DEUTERONOMIO 16

Ang Paghiwat sang Pascua

(Ex. 23:14-15; 34:18-20; Lev. 23:4-14)

1“Bantayan mo ang bulan sang Abib, kag hiwaton ang pascua#Ex. 12:1-20; Lev. 23:5-8; Num. 28:16-25. sa Ginoo nga imo Dios; kay sa bulan sang Abib ginpagowa ka sang Ginoo nga imo Dios gikan sa Egipto sa kagab-ihon. 2Kag ihalad mo ang pascua sa Ginoo nga imo Dios, gikan sa panong ukon sa kabakahan, sa duug nga pilion sang Ginoo, sa pagpapuyo sang iya ngalan didto. 3Dili ka magkaon sang tinapay nga may tapay upud sini; sa pito ka adlaw magkaon ka sang tinapay nga walay tapay upud sini, ang tinapay sang kapipit-an—kay sa dalidali naggowa ka sa duta sang Egipto—agud nga makadumdum ka sang adlaw nga naggowa ka sa duta sang Egipto sa tanan nga adlaw sang imo kabuhi. 4Walay tapay nga makita upud sa imo sa bug-os mong ginsakpan sing pito ka adlaw; kag walay bisan ano sang unud nga ginahalad mo sa kahaponon sang nahaunang adlaw nga mabilin sa bug-os nga gab-i tubtub sa aga. 5Dili mo mahalad ang pascua sa bisan diin sa sulud sang imo mga gawang nga ginahatag sa imo sang Ginoo nga imo Dios; 6kondi sa duug nga pilion sang Ginoo nga imo Dios, sa pagpapuyo sang iya ngalan, didto ihalad mo ang pascua sa kahaponon, sa paghinunud sang adlaw, sa panag-on nga naggowa ka gikan sa Egipto. 7Kag asalon mo kag kaonon ini sa duug nga pilion sang Ginoo nga imo Dios; kag magpauli ka sa aga kag magsulud sa imo mga layanglayang. 8Sa anum ka adlaw magkaon ka sang tinapay nga walay tapay; kag sa ikapitong adlaw may pagtilipon nga maligdong sa Ginoo nga imo Dios; dili ka maghimo sing buluhaton sa sulud sini.

Ang Piesta sang mga Semana

(Ex. 23:16; 34:22)

9“Mag-isip ka nga sa imo sing pito ka semana; kutub sa tion nga nagasugud ka sa paggalab sang mga uhay magsugud ka sa pag-isip sing pito ka semana. 10Niyan maghiwat ka sang piesta sang mga semana#Lev. 23:15-21; Num. 28:26-31. sa Ginoo nga imo Dios nga naupdan sang dolot sang halad-nga-kinabubut-on sa imo kamut, nga imo ihatag sono sa pagpakamaayo sa imo sang Ginoo nga imo Dios; 11kag magkalipay ka sa atubangan sang Ginoo nga imo Dios, ikaw kag ang imo anak nga lalaki kag ang imo anak nga babayi, ang imo alagad nga lalaki kag ang imo alagad nga babayi, ang Levinhon nga yara sa sulud sang imo mga gawang, ang manlulugayaw, ang ilo, kag ang balo nga babayi nga yara sa tunga nimo, sa duug nga pilion sang Ginoo nga imo Dios, sa pagpapuyo sang iya ngalan didto. 12Dumduma nga nangin-ulipon ka sa Egipto; kag magbantay ka kag maghimo sining mga palatukuran.

Ang Piesta sang mga Kayangkayang

(Ex. 23:16-17; 34:22-24)

13“Hiwaton mo ang piesta sang mga kayangkayang#Lev. 23:33-36, 39-43; Num. 29:12-38. sa pito ka adlaw, sa tapus nga nakahimos ka gikan sa imo linasan kag sa imo linasan sang uvas; 14magkalipay ka sa imo piesta, ikaw kag ang imo anak nga lalaki kag ang imo anak nga babayi, ang imo alagad nga lalaki kag ang imo alagad nga babayi, ang Levinhon, ang manlulugayaw, ang ilo, kag ang balo nga babayi nga yara sa sulud sang imo mga gawang. 15Sa pito ka adlaw hiwaton mo ang piesta sa Ginoo nga imo Dios sa duug nga pilion sang Ginoo; bangud nga pakamaayohon ka sang Ginoo nga imo Dios sa tanan mong patubas kag sa tanan nga buluhaton sang imo mga kamut, agud nga magmasadyahon ka sing bug-os gid.

16“Sa makatlo sa isa ka tuig magaatubang ang tanan mong lalaki sa Ginoo nga imo Dios sa duug nga pilion niya: sa piesta sang tinapay nga walay tapay, sa piesta sang mga semana, kag sa piesta sang mga kayangkayang. Dili sila mag-atubang nga walay dala sa Ginoo; 17ang tagsa ka tawo magahatag sono sa iya masarangan, sono sa pagpakamaayo nga nahatag sa imo sang Ginoo nga imo Dios.

Ang Pagdumala nga may Pagkatarung

18“Maghimo ka nga sa imo sing mga hukom kag mga punoan sa tanan mong gawang, nga ginahatag sa imo sang Ginoo nga imo Dios, sono sa imo mga kabikahan; kag hukman nila ang katawohan sa paghukom nga matarung. 19Dili mo pagpatikoon ang katarungan; dili ka magpasulabi sing mga tawo; kag dili ka magbaton sing hamham, kay ang hamham nagabulag sang mga mata sang mga maalam kag nagapatiko sang mga polong sang mga matarung.#Ex. 23:6-8; Lev. 19:15. 20Ang bug-os nga katarungan sondon mo, agud nga magkabuhi ka kag magpanubli sang duta nga ginahatag sa imo sang Ginoo nga imo Dios.

21“Dili ka magbugsok nga sa imo sing Ashera sang bisan anong sari sang kahoy sa luyo sang halaran sang Ginoo nga imo Dios nga himoon mo nga sa imo. 22Kag dili ka magpatindug sing obelisco,#Lev. 26:1. nga ginadumtan sang Ginoo nga imo Dios.

Currently Selected:

DEUTERONOMIO 16: ABHIL82

Highlight

Copy