MATEO 10

Si Jesus Nagapili sang Napulog Duha

(Mar. 3:13-19; Luc. 6:12-16)

1Kag gintawag niya sa iya ang iya napulog duha ka gintoton-an kag ginhatagan sila sing pagbulut-an sa mga espiritu nga dimatinlo, sa pagsobol sa ila, kag sa pagpang-ayo sang tanan nga balatian kag tanan nga masakit. 2Ang mga ngalan sang napulog duha ka pinadala amo ini: ang nahauna, si Simon, nga ginatawag si Pedro, kag si Andres nga utud niya; si Santiago nga anak ni Zebedeo, kag si Juan nga utud niya; 3si Felipe kag si Bartolome; si Tomas kag si Mateo nga manugsukot sang buhis; si Santiago nga anak ni Alfeo, kag si Tadeo; 4si Simon nga Canaanhon, kag si Judas Iscariote, nga nagtugyan kay Jesus.

Ang Tulumanon sang Napulog Duha

(Mar. 6:7-13; Luc. 9:1-6)

5Ining napulog duha ginpadala ni Jesus, kag gintugnan sila,#Luc. 10:4-11. “Dili kamo maglakat sa dalan sang mga Gentil, kag dili magsulud sa bisan anong banwa sang mga Samariahanon, 6kondi hinonoo kadto kamo sa mga tawo sang Israel nga kaangay sa mga carnero nga nagkaladula. 7Kag wali sa nagakadto kamo, nga nagasiling, ‘Ang ginharian sang langit malapit na.’ 8Ayoha ang mga masakiton, banhawa ang mga patay, ayoha ang mga aroon, sobola ang mga yawa. Ginbaton ninyo sa walay bayad, ihatag sa walay bayad. 9Dili kamo magbalon sing bulawan, ukon pilak, ukon saway sa inyo mga wagkus, 10ukon balalonan sa inyo panlakatan, ukon duha ka bayo, ukon sandalias, ukon sungkud; kay ang mamumugon takus sa iya kalan-on.#1 Cor. 9:14; 1 Tim. 5:18. 11Kag bisan diin nga banwa ukon minoro ang inyo sudlan, usisaon ninyo kon sin-o didto ang takus, kag pabilin kamo didto tubtub nga maghalin kamo. 12Sa nagasulud kamo sa balay, abiabiha ini. 13Kag kon ang balay takus, ang inyo paghidait magdangat sa iya; apang kon indi takus, pabalika sa inyo ang inyo paghidait. 14Kag kon sin-o ang indi magbaton sa inyo, ukon magpamati sang inyo mga polong, sa paggowa ninyo didto sadtong balay ukon banwa, itaktak ninyo ang yab-ok sa inyo mga tiil.#Binu. 13:51. 15Sa pagkamatuud, nagasiling ako sa inyo, magahaganhagan pa sa duta sang Sodoma kag Gomorra#Gen. 19:24-28. sa adlaw sang paghukom sang sa sadtong banwa.#Mat. 11:23-24.

Ang Pagpamatuud sa atubangan sang mga Manughingabut

(Mar. 13:9-13; Luc. 21:10-19)

16“Yari karon, ginapadala ko kamo subong sang mga carnero sa tunga sang mga lobo;#Luc. 10:3. busa magmaalam kamo subong sang mga man-ug kag magwalay daya kamo subong sang mga salampati. 17Apang mag-andam sa mga tawo; kay itugyan kamo sa mga corte, kag bunalon kamo nila sa ila mga sinagoga, 18kag dalhon kamo sa atubangan sang mga pangulo-puud kag sang mga hari bangud sa akon, sa pagpamatuud sa ila kag sa mga Gentil. 19Kon kamo itugyan nila, dili kamo maghimud-os kon paano ukon ano ang inyo ipamolong; kay sa sadtong takna ihatag sa inyo ang inyo ipamolong; 20kay indi kamo ang nagapamolong, kondi ang Espiritu sang inyo Amay nga nagapamolong paagi sa inyo.#Luc. 12:11-12. 21Ang utud magatugyan sang utud sa kamatayon, kag ang amay sang iya anak, kag ang mga anak magabato sa mga ginikanan kag magapapatay sa ila; 22kag dumtan kamo sang tanan nga tawo bangud sa akon ngalan.#Mat. 24:9. Apang ang nagapadayon tubtub sa katapusan maluwas.#Mat. 24:13. 23Kon sila maghingabut sa inyo sa isa ka banwa, palagyo kamo sa madason; kay sa pagkamatuud, nagasiling ako sa inyo, indi ninyo malibut ang kabanwahanan sa Israel, tubtub nga magkari ang Anak sang tawo.

