag ko bala ang akon panganay tungud sa akon paglalis,
ang bunga sang akon lawas tungud sa sala sang akon kalag?”
8Napahayag niya sa imo, O tawo, ang maayo;
kag ano bala ang ginakinahanglan sa imo sang Ginoo
kondi ang paghimo sing matarung, kag ang paghigugma sang kalolo,
kag ang paglakat sing mapainubuson upud sa imo Dios?
9Ang tingug sang Ginoo nagasinggit sa banwa—
kag ang tawo sang kaalam makakita sang imo ngalan:
“Pamatii ninyo ang bilogon kag sin-o ang nagpat-ud sini!
10May mga bahandi pa bala sang pagkamalaut sa balay sang malauton,
kag kulang nga sulukban nga kangil-aran?
11Manginputli bala ako upud sa timbangan nga malaut
kag upud sa puyo sang mga itilimbang nga malimbongon?
12Kay ang iya manggaranon nga mga tawo puno sang panglugus;
ang iya mga pumuluyo nagpamolong sing kabutigan,
kag ang ila dila malimbongon sa ila baba.
13Busa ako man nagpilas sa imo sa malala nga pilas,
ginpamingaw ko ikaw bangud sang imo mga sala.
14Magakaon ka, apang indi mabusug,
kag ang imo kamusmusan manginsa tunga nimo;
magapain ka, apang indi makasuput,
kag ang imo nasuput itugyan ko sa espada.
15Magasab-ug ka, apang indi makaani;
magalinas ka sing mga olivo, apang indi ka makahaplas sing lana;
sang patubas sang uvas, apang indi makainum sang alak.
16Kay ang mga palatukuran ni Omri#1 Hari 16:23-28. natipigan,
kag ang tanan nga binuhatan sang panimalay ni Acab;#1 Hari 16:29-34; 21:25-26.
kag naglakat kamo sa mga laygay nila;
agud nga mahimo ko ikaw nga mamingaw, kag ang imo mga pumuluyo nga panagutsutan;
kag magaantus kamo sang kahuluy-an sang akon katawohan.”
Currently Selected:
MIQUEAS 6: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
