EXODO 10:21-23

Niyan ang GINOO nagsiling kay Moises, “Untaya ang imo kamut nayon sa langit agud nga may kadudulman sa ibabaw sang duta sang Egipto, isa ka pitipit nga kadudulman.” Gani gin-untay ni Moises ang iya kamut nayon sa langit, kag may pitipit nga kadudulman sa bug-os nga duta sang Egipto sing tatlo ka adlaw; indi sila makakita sa isa kag isa, kag wala sing nagtindug sa iya duug sa tatlo ka adlaw; apang ang tanan nga katawohan sang Israel may kapawa sa ila mga puluy-an.