24“Ang gintoton-an indi labi sa iya manunudlo,#Luc. 6:40. ukon ang ulipon labi sa iya agalon;#Juan 3:16; 15:20. 25tuman lamang sa gintoton-an nga manginsubong sa iya manunudlo, kag sa ulipon sa iya agalon. Kon ang agalon sang panimalay gintawag nila nga Beelzebub,#Mat. 9:34; 12:24; Mar. 3:22; Luc. 11:15. daw ano pa gid ang mga sa iya panimalay.

Sin-o ang Kahadlukan

(Luc. 12:4-7)

26“Busa dili magkahadluk sa ila; kay wala sing bisan ano nga natabonan nga indi magdayag, ukon natago nga indi mahibaloan.#Mar. 4:22; Luc. 8:17. 27Ang ginasiling ko sa inyo sa madulum, ipamolong ninyo sa masanag; kag ang ginahutik sa inyo, ibantala ninyo sa mga atop sang balay. 28Kag dili kamo mahadluk sa mga nagapatay sang lawas apang indi makapatay sang kalag; kondi hinonoo kahadlukan ninyo ang makalaglag sang kalag kag lawas sa infierno. 29Wala bala ginabaligya ang duha ka magamay nga pispis sing isa ka diotay? Kag wala sing isa sa ila nga maholog sa duta nga indi sa kabubut-on sang inyo Amay. 30Apang bisan pa ang mga bohok sa inyo olo naisip nga tanan. 31Busa dili kamo mahadluk; mahal pa kamo sa madamu nga magamay nga pispis. 32Busa ang tagsatagsa nga magtu-ad sa akon sa atubangan sang mga tawo, ituad ko man sia sa atubangan sang akon Amay nga yara sa langit; 33apang ang bisan sin-o nga magpanghiwala sa akon sa atubangan sang mga tawo, ipanghiwala ko man sia sa atubangan sang akon Amay nga yara sa langit.#2 Tim. 2:12.

Ang Bili sang Pagsonod kay Jesus

(Luc. 12:49-53; 14:26-27)

34“Dili kamo maghunahuna nga ako nagkari sa pagdala sing paghidait sa duta; wala ako magkari sa pagdala sing paghidait, kondi sing espada. 35Kay ako nagkari sa pagpasumpung sang tawo sa iya amay, kag sang anak nga babayi sa iya iloy, kag sang umagad nga babayi batok sa iya ugangan nga babayi; 36kag ang mga kaaway sang tawo amo ang yara sa iya panimalay.#Miq. 7:6. 37Ang nagahigugma sang amay ukon iloy labi pa sa akon indi takus sa akon; kag ang nagahigugma sang anak nga lalaki ukon anak nga babayi labi pa sa akon indi takus sa akon; 38kag ang wala nagapas-an sang iya cruz kag nagasonod sa akon indi takus sa akon.#Mat. 16:24; Mar. 8:34; Luc. 9:23. 39Ang nagapangita sang iya kabuhi madula niya ini, kag ang nagadula sang iya kabuhi bangud sa akon makita niya ini.#Mat. 16:25; Mar. 8:35; Luc. 9:24; 17:33; Juan 12:25.

Mga Balus

(Mar. 9:41)

40“Ang nagabaton sa inyo nagabaton sa akon,#Luc. 10:16; Juan 13:20. kag ang nagabaton sa akon nagabaton sadtong nagpadala sa akon.#Mar. 9:37; Luc. 9:48. 41Ang nagabaton sang manalagna bangud nga manalagna sia magabaton sang balus sang manalagna, kag ang nagabaton sang matarung nga tawo bangud nga matarung sia magabaton sang balus sang matarung. 42Kag ang bisan sin-o nga magpainum sing isa ka tagayan lamang nga tubig nga matugnaw sa isa sining mga magamay bangud nga sia gintoton-an, sa pagkamatuud nagasiling ako sa inyo, indi niya nga mas-a madula ang iya balus.”

Currently Selected:

MATEO 10: ABHIL82

Highlight

Copy