ISAIAS 6
6
Ang Palanan-awon ni Isaias kag ang Pagtawag sa Iya
1Sa tuig nga napatay si Hari Uzias#2 Hari 15:7; 2 Cron. 26:23. nakita ko ang Ginoo nga nagalingkod sa isa ka trono, mataas kag nabayaw; kag ang iya mga sidsid naghil-ub sang templo. 2Sa ibabaw niya nagtindug ang mga serafin; ang tagsatagsa may anum ka pakpak: sa duha gintabonan niya ang iya nawung, kag sa duha gintabonan niya ang iya mga tiil, kag sa duha naglupad sia. 3Kag ang isa nagsinggit sa isa kag nagsiling:
“Balaan, balaan, balaan ang Ginoo sang mga kasoldadosan;#Bug. 4:8.
ang bug-os nga duta napuno sang iya himaya.”
4Kag ang mga sadsaran sang mga atangan nag-uyug sa tingug sang naga-singgit, kag ang balay napuno sang aso.#Bug. 15:8. 5Niyan nagsiling ako: Kailo ako! Kay nawala na ako; bangud nga tawo ako nga dimatinlo sing mga bibig, kag nagapuyo ako sa tunga sang katawohan nga dimatinlo sing mga bibig; kay ang akon mga mata nakakita sang Hari, ang Ginoo sang mga kasoldadosan!”
6Niyan ang isa sang mga serafin naglupad sa akon, nga sa iya kamut may baga nga ginkuha niya sang kimpit sa halaran. 7Kag gintandug niya sini ang akon baba, kag nagsiling: “Yari karon, ini nakatandug sa imo mga bibig; nakuha ang imo kalautan, kag napatawad ang imo sala.” 8Kag nabatian ko ang tingug sang Ginoo nga nagasiling, “Sin-o bala ang akon ipadala, kag sin-o ang magakadto tungud sa amon?” Niyan nagsiling ako, “Yari ako! Ipadala ako.” 9Kag nagsiling sia, “Lakat, kag sugiri ini nga katawohan:
‘Pamati kamo sa pagkamatuud, apang indi makahangup;
tan-aw kamo sa pagkamatuud, apang indi makahantup.’
10Patamboka ang tagiposoon sini nga katawohan,
kag pabungula ang ila mga idulungug,
kag papiyonga ang ila mga mata;
basi nga makakita sila sa ila mga mata,
kag makabati sa ila mga idulungug,
kag makahangup sa ila tagiposoon,
kag magliso kag mag-ayo.”#Mat. 13:14-15; Mar. 4:12; Luc. 8:10; Juan 12:40; Binu. 28:26-27.
11Niyan ako nagsiling, “Ginoo, tubtub bala san-o?” Kag nagsabat sia:
“Tubtub nga ang kabanwaanan malaglag
nga wala sing pumuluyo,
kag ang mga balay wala sing tawo,
kag ang duta malaglag sing bug-os,
12kag mapapalayo sang Ginoo ang mga tawo,
kag magdamu ang binayaan nga mga duug sa tunga sang duta.
13Kag kon may yara pa nga ikapulo sa iya,
ini man upuron pa,
subong sang terebinto kag subong sang roble,
nga ang ila puno nagakabilin
kon pukanon sila.”
Ang balaan nga binhi amo ang puno niya.
Currently Selected:
ISAIAS 6: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
