ISAIAS 4
4
1Kag ang pito ka babayi magadakup sang isa ka lalaki sa sadto nga adlaw, nga nagasiling, “Magakaon kami sang amon kaugalingon nga kalan-on kag magapanaput sang amon kaugalingon nga panapton, lamang tawgon kami tungud sa imo ngalan; kuhaon mo ang amon kahuluy-an.”
Ang Mahimayaon nga Palaabuton sang Jerusalem
2Sa sadto nga adlaw ang sanga sang Ginoo manginmatahum kag mahimayaon, kag ang bunga sang duta manginmaayo gid kag manginmaanyag sa mga nakapalagyo sang Israel. 3Kag sia nga mabilin sa Sion kag sia nga mabilin sa Jerusalem tawgon nga balaan, bisan ang tagsatagsa nga napanulat sa tunga sang mga buhi sa Jerusalem, 4kon mahugasan na sang Ginoo ang higko sang babayi nga mga anak sang Sion kag matinloan na ang dugo sang Jerusalem gikan sa tunga niya paagi sa espiritu sang katarungan kag paagi sa espiritu sang pagsonog. 5Niyan ang Ginoo magatuga sa ibabaw sang bug-os nga puluy-an sang Bukid nga Sion kag sa ibabaw sang iya mga pagtilipon sing panganud kag aso sa adlawon, kag sa kagab-ihon sang pagsilak sang nagadabdab nga kalayo; kay sa ibabaw sang bug-os nga himaya ihumlad ang isa ka tabon. 6Ini manginlayanglayang nga handong sa adlawon gikan sa kainit, kag dalangpan kag pasilongan gikan sa unus kag gikan sa ulan.
Currently Selected:
ISAIAS 4: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
